Æрцæудзыстæм фæстæдæр: Ирон театры рцыд Цхинвалмæ ныффæстиат

Æрцæудзыстæм фæстæдæр: Ирон театры балц Цхинвалмæ ныффæстиат

19
(ранӕуӕггонд 13:50 20.04.2021)
Уалыты Гивийы ныхӕстӕм гӕсгӕ, цæгаттаг артистты фӕнды ӕмгуыстады фӕлгӕтты мӕй иу хатт цæуын Цхинвалмӕ ӕмӕ мӕй иу хатт та ӕрфысым кӕнын Хуссар Ирыстоны театр

ЦХИНВАЛ, 20 апр - Sputnik, Плиты Фатимӕ. Цӕгат Ирыстоны Тӕбӕхсауты Балойы номыл Ирон театры рцыд Цхинвалмӕ къуылымпы кӕны Уӕрӕсе ӕмӕ Хуссар Ирыстоны хсӕн арӕны сӕртыл рахизынимӕ баст зындзинӕдты аххосӕй. Уый тыххӕй Sputnik фехъусын кодта уагдоны аивадон къухдариуӕггӕнӕг, режиссер Уалыты Гиви.

Театры труппæ спектакль "Ричард III" фӕнд кодта ӕрхӕссын ацы къуыри. Сӕ балц арӕзт цыд Ирыстоны дыууӕ хайы сӕйраг театры хсӕн бадзырдты фӕлгӕтты.

"Арӕны сӕртыл ахизын ӕмӕ декорацитӕ ласынӕн хъӕуы бацӕттӕ кӕнын бирӕнымӕц гӕххӕттытӕ, уый аххосӕй нӕ балц хуссармӕ фӕкъуылымпы ис", - загъта Уалыты Гиви.

Уый ма радзырдта, сæвзӕргӕ проблемӕтӕм ӕнæкӕсгӕйӕ сфӕлдыстадон коллективты ʻхсӕн ӕмгуыстад дарддӕр кæй кӕндзӕн.

"Хуссар Ирыстоны паддзахадон театры разамынадимӕ ныхас кӕнӕм. Ӕнӕмӕнг ӕрцӕудзыстӕм, ссардзыстӕм рогдӕр фадӕттӕ. Нӕ фӕнды уыд, цӕмӕй мӕй иу хатт цæуӕм Цхинвалмӕ ӕмӕ мӕй иу хатт та ӕрфысым кӕнӕм Хуссар Ирыстоны театр. Ӕфсымӕрдзинад ныхасӕй ма хъуамӕ уа, ӕнгомдзинадыл хъӕуы кусын", - бафтыдта уый.

Уильям Шекспиры историон пьесӕ "Ричард III" таурæгъ кæны паддзахы бынатыл тохыл. Трагедийы æвдыст цæуы Англи XV æнусы.

Уалыты Гивийы спектакль "Ричард III"-йæ ивгъуыд аз Цæгат Ирыстоны бакодтой театралон сезон. Стæй ма 2020 азы национ театрты æппæтуæрæсейон фестивалы экспертон къамисы хъуыдымæ гæсгæ спектакль бацыд 15 хуыздæр спектаклы номхыгъдмæ.

19
Хуссар Ирыстоны Знауыры районы прокурор ахицæн йæ цардæй

Хуссар Ирыстоны Знауыры районы прокурор ахицæн йæ цардæй

0
(ранӕуӕггонд 16:07 18.05.2021)
Икъаты Юрий 12 азы къухдариуæг кодта Знауыры районы прокуратурӕйæн, йе 'нтыстыты тыххæй уый бирæ хатт æрцыд хорзæхджын

ЦХИНВАЛ, 18 май - Sputnik. Хуссар Ирыстоны Знауыры районы прокурор Икъаты Юрий къуырисæры ахицæн йæ цардæй, фехъусын кодтой Генералон прокуратурæйы пресс-службæйы.

"Юрий Чермены фырты æнæрæстæджы мæлæт у тынг уæззау зиан æрмæст йæ бинонтæн æмæ хиуæттæн нæ, фæлæ йæ коллегæтæн дæр", – дзырдæуы генералон прокуратурæйы хъусинаджы.

Икъаты Юрий прокуратурӕйы органты куыста 2009 азæй фæстæмæ. 12 азы дæргъы уый къухдариуæг кодта Знауыры районы прокуратурӕйæн. Уыдис ын паддзахадон æмæ уагдонон хорзæхтæ.

0
Фӕсивӕды минӕвӕрттӕ бафснайдтой цӕугӕ дӕтты былгӕрӕттӕ

Фӕсивӕды минӕвӕрттӕ бафснайдтой Хуссар Иры цӕугӕдӕтты былгӕрӕттӕ

4
(ранӕуӕггонд 15:51 18.05.2021)
Хуссар Ирыстоны донбылгӕрӕттӕ сӕрды мӕйты байдзаг вӕййынц улӕфджытӕй. Бирӕнымӕц сидтӕм ӕнӕкӕсгӕйӕ, уыдон сӕ фӕстӕ стӕм хатт ӕфснайынц

ЦХИНВАЛ, 18 май — Sputnik, Плиты Фатимæ. Фӕсивӕдон организаци "Ныхас"-ы минӕвӕрттӕ ӕфснайынц Хуссар Ирыстоны улӕфӕн бынӕттӕ. Быроны обаутӕй расыгъдӕг кодтой дыууӕ цӕугӕдоны былгӕрӕттӕ, фехъусын кодтой Sputnik организацийы.

Хуссар Ирыстоны донбылгӕрӕттӕ сӕрды мӕйты байдзаг вӕййынц улӕфджытӕй. Бирӕнымӕц сидтӕм ӕнӕкӕсгӕйӕ, уыдон сӕ фӕстӕ стӕм хатт ӕфснайынц. Бырон кӕнынц ӕгӕрыстӕмӕй сыгъдӕг бынӕттӕм ӕввахс дӕр.

"Нӕ къорд бафснайдта Знауыры районы Аунеуы хъӕуы Пронейы ӕмӕ Дзауы районы Пацъайы донбылгӕрӕттӕ", - загътой организацийы.

Уым ма бафтыдтой, сӕ фӕнды кӕй ис ӕндӕр улӕфӕн бынӕттӕ дӕр бафснайын.

Хуссар Ирыстоны уалдзӕгӕй фӕззӕджы онг фӕсивӕдон политикӕйы комитет ӕмӕ хицӕн фӕсивӕдон организацитӕ ӕмӕ баиугӕндтӕ фефснайынц ӕрдз. Проблемӕ уӕлдай актуалон ссис фӕстаг ӕзты.

1 / 3
Фӕсивӕды минӕвӕрттӕ бафснайдтой цӕугӕ дӕтты былгӕрӕттӕ
4