Цхинвалы фатеры зынгирвæзты аххосаг ссис цыбыр æндзæвд

Эксперттæ фехъусын кодтой Цхинвалы бирæуæладзыгон хæдзары фатеры зынгирвæзты аххосаг

28
(ранӕуӕггонд 14:55 18.02.2021)
Зынгирвæзт æрцыд æртыццæджы æхсæв цыппар сахатмӕ ӕввахс. Арт ахуыссын кӕныныл архайдтой Уӕлвӕткон уавӕрты министрады дыууӕ къорды

ЦХИНВАЛ, 18 фев – Sputnik, Плиты Фатимӕ. Хуссар Ирыстоны столицӕйы Джиоты Аланы проспектыл бирӕуӕладзыгон хӕдзары хисӕрмагонд фатеры зынгирвæзты аххосаг экспертты хатдзæгтæм гæсгæ ссис электроифтонгад, фехъусын кодтой Sputnik Уӕлвӕткон уавӕрты министрады пресс-службӕйы.

Зынгирвæзт æрцыд æртыццæджы æхсæв цыппар сахатмӕ ӕввахс. Арт ахуыссын кӕныныл архайдтой Уӕлвӕткон уавӕрты министрады дыууӕ къорды.

"Эксперттæ сбæлвырд кодтой, зӕгъгӕ зынг сирвӕзт, электроифтонгад кӕй стӕвд, уый тыххӕй. Розеткæйы уыд лæмæгъ конд вилкæ, уый стæвд ис æмæ радта цыбыр æндзæвд, уымæй арт уайтагъд ахызт рудзынгæмбæрзæнмæ. Фатеры залы царыл иу уысммæ схæцыд арт", - загътой уагдоны.

Министрады минæвары ныхæстæм гæсгæ, хæдзары хицау йæ хъæбулты хъæбултимæ ралыгъдысты балконмæ.

"Бинонтæ рахызтысты балконмæ, уырдыгæй сæ рахизын кодтой ирвæзынгæнджытæ", - бафтыдта уый.

Зынгсирвӕзты рӕстӕджы зианбаййафджытӕ нӕй. Сыхаг фатертæм арт нæ ахызт, æрмæст сæм ныккалд дон.

28
Хуссар Иры паддзахадон театр ӕрзилдзӕн гастрольты Уӕрӕсейы горӕттыл

Хуссар Иры паддзахадон театр ӕрзилдзӕн гастрольты Уӕрӕсейы горӕттыл

10
(ранӕуӕггонд 15:39 29.07.2021)
Цыппӕрӕмы, 29 июлы сӕххӕст 90 азы, Хуссар Иры профессионалон театр йӕ дуӕрттӕ фыццаг кӕсджытӕн куы бакодта, уыцы боныл

ЦХИНВАЛ, 29 июл – Sputnik, Тъехты Дзерассӕ. Хуссар Ирыстоны культурӕйы министр Зассеты Жанна банысан кодта, ӕппӕтуӕрӕсейон гастролон-концертон нывӕзты фӕлгӕтты Хуссар Ирыстоны Паддзахадон драмон театр кӕй нывӕнды ацӕуын гастрольты Уӕрӕсейы горӕттӕм. Уый тыххӕй министр фехъусын кодта театрыл 90 азы сӕххӕсты цытӕн мадзылы рӕстӕджы.

"Театр бавдисдзӕн кӕсджытӕн спектакльтӕ "Антигона" ӕмӕ "Къоста". Гастрольтӕ райдайдзысты Ярославлы 21 октябры, адарддӕр уыдзысты Липецк ӕмӕ Воронежы. Мах ныридӕгӕн бадзырдтам уыцы горӕтты ирон диаспорӕтӕм. Уыдон зӕрдиагӕй ӕнхъӕлмӕ кӕсынц уе ‘рцыдмӕ", - банысан кодта Зассеты Жанна.

Цыппӕрӕмы, 29 июлы сӕххӕст 90 азы, Хуссар Иры профессионалон театр йӕ дуӕрттӕ фыццаг кӕсджытӕн куы бакодта, уыцы боныл.

10
Бибылты Анатолий раарфӕ кодта Паддзахадон театры коллективӕн 90-азон юбилейы фӕдыл

Бибылты Анатолий раарфӕ кодта Паддзахадон театры коллективӕн 90-азон юбилейы фӕдыл

7
(ранӕуӕггонд 15:34 29.07.2021)
Паддзахады сӕргълӕууӕг банысан кодта, театр кӕй рацыд бирӕ зын фӕндӕгтыл, фӕлӕ коллектив сфӕрӕзта уӕззау рӕстӕджытӕ ӕмӕ абон ӕнкъары кӕсӕджы стыр уарзондзинад

ЦХИНВАЛ, 29 июл – Sputnik, Тъехты Дзерассӕ. Хуссарирыстойнаг театры ныры коллективӕн ис алы уавӕртӕ дӕрбирӕ алыгъуызон спектакльтӕ ӕвӕрынӕн, банысан кодта республикӕйы президент Бибылты Анатолий йӕ арфӕйы Хетӕгкаты Къостайы номыл Паддзахалон драмон театры сырӕзты 90-азон юбилейы фӕдыл.

Цыппӕрӕмы, 29 июлы сӕххӕст 90 азы, Хуссар Иры профессионалон театр йӕ дуӕрттӕ фыццаг кӕсджытӕн куы бакодта, уыцы боныл.

Бӕстӕйы сӕргълӕууӕг куыд банысан кодта, афтӕмӕй театр рацыд бирӕ зын фӕндӕгтыл.

"Абон цард ивы. Сымах кусут иттӕг хорз уавӕрты, уарзы уӕ кӕсӕг. Нӕ хӕс - фидар къахдзӕфтӕ аразын размӕ, нӕ культурӕ райтынг кӕнын, ӕвӕллайгӕйӕ кусын Ирыстоны хӕрзӕбонӕн. Уӕ коллектив уыцы хӕстӕ ӕххӕст кӕны ӕнтыстджынӕй", - бахахх кодта Бибылты Анатолий.

Уый бафтыдта, кӕй ӕнӕрхъӕцӕй кӕй ӕнхъӕлмӕ кӕсы спектакль "Фӕстаг ӕвдисӕн"-мӕ, цы ран дзырд цӕуы ивгъуыд ӕнусы 20-ӕм ӕзты ирон адӕмы геноциды тыххӕй. Президент равдыста ныфс, спектакль кӕй бацӕттӕ кӕндзысты 20 сентябрьмӕ - Республикӕйы бонмӕ.

Анатолий Бибилов поздравил театралов Южной Осетии с 90-летием со дня образования Госдрамтеатра
© Sputnik / Natalia Airiyan
Уазджытӕн равдыстой ног ифтонгад дӕр - миты генератор, кӕцы театрӕн балӕвар кодта президент

Спектаклы премьерон равдыст хъуамӕ ацыдаид августы, фӕлӕ йӕ аргъӕвтой коронавирусимӕ уӕззау уавӕры тыххӕй.

Театры коллективӕн ма сӕ юбилейы цытӕн раарфӕ кодта культурӕйы министр Зассеты Жанна дӕр. 

Афтӕ ма ӕрӕмбырдуӕвджытӕн равдыстой ног ифтонгад дӕр - миты генератор, кӕцы театрӕн балӕвар кодта президент.

7