Цхинвалы микрорайоны цӕрджытӕ баззадысты ӕнӕ газӕй линийыл срӕмыгъды аххосӕй

8
(ранӕуӕггонд 17:37 11.05.2021)
Цхинвалы микрорайон "Шанхай"-йы иу хай баззад ӕнӕ газӕй. Цалцӕгӕн ӕрмӕг ис фӕндагыл, фехъусын кодтой газифтонгады службӕйы

ЦХИНВАЛ, 11 май — Sputnik, Хъуылымбегты Азӕмӕт. Хуссар Ирыстоны столицӕйы микрорайон "Шанхай"-йы къорд хӕдзармӕ ӕрурӕдтой газифтонгад сабаты ӕрцӕугӕ срӕмыгъды фӕстӕ, уый тыххӕй Sputnik фехъусын кодта "Энергоресурс"-ы газифтонгады службӕйы хистӕр Табуты Нугзар.

8 майы газифтонгады хаххыл цалцӕггӕнӕн куыстыты рӕстӕджы ӕрцыд срӕмыгъд. Уый фӕстӕ сарӕх цӕрджыты куырдиаттӕ газы ахъуызыны тыххӕй. Газифтонгады службӕ нал ӕххӕссыд куыстыл.

"Мах бадзырдтам, цӕмӕй ахицӕн кӕнӕм газ, цалынмӕ ӕмбӕлон ӕрмӕг не 'рласæм, уӕдмӕ", - загъта Табуты Нугзар.

Уый ма бафтыдта, зӕгъгӕ, нырма бӕрӕг нӕу, авари кӕд ӕрцӕудзӕн иуварс.

"Абон ныззаказ кодтам æрмæг, се ʻрцыды дырыс датӕ нӕ зонӕм, фӕлӕ сӕ куыддӕр райсӕм, афтӕ райдайдзыстæм цалцӕг", - банысан кодта уый.

Микрорайоны цӕрджытӕ рӕстӕгмӕ балхӕдтой газы баллонтӕ ӕмӕ уыдонӕй пайда кӕнынц.

8
Ленингор

Хуссар Иры Ленингоры районы ссардтой нӕлгоймаджы мӕрдон буар

4
(ранӕуӕггонд 16:08 15.06.2021)
Прокуратурӕ сгары цауы ӕууӕлтӕ, районы цӕрӕджы мӕлӕты аххосаг нырма бӕрӕг нӕу

ЦХИНВАЛ, 15 июн – Sputnik, Хъуылымбегты Азӕмӕт. Ленингоры районы йӕ хӕдзары кӕрты ссардтой 70-аздзыд бынӕттон цӕрӕджы мӕрдон буар, фехъусын кодта Sputnik районы прокуратурӕйы фӕдагурӕг Бязырты Алан.

Йӕ ныхӕстӕм гӕсгӕ, амӕлӕты аххосаг нырма бӕрӕг нӕу, уагъд цӕуы экспертизӕ. Социалон хызӕгты фӕзынд хъусинаг, ома нӕлгоймаг ӕрӕджы ӕрыздӕхт Гуырдзыстонӕй ӕмӕ хъуамӕ уыдаид карантиныл районы рынчындоны.

"Ацы нӕлгоймаг карантиныл кӕй хъуамӕ уыдаид, уый фӕдыл мӕм информаци нӕй. Уый уыд куырм ӕмӕ гӕнӕн ис ахаудаид, фӕлӕ уый у развӕлгъау верси, нырма хъуамӕ ауадзой экспертизӕ", - загъта Бязырты Алан.

Барадхъахъхъӕнӕг органтӕ бӕрӕг кӕнынц нӕлгоймаджы амӕлӕты аххосæгтӕ.

4
COVID-19

Хуссар Иры санитарон уагдоны радзырдтой COVID-19-ы статистикӕйы тыххӕй

3
(ранӕуӕггонд 14:38 15.06.2021)
Хуссар Ирыстоны пандемийы райдианӕй фӕстӕмӕ коронавирусӕй фӕрынчын сты 3372 адӕймаджы, ныртӕккӕ дохтырты хъусдарды бын сты 34 пациенты

ЦХИНВАЛ, 15 июн - Sputnik, Гӕбӕраты Элина. Хуссар Ирыстоны ивгъуыд майрӕмбоны коронавирусон инфекци рабӕрӕг ис фондз адӕймагӕн, фехъусын кодта Sputnik сӕйраг санитарон дохтыр Коцты Марина.

Уый бамбарын кодта, улæфт бонты "Югосетпотребнадзор"-ы ПЦР-лабораторийы кæй нæ сарæзтой тесттæ, къуырисæры  иртæстты тыххæй та фехъусын кæндзысты сом райсом.

"Югосетпотребнадзор"-ы бӕрӕггӕнӕнтӕм гӕсгӕ, COVID-19 рабӕрӕг кӕныны фӕдыл майрӕмбоны сарӕзтой 50 тесты, уыдонӕй фондз адӕймагӕн схаудта вирусы уӕвынад", - загъта Коцты Марина.

Санитарон уагдоны ПЦР-лабораторийы пандемийы рӕстӕджы ӕдӕппӕт сарӕзтой 23246 тесты коронавирусон инфекци рабӕрӕг кӕныны фӕдыл, уыдонӕй 3 372 радтой ӕвӕрццаг фӕстиуӕг.

Уагдоны сӕргълӕууӕг ма бафтыдта, пандемийы рӕстӕджы сӕнӕнизуӕвджыты иумӕйаг нымӕц кӕй схызт 3338 онг. Дохтырты хъусдарды бын ма стационарон ӕмӕ амбулаторон хоскӕнынадыл сты 34 адӕймаджы.

3