Цхинвалы Арæзтадон æрмæджыты завод

Цхинвалы Арæзтадон æрмæджыты завод рауӕрӕх кӕндзӕн йӕ фадӕттӕ

7
(ранӕуӕггонд 13:44 03.02.2021)
Уагдон кæд æппæт хъомысадæй нæма скуыста, уæддæр абон уадзы тротуарон плиткæ, бордюртæ, æлектроадæттæн хæххытæн цæджындзтæ, канализацион цæгтæ. Æрæджы æрæвнæлдта арæзтадон блоктæ уадзынмæ дæр

ЦХИНВАЛ, 3 фев — Sputnik, Дриаты Лейла. Цхинвалы районы Ирыхъæуы арæзтадон æрмæджыты завод рауӕрӕх кӕндзӕн йӕ фадӕттӕ. Йӕ директор Тедеты Сослан куыр фехъусын кодта, афтӕмӕй заводы кæрты цы дурцъæлгæнæн ис, уый скусдзæн уалдзæджы æмæ ахъаз уыдзæн, цæмæй арӕзтадон куыстыты рӕстӕджы ӕнӕмӕнгхъӕуӕг æрмæджыты иу хай ласын мауал хъæуа республикæйæн æддейæ.

Ирыхъæуы ацы завод сырæзт цалдæр азы размæ. Йæ саразыны нысан уыд, фæстаг азты республикæйы цы арæзтæдтæ цæуы Инвестицион программæйы фæлгæтты, уыдоны ифтонг кæнын ахæм гъӕдджын æрмæджытæй.

"Нырмæ электроадæттæн хæххытæн цы цæджындзтæ уагъта завод, уыдонæн иуæй-иу æрмæджытæ ластам Цæгат Ирыстонæй. Дурцъæлгæнæн куы скуса, уæд иуæй цæджындзты аргъ уыдзæн къаддæр, аннæмæй та йæ арызыны рæстæг дæр уыдзæн цыбырдæр", - загъта директор.

Заводы къухдариуæгад куыд зæгъы, афтæмæй ныртæккæ бадзырдтæ уадзынц Цæгат Ирыстоны арæзтадон æрмæджыты фирмæимæ, цæмæй сын рауæй кæной бетонон агъуысты формæтæ.

Завод ма хъавы ноджы хъæдфадæн цех сæвæрынмæ дæр.

Уагдон кæд æппæт хъомысадæй нæма скуыста, уæддæр абон уадзы тротуарон плиткæ, бордюртæ, æлектроадæттæн хæххытæн цæджындзтæ, канализацион цæгтæ. Æрæджы æрæвнæлдта арæзтадон блоктæ уадзынмæ дæр.

"Ныртæккæ нæ горæты цы бирæуæладзыгон хæдзæрттæ цæуы арæзт, уыдон ифтонг цæуынц мах блоктæй. Уынгтæ арæзтадӕн дӕр плиткæтæ, бардюртæ, канализацион цæгтæ махмæ æлхæнынц. Стыр заказ райстам паддзахадон унитарон куыстуат "Энергоресурс-Хуссар Ирыстон"-æй", - радзырдта Тедеты Сослан.

2019 азæй Арæзтадон æрмæджыты заводы дæлбар бацыд "Эмальпровод" дæр. "Эмальпровод"-ы кусджытæй хицауад дары куыстмызд æмæ ныртæккæ Тедеты Сослан тырны, цæмæй цы арæзтадон æрмæджытæ уæй цæуынц, уыцы æхцайы фæрæзтæй фидой кусджыты раз сӕ хӕс.

7
Тӕрхондон

Гæджиты Регинайы марæгæн аскъуыддзаг кодтой 16 азы ахæст

3
(ранӕуӕггонд 16:52 24.02.2021)
Тъехты Вадим бацыд йæ раздæры æмкъайы куыстмæ æмæ йæ ныццавта кардæй 15 хаттæй фылдæр. Чызг райсгæ цæфтæй амард реанимацийы

ЦХИНВАЛ, 24 фев — Sputnik. Тæрхондон аскъуыддзаг кодта Дзæуджыхъæуы цæрæг Тъехты Вадимæн, кæцы амардта йæ раздæры бинойнаджы, 16 азы карз режимы колонийы фæбадын. Уый тыххæй хъусын кæнынц Крылья TV.


