Донецкаг Адӕмон республикӕйы фӕмардуӕвӕг хъайтартӕн цырт бакӕныны церемони

Бибылты Анатолий хайад райста Донецкы фӕмардуӕвӕг хъахъхъӕнджытӕн цырты баконды

6
(ранӕуӕггонд 10:46 11.05.2021)
Донецкаг адӕмон республикӕйы фӕмардуӕвӕг хъайтартӕн цырт арӕзт ӕрцыд Хуссар Ирыстоны ӕхсӕнадон мӕ хӕрзаудӕн организациты фӕрцы

ЦХИНВАЛ, 11 май — Sputnik. Хуссар Ирыстоны президент Бибылты Анатолий хайад райста Донецкаг Адӕмон республикӕйы фӕмардуӕвӕг хъайтартӕн цырт бакӕныны церемонийы. Уый тыххӕй хъусын кӕны бӕстӕйы сӕргълӕууӕджы пресс-службӕ.

Цыртдзӕвӕн ДАР балӕвар кодта Хуссар Ирыстон. Уый ӕвӕрд ӕрцыд бӕстӕйы фыццаг сӕргълӕууӕг Александр Захарченкойы номыл парчы.

Открытие памятника павшим героям ДНР
© Пресс-служба президента РЮО
Донецкаг Адӕмон республикӕйы фӕмардуӕвӕг хъайтартӕн цырт бакӕныны церемони

ДАР сӕргълӕууӕг Денис Пушилин бузныг загъта Хуссар Ирыстоны цӕрджытӕн сӕ лӕггады тыххӕй Донецкы хъайтартӕн.

"Мах бузныг зӕгъӕм ирон адӕмӕн, уыдон фӕрцы нын фадат фӕцис сӕвӕрын цырт нӕ хъайтартӕн, кӕцытӕ сӕ цард нывондӕн ӕрхастой, цӕмӕй нӕ бӕстӕтӕ цӕрой", - банысан кодта Денис Пушилин.

Уый ма ноджы загъта бузныг ирыстойнаг бархионтӕн, кӕцытӕ "фыццаг бонтӕй фӕстӕмӕ слӕууыдысты нӕ хӕстонты фарсмӕ ӕмӕ хъӕхъхъӕдтой Донецкаг ӕмӕ Луганскаг Адӕмон республикӕты хӕдбардзинад ӕмӕ сӕрибардзинад".

Открытие памятника павшим героям ДНР
© Пресс-служба президента РЮО
Донецкаг Адӕмон республикӕйы фӕмардуӕвӕг хъайтартӕн цырт бакӕныны церемони

Бибылты Анатолий банысан кодта йӕ раныхасы, зӕгъгӕ, "Донбассы дӕр ӕмӕ Хуссар Ирыстоны дӕр сӕ райгуырӕн бӕстӕйы сӕраппонд фӕмардуӕвӕг лӕппутӕ сты сӕ фыдты ӕмӕ дадаты - Стыр Фыдыбӕстон хӕсты ветеранты - идейӕтӕ дарддӕргӕнджытӕ".

"Махӕн нӕ хӕс у цыт кӕнын уӕдӕй абоны онг хъайтартӕн. Мах стӕм иу, ӕмӕ иумӕ арӕм тыхтӕ, цӕмӕй неофашизмы ныхмӕ тох кӕнӕм", - загъта Хуссар Ирыстоны президент.

Открытие памятника павшим героям ДНР
© Пресс-служба президента РЮО
Донецкаг Адӕмон республикӕйы фӕмардуӕвӕг хъайтартӕн цырт бакӕныны церемони

Бибылты Анатолий ма банысан кодта Хуссар Ирыстоны фӕцӕфуӕвджыты фонды хайбавӕрд цырт сӕвӕрыны хъуыддагмӕ.

6
Коронавирус

Югосетпотребнадзор фехъусын кодта ног бӕрӕггӕнӕнтӕ коронавирусы фӕдыл

2
(ранӕуӕггонд 14:01 28.09.2021)
Пандемийы рӕстӕджы республикӕйы сбӕрӕг кодтой 5908 фӕрынчынуӕвӕджы коронавирусӕй, уыдонӕй 5033 адӕймаджы сӕнӕниз сты

ЦХИНВАЛ, 28 сен - Sputnik, Хъуылымбегты Зӕлинӕ. Хуссар Ирыстоны ивгъуыд суткӕйы сбӕрӕг кодтой 41 ног рынчыны COVID-19-ӕй, фехъусын кодта Sputnik дыццӕджы Югосетпотребнадзоры сӕргълӕууӕг Коцты Марина.

"Нӕ лабораторийы сарӕзтӕуыд 163 иртӕсты, уыдонӕй COVID-19 сбӕрӕг кодтой 41 адӕймагӕн. Медицинон хыгъдӕй систой 99 пациенты. Медикты хъусдарды бын ма сты 875 адӕймаджы", - загъта Коцты Марина.

