Дзауы центры арæзт цæуынц хæдзæрттæ

Дзауы центры арæзт цæуынц хæдзæрттæ 36 фатеримæ

31
(ранӕуӕггонд 15:43 04.09.2020)
Дыууæ æртæуæладзыгон цæрæн хæдзары амайынц арæзтадон фирмæтæ "ЦСК" æмæ "Монах" районы центры

ЦХИНВАЛ, 4 сен — Sputnik, Дриаты Лейла. Дзауы районы центры сæ тæмæны сты дыууæ æртæуæладзыгон цæрæн хæдзары арæзтад. Дыууæ корпус дæр, арæзтадон фирмæты разамонджыты ныхæстæм гæсгæ, хъуамæ агъуысты бын фæуой зымæджы райдайæнмæ.

В Дзауском районе Южной Осетии строят два многоквартирных дома
© Sputnik / Лейла Дриаева
Дзауы центры арæзт цæуынц хæдзæрттæ 36 фатеримæ

Ацæугæ азы уал Дзауы арæзт æмæ эксплуатацимæ лæвæрд æрцыд æртæуæладзыгон хæдзар æмæ фатерты хицæуттæ баисты 18 бинонтæ. Ныр та дзы арæзт цæуы дыууæ æртæуæладзыгон цæрæн корпусы. Хæдзæрттæ амайынц арæзтадон фирмæ "ЦСК" æмæ фирмæ "Монах".

"Объекты арæзтадыл ныртæккæ кусы 11 адæймаджы. Уыдон се 'ппæт дæр сты бынæттон цæрджытæ. Фыццаг æмæ дыккаг уæладзыджы дæр цæуынц монолитон куыстытæ, арæзт æрцæудзысты асинтæ. Æртыккаг уæладзыгæн æвæрд цæуынц колоннæтæ, стæй æрывналдзысты æртыккаг уæладзыг аразынмæ дæр. Фæлæ уал, уæдмæ кусджытæ сараздзысты фыццаг æмæ дыккаг уæладзыджы гæрæнтæ", - зæгъы арæзтадон фирмæ "ЦСК"-ы минæвар Томайты Вадим.

Томайы фырт куыд зæгъы, афтæмæй коронавирусы аххосæй сæ куысты графикæй чысыл фæстейæ аззадысты. Фæлæ ныр уавæр рараст, рæстæгыл ифтонг цæуынц арæзтадон æрмæгæй æмæ цалынмæ зымæгон хъызт бонтæ не 'рбалæууой, уæдмæ хæдзар фæкæндзысты агъуысты бын.

"Æвæрд æрцыдысты рудзгуытæ, дуæрттæ. Зымæгон та æдыхстæй бакæндзысты мидæггагон куыстытæ. Фатертæ хæрзарæзт канд мидæгæй нæ уыдзысты, фæлæ ма – æддейæ дæр. Объектты кæрт дæр æрцæудзæн хæрзарæзт. Уым уыдзæн сабитæн хъазæн фæзуат, цæрджыты машинæтæн уромæн бынат, улæфæн зонæ", - бафтыдта Томайты Вадим.

Иу ахæм æртæуæладзыгон хæдзар ма арæзт цæуы уырдæм æввахс. Уым та арæзтадон куыстытæ æххæст кæны арæзтадон фирмæ "Монах".

"Нæ куысты коронавирусы аххосæй уыд къуылымпыдзинæдтæ. Ныр нæ уавæр бирæ фæхуыздæр, рæстæгыл ифтонг цæуынц арæзтадон æрмæджытæй. Объекты иууыл иумæ кусы 18 адæймаджы. Уыдонæй 7 адæймаджы сты бынæттон цæрджытæ æмæ дзы фондз специалисты та æркодтой хонгæ. Цалынмæ уазæлттæ нæ райдыдтой, уæдмæ хъуамæ фæуой арæзт æмæ агъуысты бын. Зымæгон та бакæндзыстæм мидæггагон куыстытæ. Фидæн аз та, уалдзæджы, æрывналдзыстæм кæрты хæрзарæзтадон куыстытæм", - загъта арæзтады генералон директор Зæгъойты Феликс.

Инвестицион программæйы фæлгæтты бирæ ахсджиаг объекттæ сырæзт нæ республикæйы сæйраг горæт æмæ йæ районты. Фæлæ уæддæр цæрæнуатон фарст нырма актуалон у нæ горæты æмæ районты бирæ цæрджытæн. Уымæн æвдисæн у нæ республикæйы Президент Бибылты Анатолийæн рæстæгæй-рæстæгмæ цы химæрайстытæ вæййы, афтæ ма йын хъæууон цæрджытимæ цы фембæлдтытæ вæййы, уым сæйраджыдæр, адæм кæй фæдомынц цæрæнуатон проблемæтæ аскъуыддзаг кæнын.

