Хуссар Иры столицæйы фæхуыздæр ис доны уавæр

Ацы уалдзӕджы ӕнӕ графикӕй: Хуссар Иры столицæйы фæхуыздæр ис нуазыны доны уавæр

52
(ранӕуӕггонд 15:16 14.04.2021)
"Водоканал"-ы информацимӕ гӕсгӕ, уалдзӕджы-иу столицӕмӕ донифтонгад цыд графикмӕ гӕсгӕ, ацы аз сӕрмагонд нывӕзтмӕ ракодтой ӕрмӕст Дзау ӕмӕ Цхинвалы цӕгаттаг микрорайонтӕ

ЦХИНВАЛ, 14 апр - Sputnik, Плиты Фатимӕ. Хуссар Ирыстоны столицӕйы ацы аз уалдзæджы нуазыны доны проблемӕ актуалон нӕ уыдзӕн. Цхинвалы 70 проценты бæрц ифтонг кæнын райдыдта ног "Уанат-Цхинвалы" донхаххӕй, уый тыххӕй Sputnik фехъусын кодта "Водоканал"-ы генералон директоры хӕдивӕг Джиоты Инга.

Фӕстаг цалдӕр боны столицӕйы кӕцыдӕр районты рацыд змӕст дон. Уагдоны информацимæ гæсгæ, доны уавæр æдзух бæрæг кæнынц специалисттæ.

"Ацы афоны дӕттӕ размӕнтынц. Брытъаты гом хахх уалдзæджы бынтондӕр ахицӕн кӕнӕм, фӕлӕ Едысы дон дӕр чысыл размӕст. Уымæ гæсгæ фæзынд проблемæтæ кæцыдæр районты", - бамбарын кодта аххосаг уый.

Джиоты Ингайы ныхӕстӕм гӕсгӕ, столицӕ ацы уалдзӕджы раздӕры хуызӕн проблемӕтӕ кæй нал æвзардзӕн.

"Раздæр æзты-иу уалдзæджы куыстам графикмӕ гӕсгӕ, ныр нæ Уанаты дон ирвӕзын кӕны, уымæ гæсгæ нуазыны доны цухдзинады проблемæ дӕр афтӕ актуалон нал у. Горӕты цӕрджыты 70 проценты ныр дон исынц Уанаты хаххӕй, уый суткӕ дӕтты 12 мин кубы", - радзырдта уый.

"Водоканал"-ы генералон директоры хӕдивӕг бафтыдта, ацы аз сӕрмагонд нывӕзтмӕ кӕй ракодтой ӕрмӕст Дзау ӕмӕ Цхинвалы цӕгаттаг микрорайонтӕ. Уым дӕр дон ӕрлӕууы ӕрмӕст ӕнафоны - ӕхсӕв фыццаг сахатӕй райсом ӕхсӕзмӕ.

52
РХИ МХМ

Хуссар Иры МХМ радзырдтой коронавирусы ныхмӕ мадзӕлттыл ӕмӕ пандемийы рӕстӕджы службӕйыл

7
(ранӕуӕггонд 16:45 20.10.2021)
МХМ райста мадзӕлттӕ куыд сӕхи кусджытӕ, афтӕ граждайнаг цӕрджыты ӕдасдзинады фӕдыл

ЦХИНВАЛ, 20 окт – Sputnik, Козаты Диана. Мидхъуыддӕгты министрады (МХМ) сӕргълӕууӕджы хӕстӕ ӕххӕстгӕнӕг Пухаты Мераб ӕрсидт йӕ кусджытӕм ӕххӕст бӕрцӕй ӕххӕст кӕнын сӕ хӕслӕвӕрдтӕ уӕззау эпидемиологион уавӕрмӕ ӕнӕкӕсгӕйӕ.

Уагдоны оперативон рабадтыл ӕрдзырдтой COVID-19 апарахат ма руадзыны фӕдыл мадзӕлттыл. Уый уыд рабадты сӕйраг темӕ, хъусын кӕны МХМ пресс-службӕ.

Хуссар Ирыстоны коронавирусы апарахат ма руадзыны фӕдыл оперштаб бакодта ног арӕнӕвӕрдтӕ коронавирусӕй рынчынты нымӕц кӕй фылдӕр кӕны, уый тыххӕй. Хуссар Ирыстоны 1 ноябрьмӕ сӕхгӕдтой карантиныл ахуырадон уагдӕттӕ, сывӕллӕтты хиирхӕфсӕн центртӕ, спортивон секцитӕ ӕмӕ тренажерон залтӕ, 1 декабры онг та тобӕ сӕвӕрдтой чындзӕхсӕвтӕ ӕмӕ ӕндӕр бӕрӕгбонон мадзӕлттӕ уадзыныл.

