Сывӕллӕтты рынчындон

Хуссар Иры коронавирусы инфекциимӕ рынчындонмӕ бахаудтой цыппар сывӕллоны

11
(ранӕуӕггонд 12:12 12.02.2021)
Уыцы цыппарӕй дарддӕр аннӕ сывӕллӕттӕй коронавирус кӕмӕн сбӕлвырд кодтой, уыдон хос кодтой хӕдзӕртты

ЦХИНВАЛ, 12 фев— Sputnik, Плиты Фатимӕ. Хуссар Ирыстоны сывӕллӕттӕй коронавирусӕй чи фӕрынчын ис, уыдонӕй ӕрмӕст цыппары бахъуыд стационарон уавӕрты хос кӕнын, аннӕттӕ нӕ хауынц астӕуккаг уӕззау рынчынтӕм дӕр. Уый тыххӕй фехъусын кодта Sputnik сывӕллӕтты рынчындоны поликлиникӕйы хайады хистӕр Хӕныкъаты Лариса.

Уыцы цыппарӕй дарддӕр аннӕ сывӕллӕттӕй коронавирус кӕмӕн сбӕлвырд кодтой, уыдон хос кодтой хӕдзӕртты.

"Ацы цыппар сты хицӕн кары - иу аз ӕмӕ ӕрдӕгӕй 15 азы онг. Дыууӕ сабийӕн коронавирусы инфекци уыд тӕнгты формӕйы. Сывӕллӕттӕ иууылдӕр фыст ӕрцыдысты рынчындонӕй ӕмӕ хос кӕнынц амбулаторон уавӕрты", - загъта уый.

Дохтыры ныхӕстӕм гӕсгӕ, сывӕллӕттӕ ацы низ хӕссынц ӕнцондӕрӕй.

"Иуӕй сын ӕххуыс кӕны кар, стӕй сын ницы патологи вӕййы сывӕллӕттӕн", - бафтыдта Хӕныкъаты Лариса.

11
Тӕрхондон

Гæджиты Регинайы марæгæн аскъуыддзаг кодтой 16 азы ахæст

3
(ранӕуӕггонд 16:52 24.02.2021)
Тъехты Вадим бацыд йæ раздæры æмкъайы куыстмæ æмæ йæ ныццавта кардæй 15 хаттæй фылдæр. Чызг райсгæ цæфтæй амард реанимацийы

ЦХИНВАЛ, 24 фев — Sputnik. Тæрхондон аскъуыддзаг кодта Дзæуджыхъæуы цæрæг Тъехты Вадимæн, кæцы амардта йæ раздæры бинойнаджы, 16 азы карз режимы колонийы фæбадын. Уый тыххæй хъусын кæнынц Крылья TV.


2019 азы сентябры Дзӕуджыхъӕуы 31-аздзыд цӕрӕг Тъехты Вадим бирӕ хатт ныццавта кардӕй йӕ раздӕры цардӕмбалы, уый фӕстӕ йӕхи бааууон кодта цауы бынатӕй. Фӕстӕдӕр фыдгӕнӕг йӕхи къахӕй бацыд барадхъахъхъӕнӕг органтӕм.

Дохтыртӕ архайдтой ӕппӕты амӕлттӕй дӕр чызджы аирвӕзын кӕныныл, фӕлӕ иу къуырийы фӕстӕ уый амард Дзӕуджыхъӕуы республикон клиникон рынчындоны.

Куыд рабӕрӕг, афтӕмӕй ма лӕппу раздӕр дӕр уыд тӕрхоны ӕнӕниздзинадӕн карз зиан ӕрхӕссын ӕмӕ наркотикон буарадты ӕнӕзаконон зылды тыххӕй. Афтӕ ма фыдгӕнӕг 2017 азы дӕр ивар ӕрцыд 5 мин сомы чызджы фӕнӕмыны тыххӕй.

Цӕгат Иры прокуратурӕйы ма банысан кодтой, зӕгъгӕ, тӕрхондон ноджы аскъуыддзаг кодта, цӕмӕй марӕг зианджын бинонтӕн бафида компенсаци ӕртӕ милуан сомы бӕрц.

3
Хуссар Иры Дзауы районы скъоладзауты райстой Ногдзаутӕм

Хуссар Иры Дзауы районы скъоладзауты райстой Ногдзаутӕм

27
(ранӕуӕггонд 18:01 24.02.2021)
Цытджын церемони ацыд Фыдыбӕсты хъахъхъӕнӕджы боны цытӕн бӕрӕгбонон мадзӕлттӕ фӕлгӕтты

ЦХИНВАЛ, 24 фев – Sputnik, Плиты Фатимӕ. Хуссар Ирыстоны Дзауы районы банысан кодтой Фыдыбӕсты хъахъхъӕнӕджы бон скъоладзауты хайадистӕй. Мадзалы фӕлгӕтты ахуырдзауты райстой ногдзауты рӕнхъытӕм, уый тыххӕй Sputnik фехъусын кодтой районы администрацийы пресс-службӕйы.

Ахуырдзаутӕ кастысты ӕмдзӕвгӕтӕ ӕмӕ ӕххӕст кодтой хӕстон зарджытӕ.

"Хорз традици ссис ацы бон скъоладзауты ногдзауты рӕнхъытӕм райсын. Дзауы районы фӕндзӕм кълӕсты ахуырдзаутӕ бахордтой арт ӕмӕ бастой хъуырыл бӕттӕнтӕ", - загътой пресс-службӕйы.

Церемони ацыд Фыдыбӕсты хъахъхъӕнӕджы боны цытӕн мадзалы фӕлгӕтты.

"Сывӕллӕттӕ ӕрдзырдтой Ирыстоны хъайтарты тыххӕй, кӕцытӕ 1989-2008 азты хъахъхъӕдтой райгуырӕн бӕстӕ. Уыдонӕй кӕцыдӕртӕ фӕмардысты райгуырӕн бӕстӕйы сӕраппонд",- бафтыдтой пресс-службӕйы.

  • Дзауы районы скъоладзауты райстой Ногдзаутӕм
    Дзауы районы скъоладзауты райстой Ногдзаутӕм
    Пресс-служба Дзауского района
  • Дзауы районы скъоладзауты райстой Ногдзаутӕм
    Дзауы районы скъоладзауты райстой Ногдзаутӕм
    Пресс-служба Дзауского района
1 / 2
Пресс-служба Дзауского района
Дзауы районы скъоладзауты райстой Ногдзаутӕм
27