31
Фӕсарӕйнаг хӕдтулгӕ сӕмбӕлд фӕндаггӕрон цӕджындзыл Цхинвалы

Фӕсарӕйнаг хӕдтулгӕ сӕмбӕлд фӕндаггӕрон цӕджындзыл Цхинвалы

4
(ранӕуӕггонд 16:09 23.09.2020)
Авари ӕрцыд ӕртыццӕджы сихорафон Дзау-Цхинвал фӕндагыл. Развӕлгъау бӕрӕггӕнӕнтӕм гӕсгӕ, машинӕйы шофыр уӕззау цӕфтӕ нӕ фӕцис

ЦХИНВАЛ, 23 сен — Sputnik, Хъуылымбегты Азӕмӕт. Хуссар Ирыстоны столицӕйы цӕгаттаг фарс ӕртыццӕджы ӕрцыд фӕндагон-транспортон цау - рог хӕдтулгӕ "Volkswagen Jetta-йы шофыр сӕмбӕлд фӕндагон нысаны цӕджындзыл ӕртагкӕнӕн станцмӕ базилӕны. Мидхъуыддӕгты министрады пресс-службӕйы кусӕг Джиоты Алик куыд фехъусын кодта, афтӕмӕй автоинспекцийы кусджытӕ бӕрӕг кӕнынц цауы ӕууӕлтӕ.

"Развӕлгъау бӕрӕггӕнӕнтӕм гӕсгӕ, аварийы фӕстиуӕгӕн зианбаййафджытӕ нӕй, - загъта уый.

Хӕдтулгӕ, бафтыдта пресс-службӕйы кусӕг, дзӕвгар ныппырхытӕ ис, уый сэвакуаци кодтой цауы бынатӕй.

4
РХИ парламент

Парламент радон хатт не ‘ркаст Хуссар Иры премьеры кандидатурӕмӕ

4
(ранӕуӕггонд 15:30 23.09.2020)
Ӕртыццӕджы фӕуд кӕны закондӕттӕг органы ӕркасты ӕмгъуыд президенты æнхърæнмæ Хуссар Ирыстоны хицауады сӕрдар снысан кӕнынӕн. Профилон комитеты рабадт нӕ ацыд ӕртыккаг хатт

ЦХИНВАЛ, 23 сен - Sputnik. Кворум кӕй нӕ ӕрымбырд, уый тыххӕй нӕ ацыд парламенты законад ӕмӕ бынӕттон хӕдразамынады комитеты рабадт, кӕцыйы рӕстӕджы хъуамӕ ӕркастаиккой Бекъойты Геннадийы кандидатурӕмӕ бӕстӕйы премьер-министры бынатмӕ. Уый тыххӕй хъусын кӕны парламенты пресс-службӕ.

16 сентябры президент Бибылты Анатолий парламенты ӕркастмӕ бавдыста Бекъойты Геннадийы кандидатурӕ премьер-министры бынатмӕ. Конституцимӕ гӕсгӕ, фарстмæ сессийы агъоммӕ ӕркӕсынц комитет æмæ президиумы. Закондӕттӕг органӕн уыд иу къуыри хицауады сӕрдары кандидатурӕмӕ ӕркӕсынмӕ, ӕмгъуыд фӕуд кӕны ӕртыццӕджы. Уый размӕ комитеты дыууӕ рабадты дӕр нӕ ацыдысты кворум кӕй нӕ ӕрӕмбырд, уый тыххӕй.

"Нӕ комитеты уӕнгтӕ – депутаттӕ Гаглойты Алан ӕмӕ Диакъонты Амиран – не ‘рбацыдысты рабадтмӕ. Уыдон ӕртыккаг хатт нӕ исынц хайад комитеты рабадты, уый фӕдыл ӕй нӕй фадат ауадзын ацы фарстмӕ ӕркӕсыны тыххӕй. Абон ӕз ныффысдзӕн службӕйон фыстӕг парламенты сӕрдармӕ ацы фарсты фӕдыл, цы ран ӕз фехъусын кӕндзӕн, депутаттӕ ӕртыккаг хатт кӕй нӕ ӕрбацыдысты комитеты рабадтмӕ, ӕмӕ уый фӕдыл нӕ фадат ауадзын рабадт ацы фарсты фӕдыл", - банысан кодта комитеты сӕрдар Габатты Алан.

Президенты минӕвар парламенты Куымӕридтаты Анна фехъусын кодта президенты номӕй, депутаттӕ парламенты куысты хайад кӕй нӕ исынц, уымӕн нӕй барадон бындур.

Парламенты спикер Тадтаты Алан схуыдта депутатты позици закондӕттӕг органы куысты ӕргом саботаж.

Раздӕры хицауад ацыд отставкӕйы Цхинвалы митингты фӕстӕ. Столицӕйы адӕм се 'неразыдзинад равдыстой Цхинвалы цӕрӕг Дзабиты Иналы мӕлӕты фӕстӕ, кӕцы амард Мидхъуыддӕгты министрады криминалон милицийы рӕстӕгмӕ дарӕн изоляторы нады фæстиуæгæн.

Уый фæстæ митингты адӕм домдтой МХМ хистӕр ӕмӕ Генералон прокуроры отставкӕтӕ. 16 сентябры президент йӕ пресс-конференцийы комкоммӕ эфиры фехъусын кодта йӕ дзуапп депутаттӕн, генералон прокуроры йӕ бынатӕй ссӕрибар кӕнынӕн кӕй нӕй бындур. Уымӕй размӕ закондӕттӕг органты депутатты ӕмбис сӕ куыст ӕххӕст кӕныныл нал саразы сты, цалынмӕ президент сӕххӕст кӕна сӕ домӕн.

18 сентябры парламентон фракци "Иугонд Ирыстон"-ы скондæй йæ рахызты тыххæй фехъусын кодта депутат Мулдарты Гарри, уымæй уый равдыста йе ʻнæразыдзинад депутатты фылдæр хайы домæн æххæст кæй не ʻрцыд, уый тыххæй.

4