Казаны трагеди

Бибылты Анатолий тӕфӕрфӕсы тел арвыста Татарстаны сӕргълӕууӕгмӕ Казаны трагедийы фӕдыл

9
(ранӕуӕггонд 17:41 11.05.2021)
Дыццӕджы райсомӕй Казаны скъолатӕй иуы ӕрцыд теракт. Ацы ӕнамонд хабары фӕстиуӕгӕн амардысты авд ахуырдзауы ӕмӕ ахуыргӕнӕг, афтӕ ма ноджы иу сылгоймаг, цӕфтӕ та райстой 21 адӕймаджы

ЦХИНВАЛ, 11 май — Sputnik. Хуссар Ирыстоны сӕргълӕууӕг Бибылты Анатолий арвыста тел Татарстаны президент Рустам Миннихановмӕ Казаны трагедийы фӕдыл, кӕцы ахаста фараст адӕймаджы цард. Уый тыххӕй хъусын кӕны бӕстӕйы къухдариуӕггӕнӕджы пресс-службӕ. 

Дыццӕджы райсомӕй Казаны скъолатӕй иуы 19-аздзыд студент райдыдта ӕхсын ӕхсӕнгарзӕй. Фӕстаг бӕрӕггӕнӕнтӕм гӕсгӕ, ацы ӕнамонд хабары фӕстиуӕгӕн амардысты авд ахуырдзауы, ахуыргӕнӕг ӕмӕ ноджы иу сылгоймаг - техникон кусӕг. Цӕфтӕ та райстой 21 адӕймаджы.

"Абон 175-ӕм скъолайы цы трагеди ӕрцыд, уый масштабӕн нӕдӕр ныхӕстӕй зӕгъӕн ис, нӕдӕр ӕй бамбарӕн ис. Зӕрдӕ скъуыдтӕ кӕны ацы ӕбуалгъ ӕгъатырдзинадӕй, сывӕллӕтты тӕригъӕдӕй", - дзырдӕуы тӕфӕрфӕсы телы.

Республикӕйы цӕрджыты ӕмӕ йӕхи номӕй Бибылты Анатолий тӕфӕрфӕс ракодта трагедийы амӕттӕгты бинонтӕ ӕмӕ хиуӕттӕн, фӕцӕфуӕвджытӕн та йӕ цӕст бауарзта, цӕмӕй тагъд сӕнӕниз уой.

Тӕфӕрфӕстӕ ма трагедийы фӕдыл Татарстаны къухдариуӕгад ӕмӕ цӕрджытӕн ракодта Хуссар Ирыстоны минӕварад Уӕрӕсейы.

9
Сергей Меняйло

Сергей Меняйлойы равзæрстой Цæгат Иры сæргълæууæгæй

10
Меняйлойæ дарддæр кандидатты нымæцы уыдысты регионы депутаттæ Баликъоты Валерий æмæ Медея Элдзарова

ЦХИНВАЛ, 19 сен - Sputnik. Цæгат Ирыстоны депутаттæ сусæг хъæлæсæппæрсты руаджы равзæрстой Сергей Меняйлойы регионы къухдариуæггæнæгæй.

"Меняйлойы тыххæй схъæлæс кодтой - 57, ныхмæ - 0, не ʻсхъæлæс кодтой - 0", - загъта Цæгат Ирыстоны парламенты нымайæн къамисы сæрдар Гæбæраты Юрий.

Цæгат Ирыстон комкоммæ æвзæрстытæ нæ уадзы, регионы разамонæджы æвзары парламент УФ президенты бавдыстгонд кандидатурæты нымæцæй.

"Ӕз æй зонын, Ирыстоны цæрджытæ махмæ æнхъæлмæ кæсынц раст къахдзæфтæм. Ӕнхъæлмæ кæсынц ног скъуыддзæгтæ æмæ рæстдзинадмæ. Нæ хæс та у саразын афтæ, цæмæй алкæцы адæймагæн дæр йæ цард цæуа сабыр æмæ фадатджынæй. Регионы цæрджытæ хъуамæ уыной мах кæй архайæм иумæйаг хæрзиуæгл. Ууыл кусдзæн æз уæ æххуысæй", - загъта Сергей Меняйло.

10
Хуссар Иры столицæйы ацыд Республикӕйы боны цытӕн парады æлхынцъгæнæн генералон репетици

Хуссар Иры столицæйы ацыд Республикӕйы боны цытӕн парады æлхынцъгæнæн генералон репетици

6
(ранӕуӕггонд 15:26 18.09.2021)
Иннæ репетицитæй уæлдай сабаты æфсæддонтæ рацыдысты парадон дарæсы. Театры раз байдзаг æфсæддон конд адæмæй, уыдон слæууыдысты дамгъæ "П"-йы хуызы

ЦХИНВАЛ, 18 сен — Sputnik, Плиты Фатимæ. Цхинвалы сæйраг фӕзуаты ацыд парады фæстаг æлхынцъгæнæн генералон репетици, кӕцы нывонд у Республикикӕйы бонӕн.

Иннæ репетицитæй уæлдай сабаты æфсæддонтæ рацыдысты парадон дарæсы. Театры раз байдзаг æфсæддон конд адæмæй, уыдон слæууыдысты дамгъæ "П"-йы хуызы.

"Иу мæй нæхи цæттæ кæнæм, репетици та уы ныр æртыккаг хатт. Нæ тыхтæ радтам, цæмæй бæрæгбон ацæуа нывыл,уый у сæйрагдæртæй иу, хъуамæ йæ арвитæм рæсугъд æмæ нывыл", - загъта цытджын хъараулы тырысахæссæг Сæрмæт.

Цытджын мадзал ацӕудзӕн къуырисӕры, 20 сентябры. Театралон фӕзуатыл рацӕудзысты Хъахъхъӕнынады, Мидхъуыддӕгты, Уӕлвӕткон уавӕрты ӕмӕ Юстицийы министрӕдты парадон къордтӕ, стӕй ма Паддзахадон ӕдасдзинады комитеты арӕнхъахъхъӕнджытӕ ӕмӕ Уӕрӕсейы 4-ӕм ӕфсӕддон базӕйы службӕгӕнджытӕ ӕмӕ Уӕрӕсейы федералон ӕдасдзинады службӕйы арӕнгӕрон хайады кусджытӕ. Уымӕй дарддӕр ма парады рацӕудзысты Хъахъхъӕнынады министрады танкисттӕ, кӕцытӕ архайдтой "Танковый биатлон"-ы.

Генеральная репетиция Парада ко Дню республики
© Sputnik / Natalia Airiyan
Хуссар Иры столицæйы ацыд Республикӕйы боны цытӕн парады æлхынцъгæнæн генералон репетици

20 сентябыры 1990 азы Адӕмон депутаты совет рахаста уынаффӕмӕ Хуссар Ирыстоны автономон областы статус скӕнын Хуссар Ирыстоны Демократон Республикикӕмӕ Советон цӕдисы сконды. Ацы къахдзӕф уыд фыццаг хӕдбардзинадмӕ фӕндагыл. 20 сентябырь та ссис сӕйраг паддзахадон бӕрӕгбонтӕй сӕ иу.

6