Цхинвайлаг журналист райста Цӕгат Иры сӕргълӕууӕджы преми
(ранӕуӕггонд 09:46 14.01.2021)
Газет "Республика"-йы уацхӕссӕг Цхуырбаты Мӕдинӕйы рахицӕн кодтой номинаци "Единение"-йы, кӕцы лӕвӕрд фӕцӕуы хуссарирыстойнаг журналисттӕнЦХИНВАЛ, 13 янв – Sputnik, Плиты Фатимӕ. Хуссар Ирыстоны фӕсивӕдон газет "Республика"-йы журналист Цхуырбаты Мӕдинӕ райста Цӕгат Ирыстоны сӕргълӕууӕг Битарты Вячеславы ӕрвылазон преми "Единение". Цхинвайлаг журналист премийы лауреат ссис йӕ куыст "Север-Юг Алании. Единство судеб сквозь столетия"-йы тыххӕй.
Хорзӕхкӕныны церемони ацыд Дзӕуджыхъӕуы Национ музейы бӕстыхайы ӕмӕ йӕ ӕрӕмных кодтой Уӕрӕсейы дзыллон информацийы бонмӕ, кӕцы нысан цӕуы 13 январы.
"Тынг ӕхсызгон мын у, ацы хорзӕхы аккаг мӕ кӕй скодтой. Стыр бузныг мӕ загъын фӕнды сӕрмагондӕй мӕ редактор Хьоцыты Андрейӕн. Стӕй ма Цӕгат Иры разамонӕг Битарты Вячеславӕн, ӕнӕхъусдард кӕй нӕ уадзы Хуссары журналистты, уый тыххӕй",- загъта Sputnik премийы лауреат Цхуырбаты Мӕдинӕ.
Мадзал рӕстӕджы ма премитӕ радтой ӕндӕр номинациты дӕр. Цӕгат Ирыстоны разамонӕг Битарты Вячеслав раафӕ кодта журналисттӕн Ног аз ӕмӕ мыхуыр боны фӕдыл ӕмӕ фехъусын кодта, ацы азӕй республикӕйы кӕй райдайдзӕн кусын ӕвзонг журналистты цӕттӕйы нывӕзт.
Преми лӕвӕрд цӕуы ныр ӕртыккаг аз, уымӕй размӕ ӕзты премийы хицау баисты газеттӕ "Республика" ӕмӕ "Южная Осетия"-йы журналисттӕ.
"Цхинвалы" футболисттӕ фембылд сты "Аланийӕн" Цӕгат Иры фыццагады
(ранӕуӕггонд 14:22 13.04.2021)
Цӕгат Ирыстоны чемпионаты дыккаг хъазты фыццаг таймы цхинвайлаг футболисттӕ фӕхӕрд сты 0:5 хыгъдӕй ЦХИНВАЛ, 13 апр — Sputnik. Хуссарирыстойнаг командӕ "Цхинвал"-ы футболисттӕ Цӕгат Ирыстоны чемпионаты дыккаг матчы фӕхӕрд сты бынӕттон "Аланийӕн", хъусын кӕны РХИ фӕсивӕдон политикӕ ӕмӕ спорты комитеты пресс-службӕ.
"Цхинвалы" футболисттӕ фембылд сты "Аланийӕн" Цӕгат Иры фыццагады
Командӕйы сӕйраг тренер Коцты Сосланы ныхӕстӕм гӕсгӕ, фыццаг таймы цхинвайлаг футболисттӕн уыд хорз фадӕттӕ рамбулынӕн, фӕлӕ ауагътой цалдӕр хорз моменты.
"Фыццаг таймы командӕйы капитан Джиджойты Сослан райста травмӕ, ӕмӕ уый фӕстӕ хъазд бынтондӕр нал ацыд. Уымӕй дарддӕр ма командӕ у ӕвзонг - нӕ сын фаг кӕны фӕлтӕрддзинад", - банысан кодта футболистты тренер.
Хъазт ахицӕн 0:5 хыгъдӕй. Уый адыл командӕ "Цхинвал" ахсы ӕхсӕзӕм бынат Цӕгат Иры чемпионаты.