2019 азы сентябры Дзӕуджыхъӕуы 31-аздзыд цӕрӕг Тъехты Вадим бирӕ хатт ныццавта кардӕй йӕ раздӕры цардӕмбалы, уый фӕстӕ йӕхи бааууон кодта цауы бынатӕй. Фӕстӕдӕр фыдгӕнӕг йӕхи къахӕй бацыд барадхъахъхъӕнӕг органтӕм.

Дохтыртӕ архайдтой ӕппӕты амӕлттӕй дӕр чызджы аирвӕзын кӕныныл, фӕлӕ иу къуырийы фӕстӕ уый амард Дзӕуджыхъӕуы республикон клиникон рынчындоны.

Куыд рабӕрӕг, афтӕмӕй ма лӕппу раздӕр дӕр уыд тӕрхоны ӕнӕниздзинадӕн карз зиан ӕрхӕссын ӕмӕ наркотикон буарадты ӕнӕзаконон зылды тыххӕй. Афтӕ ма фыдгӕнӕг 2017 азы дӕр ивар ӕрцыд 5 мин сомы чызджы фӕнӕмыны тыххӕй.

Цӕгат Иры прокуратурӕйы ма банысан кодтой, зӕгъгӕ, тӕрхондон ноджы аскъуыддзаг кодта, цӕмӕй марӕг зианджын бинонтӕн бафида компенсаци ӕртӕ милуан сомы бӕрц.

3
Хуссар Иры Дзауы районы скъоладзауты райстой Ногдзаутӕм

Хуссар Иры Дзауы районы скъоладзауты райстой Ногдзаутӕм

27
(ранӕуӕггонд 18:01 24.02.2021)
Цытджын церемони ацыд Фыдыбӕсты хъахъхъӕнӕджы боны цытӕн бӕрӕгбонон мадзӕлттӕ фӕлгӕтты

ЦХИНВАЛ, 24 фев – Sputnik, Плиты Фатимӕ. Хуссар Ирыстоны Дзауы районы банысан кодтой Фыдыбӕсты хъахъхъӕнӕджы бон скъоладзауты хайадистӕй. Мадзалы фӕлгӕтты ахуырдзауты райстой ногдзауты рӕнхъытӕм, уый тыххӕй Sputnik фехъусын кодтой районы администрацийы пресс-службӕйы.

Ахуырдзаутӕ кастысты ӕмдзӕвгӕтӕ ӕмӕ ӕххӕст кодтой хӕстон зарджытӕ.

"Хорз традици ссис ацы бон скъоладзауты ногдзауты рӕнхъытӕм райсын. Дзауы районы фӕндзӕм кълӕсты ахуырдзаутӕ бахордтой арт ӕмӕ бастой хъуырыл бӕттӕнтӕ", - загътой пресс-службӕйы.

Церемони ацыд Фыдыбӕсты хъахъхъӕнӕджы боны цытӕн мадзалы фӕлгӕтты.

"Сывӕллӕттӕ ӕрдзырдтой Ирыстоны хъайтарты тыххӕй, кӕцытӕ 1989-2008 азты хъахъхъӕдтой райгуырӕн бӕстӕ. Уыдонӕй кӕцыдӕртӕ фӕмардысты райгуырӕн бӕстӕйы сӕраппонд",- бафтыдтой пресс-службӕйы.

  • Дзауы районы скъоладзауты райстой Ногдзаутӕм
    Дзауы районы скъоладзауты райстой Ногдзаутӕм
    Пресс-служба Дзауского района
  • Дзауы районы скъоладзауты райстой Ногдзаутӕм
    Дзауы районы скъоладзауты райстой Ногдзаутӕм
    Пресс-служба Дзауского района
1 / 2
Пресс-служба Дзауского района
Дзауы районы скъоладзауты райстой Ногдзаутӕм
27