Дамаскы ацыд Хуссар Ир ӕмӕ Сирийы закорганты сӕргълӕуджыты фембӕлд

Дамаскы ацыд Хуссар Ир ӕмӕ Сирийы закорганты сӕргълӕуджыты фембӕлд

5
(ранӕуӕггонд 11:48 26.05.2021)
Хуссарирыстойнаг парламенты сӕрдар ӕмӕ сирийаг Адӕмон ӕмбырды къухдариуӕггӕнӕг ӕруынаффӕ кодтой дыууӕ бӕстӕйы ӕхсӕнпарламентон ахастытыл

ЦХИНВАЛ, 26 май - Sputnik. Сирийаг Арабаг республикӕмӕ балцы рӕстӕджы Хуссар Ирыстоны парламенты спикерТадтаты Алан ӕмӕ Сирийы Адӕмон ӕмбырды сӕрдар Хаммуд Саббах ӕруынаффӕ кодтой дыууӕ бӕстӕйы хсӕн ӕхсӕнпарламентон ӕмгуыстад сфидар кӕныны фарстытыл. Фембӕлд ацыд Сирийы президентон ӕвзӕрстытӕм Хуссар Ирыстоны делегацийы ныццыды фӕлгӕтты, хъусын кӕны РХИ закондӕттӕг органы пресс-службӕ.

Председатель Парламента Республики Южная Осетия Алан Тадтаев с Председателем Народного собрания Сирийской Арабской Республики Хаммудом Саббахом
© Пресс-служба парламента РЮО
Дамаскы ацыд Хуссар Ир ӕмӕ Сирийы закорганты сӕргълӕуджыты фембӕлд

 

Сириаг лидеры ӕвзӕрстытӕ уагъд цӕуынц ӕртыццӕджы, 26 майы - паддзахады къухдариуӕггӕнӕджы бынатмӕ тырныц ӕртӕ кандидаты, се 'хсӕн архайгӕ президент Башар Асад дӕр. Хуссар Иры минӕвӕрттӕ хуынд ӕрцыдысты ӕвзӕрстытӕм цӕстдарджыты хуызы.

Хуссарирыстойнаг спикеримӕ фембӕлды рӕстӕджы Хаммуд Саббах банысан кодта, ӕнӕмӕнгхъӕуӕг кӕй у ӕнгом ӕхсӕнпарламентон ахастытӕ сфидар кӕнын Сири ӕмӕ Хуссар Ирыстоны хсӕн, кӕрӕдзиимӕ фӕлтӕрддзинад дих кӕнын.

Тадтаты Алан, куыд делегацийы хистӕр, бузныг загъта сирийаг фарсӕн сӕ фӕхуынды тыххӕй.

"Ацы ӕвзӕрстытӕн ис стыр нысаниуӕг Сирийы уавӕр ӕрнывыл кӕныны ӕмӕ йӕ ирд фидӕны тыххӕй. Нӕ республикӕ уемӕ ис, мах дарддӕр кусдзыстӕм хӕларадон ахастытӕ райтынг кӕныныл. Сири ӕппӕт дунейӕн у цивилизацийы авдӕн ӕмӕ мӕ фидарӕй уырны, бӕстӕ дарддӕр кӕй фидар кӕндзӕн ӕмӕ йӕ къахыл кӕй слӕудзӕн", - загъта спикер.

Фембӕлды ма хайад райстой Адӕмон ӕмбырды Бюройы уӕнгтӕ, Сири ӕмӕ Хуссар Ирыстоны хӕларады парламентон къамисы минӕвӕрттӕ, афтӕ ма хуссарирыстойнаг делегацийы уӕнгтӕ.