ХИПУ ӕмӕ ЦКФУ бафыстой Цхинвалы ӕмгуыстады фӕдыл бадзырд
(ранӕуӕггонд 14:22 13.04.2021)
Цӕгат Кавказы федералон университеты делегаци ӕрцыд Хуссар Ирыстонмӕ ӕртӕбонон балцы. Столицӕйы уӕрӕсейаг ахуыргӕнӕндоны минӕвӕртты райста президент Бибылты Анатолий, иннӕ бон та бафыстой бадзырд ХИПУ-имӕ ӕмӕ ацыд зонадон-практикон конференциЦХИНВАЛ, 13 апр - Sputnik, Тъехты Дзерассӕ. Хуссар Ирыстоны паддзахадон университеты (ХИПУ) дыццӕджы бафыстой ног бадзырд ӕмгуыстады фӕдыл Цӕгат Кавказы федералон университетимӕ (ЦКФУ), афтӕ ма бафыстӕуыд бадзырд ӕхсӕнадӕмон зонад-иртасӕн лаборатори "Правовые механизмы обеспечения законности и правопорядка на Кавказе" саразыны фӕдыл.
Документы бын сӕ къухфысттӕ ӕрывӕрдтой ахуыргӕнӕндӕтты ректортӕ Тедеты Вадим ӕмӕ Дмитрий Беспалов. Знон уазджыты райста республикӕйы президент Бибылты Анатолий, уый схорзӕхджын кодта университеты минӕвӕртты кады грамотатӕй, Дмитрий Беспаловы та майданӕй "Хуссар Ирыстоны Фыдыбӕстон хӕсты Уӕлахизыл 10 азы сӕххӕсты цытӕн".
ХИПУ ректоры ныхӕстӕм гӕсгӕ, дыууӕ университеты хсӕн ахастытӕ уӕрӕх кӕнынц. Афтӕ ма уый банысан кодта, ЦКФУ делегацийы ӕртӕбонон балцы рӕстӕджы кӕй ӕрдзурдзысты хуссарирыстойнаг ахуыргӕнӕндоны ӕфсӕддон кафедрӕ саразыны фарстыл.
Ректор ма радзырдта ӕмгуыстады дарддӕры нывӕзтытыл дӕр. ХИПУ минӕвӕрттӕн фадат уыдзӕн ӕмгуыстад кӕнын ЦКФУ кафедрӕтимӕ, цӕмӕй ныффыссой диссертацитӕ.
©
Sputnik / Дзерасса Техова
ХИПУ ӕмӕ ЦКФУ минӕвӕрттӕ
ЦКФУ ректор Дмитрий Беспалов радзырдта ахуыргӕнӕндӕтты пайдаджын ӕмгуыстады тыххӕй ӕмӕ бахахх кодта, ранӕуӕггонд бадзырд кӕй у актуалондӕр.
Дмитрий Беспалов радзырдта нывӕзтгонд мадзӕлтты тыххӕй дӕр. Ацы аз октябрь-ноябры Хуссар Ирыстоны паддзахадон университеты базӕйыл ацӕудзӕн зонадон-практикон конференци "Правовая политика России и Южной Осетии в сфере профилактики социально опасных девиаций и охраны психологического здоровья".
Афтӕ ма адарддӕр кӕндзысты квалификаци фӕбӕрзонддӕр кӕныны фӕдыл курсытӕ хуссарирыстойнаг университеты коллективӕн.
Балц адарддӕр кодта зонадон практивон конференци "Современные методические приемы преподавания русского языка в учебных заведениях Республики Южная Осетия". Уым хайад райста делегаттӕй иу – профессор, ЦКФУ уырыссаг ӕвзаджы кафедрайы хистӕр Вячеслав Ходус. Аннӕ делегаттӕн ауагътой эксурси ХИПУ-йы корпусыл.
©
Sputnik / Дзерасса Техова
ХИПУ ӕмӕ ЦКФУ минӕвӕрттӕ