Милици

РЮО-йæ RSO-мæ: куыд ивтой Хуссар Иры хæдтулгæты номыртæ

64
(ранӕуӕггонд 18:52 03.09.2020)
Джиоты Аланы ныхæстæм гæсгæ, нырмæ æдæппæтæй Паддзахадон автоинспекци радта 24 мин хæдтулгæйы номырон нысаны

ЦХИНВАЛ, 3 сен - Sputnik, Плиты Фатимæ. Хуссар Ирыстоны сентябры райдайæны 28 азы размæ фæзындысты хæдбар паддзахады фыццаг хæдтулгæты номыртæ. Абон нæ республикæ æмæ æддæйæ æзмæлы 24 мин машинæйы бынæттон номыртимæ, фехъусын кодта Sputnik Паддзахадон автоинспекцийы хистæр Джиоты Алан.

Хуссар Ирыстоны Уæлдæр Совет 1992 азы сентябры сфидар кодта хæдтулгæты ног номыртæ.

"Уæд иумæйаг æмбырд ауагътам æмæ уым аскъуыддзаг кодтам саразын хæдтулгæты номыртæ, уæдмæ транспорт змæлд гуырдзыйы номыртимæ. Хисæрмагонд хæдтулгæты фыст цыд цифрæтæ æмæ Хуссар Иры аббревиатура уырыссаг æвагыл, паддзахадонты разæй цифрæтæ стæй та дамгъæ. Фыццаг парти – мин номыры саразын кодтам Ростовы", - радзырдта уый.

Йæ ныхæстæм гæсгæ, фæстæдæр самал кодтой уæзласæн машинæтæ æмæ мотоциклетæн дæр нысæнттæ.

"Уый фæстæ аппарахат сты Хусар Ирыстоны номыртæ. Мæхъæлимæ хæсты рæстæджы нæ фæсивæд куы абырстой æххуысмæ, уæд-иу сæ уым дæр базыдтой сæ номыртæм гæсгæ", - бафтыдта уый.

2001 азы Хуссар Ирыстоны дæр куыд Уæрæсейы афтæ раивтой номыртæ.

"Нæ кусджытæ уæд арвыстам Мæскуымæ, уыдон сфидар кодтой номырты ног хуыз, бацархайдтой цæмæй нæ номырты хуызæн макæмæн уыдаид. Тырыса рахиз фарстæй ацыд галиу фарсмæ, йæ Республика Хуссар Ирыстоны аббревиатура та фыст æрцыд англисаг дамгъæтæй (RSO)", - загъта Джиоты Алан.

Йæ ныхæстæм гæсгæ, ныридæгæн æдæппæтæй Паддзахадон автоинспекци радта 24 мин хæдтулгæ, 20 серийæ фылдæр.

64
Цхинвал

Бибылты Анатолий раарфӕ кодта Хуссар Иры банкон фадыджы кусджытӕн

0
(ранӕуӕггонд 14:36 02.12.2020)
Бузныг уын стыр профессионализм ӕмӕ уӕ куыстӕн иузӕрдыгдзинады тыххӕй, банысан икодта президент йӕ арфӕйы банкон фадыджы кусджытӕн

ЦХИНВАЛ, 2 дек — Sputnik. Хуссар Ирыстоны банкон фадыджы кусынц бӕрзонд квалификациимӕ специалисттӕ. Уыдон иудадзыг хуыздӕр кӕнынц сӕ профессионализм. Уый тыххӕй дзырдӕуы Бибылты Анатолийы арфӕйы телы банкон фадыджы кусджытӕн, кӕцытӕ абон нысан кӕнынц сӕ профессионалон бӕрӕгбон.

Бибылты Анатолий фидарӕй загъта, банкон кусджытӕ дарддӕр дӕр алцыдӕр кӕй араздзысты къабазы райрӕзтӕн, ӕнтыстджынӕй ӕххӕст кӕндзысты сӕ хӕслӕвӕрдтӕ.

Паддзахады сӕргълӕууӕджы цӕст бауарзта банкон фадыджы специалисттӕн фидар ӕнӕниздзинад, амонд ӕмӕ ног ӕнтыстытӕ сӕ Фыдыбӕстӕйы хӕрзӕбонӕн.

0
Коронавирус

Хуссар Иры сбӕрӕг кодтой коронавирусӕй 27 ног рынчыны

1
(ранӕуӕггонд 14:27 02.12.2020)
Пандемийы рӕстӕджы республикӕйы территорийыл сбӕрӕг кодтой коронавирусӕй 1904 фӕрынчынуӕвӕджы, уыдонӕй 894 сӕнӕниз сты

ЦХИНВАЛ, 27 ноя - Sputnik, Хъуылымбегты Зӕлинӕ. Хуссар Ирыстоны иу суткӕмӕ  сбӕрӕг кодтой 27 рынчыны коронавирусон инфекцийӕ, фехъусын кодта Sputnik Югосетпотребнадзоры сӕргълӕууӕджы хӕдивӕг Гаглойты Анна.

"Ивгъуыд суткӕйы сарӕзтам 155 иртӕсты COVID-19-ы фӕдыл, уыдонӕй 27 радтой ӕвӕрццаг фӕстиуӕг", - загъта Гаглойты Анна.

Гаглойты Аннайы ныхӕстӕм гӕсгӕ, медикты хъусдарды бын республикӕйы медицинон уагдӕтты ис 1061 адӕймаджы.

"Ивгъуыд суткӕйы медикты хъусдардӕй систой 30 пациенты", - бафтыдта уый.

Пандемийы рӕстӕджы республикӕйы территорийыл сбӕрӕг кодтой коронавирусӕй 1904 фӕрынчынуӕвӕджы, уыдонӕй 894 сӕнӕниз сты.

Хуссар Ирыстоны 15 декабры онг ис арӕнӕвӕрдон мадзӕлттӕ, ӕхгӕд сты ахуырадон уагдӕттӕ, тобӕ сӕвӕрдтой массон мадзӕлттӕ ауадзыныл.

1