Дамаскы бакодтой Абхазы минæварад Сирийы

Дамаскы бакодтой Абхазы минæварад Сирийы

3
(ранӕуӕггонд 18:53 06.10.2020)
Сири банымадта Хуссар Ирыстон æмæ Абхазы хæдбардзинад æмæ сфидар кодта дипломатон ахастытæ дыууæ бæстæимæ майы 2018 азы

ЦХИНВАЛ, 6 окт — Sputnik. Дамаскы дыццæджы ацыд Абхазы минæварад бакæныны цытджын церемони Сириаг Арабаг республикæйы, хъусын кæны Sputnik Абхазия.

Уымæй размæ абхазаг делегаци, кæцыйæн разамынад дæтта сæ президенты администрацийы хистæр Алхас Квициния, ныццыд Дамаскмæ, цæмæй дзы бакæной минæварад Сирийы.

Абхазы минæвæрттæ фембæлдысты Сирийы президент Башар Асадимæ. Кусæгон фембæлды рæстæджы фидар æрцыд бадзырд, кæцыйы фæрцы ивд цæуынц визæйон домæнтæ дипломатон науæд та службæйон паспортты хицæуттæн.

Сирийы МХМ-йы хистæр Валид Муаллем бузныг загъта Абхазæн сæ хæларадон ахастыты тыххæй.

"Абоны мадзал ратдзæн старт практикон архайдтытæн дыууæварсон ахасытæ райтынг кæнынæн дыууæ бæстæйы хсæн", - загъта уый.

Сири банымадта Хуссар Ирыстон æмæ Абхазы хæдбардзинад æмæ сфидар кодта дипломатон ахастытæ дыууæ бæстæимæ майы 2018 азы.

2020 азы июлы кæрон Сириаг Арабаг Республикæйы президент Башар аль-Асад райста Абхазы æххæстбарджын минæвар Баграт Хутабы. Уæд ацыд æууæнчы грамотаты раттын церемони.

3
Сырх зонӕ

Хуссар Ирыстоны коронавирусӕй амард ноджы иу адӕймаг

4
(ранӕуӕггонд 11:43 28.10.2020)
Вирусон пневмонийӕ республикӕйы амардысты ӕхсӕз адӕймаджы – уыдонӕй алкӕмӕн коронавирус нӕ рабӕрӕг

ЦХИНВАЛ, 27 окт — Sputnik. Хуссар Ирыстоны коронавирусӕй амард ноджы иу нӕлгоймаг, фехъусын кодтой Sputnik  республикон бирӕпрофилон медцентры.

Знон ма фехъусын кодтой ноджы дыууӕ адӕймаджы фӕзианы тыххӕй – уыдон уыдысты 65-аздзыд нӕлгоймаг ӕмӕ 81-аздзыд сылгоймаг.

"Коронавирусӕй амард 52-аздзыд нӕлгоймаг. Иннӕ амӕттӕгтау уымӕн дӕр сытынг ис пневмони ӕмӕ йӕ организм не сфӕрӕзта", - загъта агентады ныхасӕмбал.

Республикӕмӕ дысон изӕр ӕрхӕццӕ сты уӕрӕсейаг ӕфсӕддон медиктӕ. Цхинвалы уыдон бакӕндзысты быдырон госпиталь, кӕцыйы бон уыдзӕн райсын коронавирусӕй 150 рынчыны.

4
Альпинисттæ æрфидар кодтой ирон тырыса Хъӕдласӕны хохыл

Фыдæлты зæххыты сæрмæ: альпинисттæ æрфидар кодтой ирон тырыса Хъӕдласӕны хохыл

4
(ранӕуӕггонд 13:13 28.10.2020)
Хъӕдласӕны хох æвæрд у денджызы æмвæзадæй 3842 бæрзæнддæн, фæстаг хатт ма йæм сцыд уыд 2017 азы

ЦХИНВАЛ, 28 окт — Sputnik, Плиты Фатимӕ. Хуссар Ирыстоны альпинистты къорд авд адæймаджы скондæй схызтысты Дзауы районы Хъӕдласӕны хохы бӕрзӕндмӕ. Балцгæнджытæ хохы сæр цы ирон тырса æрфидар кодтой, уый фæлгæсы Иры хуссар, цæгат æмæ Тырсыгоммæ, фехъусын кодта Sputnik балцгӕнджытӕй иу Багаты Марат.

Хъӕдласӕны хох æвæрд у денджызы æмвæзадæй 3842 бæрзæнддæн, фæстаг хатт ма йæм сцыд уыд 2017 азы.

"Альпинистты рагæй фæндыд Тырсыгомы нæ фыдæлты зæххытыл æрсадзын ирон тырса, фæлæ нын уырдæм фæндаг нæй. Ацы хох та йæм лæууы хæстæг. Хъӕдласӕны хох ис Ирыстоны цæгат, хуссар æмæ Тырсыгомы хсæн. Йæ бæрзæндыл æрфидар кодтам ирон тырысса, уый фæлгæсдзæн ирон адæмы цæрæн бынаттæм уæлвонгæй", - загъта Багаты Марат.

  • Альпинисттæ æрфидар кодтой ирон тырыса Хъӕдласӕны хохыл
    Альпинисттæ æрфидар кодтой ирон тырыса Хъӕдласӕны хохыл
    Фото из архива Марта Багаева
  • Альпинисттæ æрфидар кодтой ирон тырыса Хъӕдласӕны хохыл
    Альпинисттæ æрфидар кодтой ирон тырыса Хъӕдласӕны хохыл
    Фото из архива Марта Багаева
  • Альпинисттæ æрфидар кодтой ирон тырыса Хъӕдласӕны хохыл
    Альпинисттæ æрфидар кодтой ирон тырыса Хъӕдласӕны хохыл
    Фото из архива Марта Багаева
1 / 3
Фото из архива Марта Багаева
Альпинисттæ æрфидар кодтой ирон тырыса Хъӕдласӕны хохыл

Йæ Къорды архайджытæ уыдысты Табуты Алан, Бесаты Александр, Джиоты Ирэн, Абайты Алан, Хацырты Мурат, Джыгкайты Сергей æмæ Багаты Марат.

Хъӕдласӕны хохмæ стæм хатт сцæуы бæлццон, нымад цӕуы зынвадатыл. Ис Ерманы хъӕуы сӕрмӕ галиу фарс.

Къорд уымæй размæ та уыд Бурхохы, уæд Хуссар Ирыстоны иууыл бӕрзонддӕр ӕфцӕгыл кувӕндоны бафӕдзӕхстой республикӕйы цӕрджыты коронавирусы апарахаты дуджы.

4