Хуссар Ирыстоны абоны онг коронавирусӕй ӕдӕппӕт сӕнӕниз сты 5033 адӕймаджы.

Пандемийы райдайӕнӕй COVID-19 раиртасыны тыххӕй Югосетпотребнадзоры ПЦР-лабораторийы сарӕзтӕуыд 37 214 иртӕсты, уыдонӕй ӕвӕрццаг фӕстиуӕг равдыстой 5908.

2
Хъодалаты Мария ӕмӕ Джиоты Любайы концерт

Цхинвалы ацыд Хъодалаты Мария ӕмӕ Джиоты Любайы концерт-презентаци

3
(ранӕуӕггонд 13:52 28.09.2021)
Хуссар Ирыстоны Паддзахадон драмон театры сценӕйыл ферттывдтой ирон эстрадӕйы стъалытӕ

ЦХИНВАЛ, 28 сен - Sputnik, Хъуылымбегты Зӕлинӕ. Цхинвалы центры ацыд ӕвзонг зарӕггӕнджытӕ Хъодалаты Мария ӕмӕ Джиоты Любайы ног альбомы презентаци.

Концерт Марии Кодалаевой и Любы Джиоевой
© Sputnik / Natalia Airiyan
Хъодалаты Мария ӕмӕ Джиоты Любайы концерт

Концерт ӕрӕмбырд кодта ирон музӕкӕ уарзджыты къуырисӕры изӕры Хетӕгкаты Къостайы номыл Паддзахадон драмон театры.

Сфӕлдыстадон изӕр бакодта Хъодалаты Мария, кӕцы сӕххӕст кодта зарӕг "Хурӕн зарыд мӕй". Изӕры стъалытӕ Хъодалаты Мария ӕмӕ Джиоты Люба алӕмӕттаг ӕххӕст кодтой кӕрӕдзи.

Концерт Марии Кодалаевой и Любы Джиоевой
© Sputnik / Natalia Airiyan
Хъодалаты Мария ӕмӕ Джиоты Любайы концерт

Концерты ма хайад райстой дыууӕ чызджы ӕмбӕлттӕ – Хуссар ӕмӕ Цӕгат Ирыстоны музыканттӕ: Плиты Олег, Хохойты Влад ӕмӕ Томайты Александр.

"Мах – Хуссар ӕмӕ Цӕгат Ирыстоны фӕсивӕд – ӕмархайд кӕнӕм ӕмӕ ӕмбарӕм, нӕ тых кӕй ис иудзинады. Ууыл хъӕуы тох кӕнын", - загъта Хъодалаты Мария.

Концерты спрезентаци кодтой зарӕггӕнджыты альбом "Хурӕн зарыд мӕй".

Концерт Марии Кодалаевой и Любы Джиоевой
© Sputnik / Natalia Airiyan
Хъодалаты Мария ӕмӕ Джиоты Любайы концерт

"Тыхстӕн, фӕлӕ мын ме ‘ввахс адӕм загътой, иууыл сӕйрагдӕр кӕй у райсын ӕхцондзинад концертӕй, уӕд кӕсджытӕ дӕр уый банкъардзысты. Уыцы хъуыды райстон ӕмӕ алцыдӕр ацыд хорз", - загъта Хъодалаты Мария.

Хъодалаты Мария – зарджытӕ ӕмӕ ӕмдзӕвгӕты автор, фарон ӕвзонг зарӕггӕнӕг ныффыста йӕ фыццаг клип "Ӕз бузныг дӕн" зарӕгмӕ. Джиоты Люба ссис зындгонд Цӕгат Ирыстоны "Осетия-Ирыстон" телеканалы проект "Азар ма"-йы хайадисты фӕстӕ.

  • Хъодалаты Мария ӕмӕ Джиоты Любайы концерт
    Хъодалаты Мария ӕмӕ Джиоты Любайы концерт
    © Sputnik / Natalia Airiyan
  • Хъодалаты Мария ӕмӕ Джиоты Любайы концерт
    Хъодалаты Мария ӕмӕ Джиоты Любайы концерт
    © Sputnik / Natalia Airiyan
  • Хъодалаты Мария ӕмӕ Джиоты Любайы концерт
    © Sputnik / Natalia Airiyan
  • Хъодалаты Мария ӕмӕ Джиоты Любайы концерт
    Хъодалаты Мария ӕмӕ Джиоты Любайы концерт
    © Sputnik / Natalia Airiyan
  • Хъодалаты Мария ӕмӕ Джиоты Любайы концерт
    Хъодалаты Мария ӕмӕ Джиоты Любайы концерт
    © Sputnik / Natalia Airiyan
1 / 5
© Sputnik / Natalia Airiyan
Хъодалаты Мария ӕмӕ Джиоты Любайы концерт
3