"Ӕмбарын ӕй, зындзинӕдтӕ кӕй фӕзынд бирӕ дӕлхайӕдты, фӕлӕ нӕ хӕслӕвӕрд у баххуыс кӕнын республикӕйы цӕрджытӕн рацӕуын ацы уӕззау фӕндаг. Уый фӕдыл алкӕцы разамонӕг дӕр хъуамӕ бынаты бӕрӕг кӕна йӕ кусджыты службӕйы график, ӕмӕ цӕмӕй уа дисциплинӕ ӕмӕ фӕтк", - хъусын кӕны пресс-службӕ Пухаты Мерабы ныхӕстӕ.

Рабадты хайадисджытӕ ӕрдзырдтой мадзӕлттыл, кӕцыты руаджы къаддӕр кӕны коронавирусы инфекцийы апарахат. МХМ райста мадзӕлттӕ куыд сӕхи кусджытӕ, афтӕ граждайнаг цӕрджыты ӕдасдзинады фӕдыл.  Стационарон посттӕ, патрулон экипажтӕ ӕмӕ дӕлхайӕдтӕ, кӕцытӕ контакт кӕнынц граждайнаг цӕрджытимӕ, ифтонг сты сӕрмагонд хъахъхъӕнынады фӕрӕзтӕй. Техперсонал ӕрвылбон уадзы бӕстыхӕйтты дезинфекци.

"Кусджыты коронавирусӕй бахъахъхъӕныны нысанӕн МХМ карантины рӕстӕджы ссӕрибар кодта гоймӕгты, кӕцытӕ сты тасы къорды, афтӕ ма кусджыты, кӕцытӕ хъомыл кӕнынц 10 азы кары онг сывӕллӕтты", - банысан кодтой уагдоны.

МХМ баныфсӕвӕрдтой, санитарон-гигиенон нормӕтӕ кӕй ӕххӕст кӕнынц рӕстӕгмӕдарӕн изоляторы дӕр.

7
Хуссар Иры Хъахъхъӕнынады министрады ӕфсӕддонтӕ ӕрцыдысты Абхазмӕ

Хуссар Иры Хъахъхъӕнынады министрады ӕфсӕддонтӕ ӕрцыдысты Абхазмӕ

8
(ранӕуӕггонд 13:10 20.10.2021)
Хуссарирыстойнаг ӕфсӕддонтӕ хайад исдзысты иумӕйаг ахуырты Абхазимӕ, кӕцы ауадзыны фӕдыл бадзырдтой сентябры дыууӕ бӕстӕйы президенттӕ

ЦХИНВАЛ, 20 окт - Sputnik. Хуссар Ирыстоны Хъахъхъӕнынады министрады сӕрмагонд нысаниуӕджы батальоны кусджытӕ ӕрцыдысты Абхазмӕ, цӕмӕй хайад райсой командон-штабон ахуырты, хъусын кӕны ӕртыццӕджы уагдоны пресс-службӕ.

Ӕфсӕддонтимӕ Абхазмӕ ӕрцыд делегаци РХИ Гарзджын тыхты Генштабы хистӕр Виктор Федоровы сӕргълӕудӕй.

Хъахъхъӕнынады министрады банысан кодтой, зӕгъгӕ, хуссарирыстойнаг ӕфсӕддонты хайадисты тыххӕй иумӕйаг ахуырты бадзырдтой дыууӕ бӕстӕйы Гарзджын тыхты командӕгӕнджытӕ, президенттӕ Бибылты Анатолий ӕмӕ Аслан Бжания.

"Националон ӕфсады ацы бадзырд райстой зӕрдиагӕй, кусджытӕ сӕхи хорз равдыстой цӕттӕкӕнынады этапы рӕстӕджы ӕмӕ активон хайад райсдзысты ахуырты", - бахахх кодтой уагдоны.

Уагдоны минӕвар радзырдта, ахуырты нывӕзты кӕй сты хӕстон ӕхстытӕ артиллери ӕмӕ авиацийы хайадистӕй.

Хуссар Ирыстоны хъахъхъӕнынады министр Гассеты Ибрагим банысан кодта, националон ӕфсады хайадист иумӕйаг ахуырты кӕй фӕфылдӕр кӕндзӕн фӕлтӕрддзинад ӕмӕ сфидар кӕндзӕн ӕфсӕддон хӕларад.

8