Встреча делегации Южной Осетии с председателем Народного собрания Сирии
© Пресс-служба парламента РЮО
Дамаскы ацыд Хуссар Ир ӕмӕ Сирийы закорганты сӕргълӕуджыты фембӕлд
5
Коронавирус

Югосетпотребнадзор фехъусын кодта ног бӕрӕггӕнӕнтӕ коронавирусы фӕдыл

2
(ранӕуӕггонд 14:01 28.09.2021)
Пандемийы рӕстӕджы республикӕйы сбӕрӕг кодтой 5908 фӕрынчынуӕвӕджы коронавирусӕй, уыдонӕй 5033 адӕймаджы сӕнӕниз сты

ЦХИНВАЛ, 28 сен - Sputnik, Хъуылымбегты Зӕлинӕ. Хуссар Ирыстоны ивгъуыд суткӕйы сбӕрӕг кодтой 41 ног рынчыны COVID-19-ӕй, фехъусын кодта Sputnik дыццӕджы Югосетпотребнадзоры сӕргълӕууӕг Коцты Марина.

"Нӕ лабораторийы сарӕзтӕуыд 163 иртӕсты, уыдонӕй COVID-19 сбӕрӕг кодтой 41 адӕймагӕн. Медицинон хыгъдӕй систой 99 пациенты. Медикты хъусдарды бын ма сты 875 адӕймаджы", - загъта Коцты Марина.

Хуссар Ирыстоны абоны онг коронавирусӕй ӕдӕппӕт сӕнӕниз сты 5033 адӕймаджы.

Пандемийы райдайӕнӕй COVID-19 раиртасыны тыххӕй Югосетпотребнадзоры ПЦР-лабораторийы сарӕзтӕуыд 37 214 иртӕсты, уыдонӕй ӕвӕрццаг фӕстиуӕг равдыстой 5908.

2
Хъодалаты Мария ӕмӕ Джиоты Любайы концерт

Цхинвалы ацыд Хъодалаты Мария ӕмӕ Джиоты Любайы концерт-презентаци

3
(ранӕуӕггонд 13:52 28.09.2021)
Хуссар Ирыстоны Паддзахадон драмон театры сценӕйыл ферттывдтой ирон эстрадӕйы стъалытӕ

ЦХИНВАЛ, 28 сен - Sputnik, Хъуылымбегты Зӕлинӕ. Цхинвалы центры ацыд ӕвзонг зарӕггӕнджытӕ Хъодалаты Мария ӕмӕ Джиоты Любайы ног альбомы презентаци.

Концерт Марии Кодалаевой и Любы Джиоевой
© Sputnik / Natalia Airiyan
Хъодалаты Мария ӕмӕ Джиоты Любайы концерт

Концерт ӕрӕмбырд кодта ирон музӕкӕ уарзджыты къуырисӕры изӕры Хетӕгкаты Къостайы номыл Паддзахадон драмон театры.

Сфӕлдыстадон изӕр бакодта Хъодалаты Мария, кӕцы сӕххӕст кодта зарӕг "Хурӕн зарыд мӕй". Изӕры стъалытӕ Хъодалаты Мария ӕмӕ Джиоты Люба алӕмӕттаг ӕххӕст кодтой кӕрӕдзи.

Концерт Марии Кодалаевой и Любы Джиоевой
© Sputnik / Natalia Airiyan
Хъодалаты Мария ӕмӕ Джиоты Любайы концерт

Концерты ма хайад райстой дыууӕ чызджы ӕмбӕлттӕ – Хуссар ӕмӕ Цӕгат Ирыстоны музыканттӕ: Плиты Олег, Хохойты Влад ӕмӕ Томайты Александр.

"Мах – Хуссар ӕмӕ Цӕгат Ирыстоны фӕсивӕд – ӕмархайд кӕнӕм ӕмӕ ӕмбарӕм, нӕ тых кӕй ис иудзинады. Ууыл хъӕуы тох кӕнын", - загъта Хъодалаты Мария.

Концерты спрезентаци кодтой зарӕггӕнджыты альбом "Хурӕн зарыд мӕй".

Концерт Марии Кодалаевой и Любы Джиоевой
© Sputnik / Natalia Airiyan
Хъодалаты Мария ӕмӕ Джиоты Любайы концерт

"Тыхстӕн, фӕлӕ мын ме ‘ввахс адӕм загътой, иууыл сӕйрагдӕр кӕй у райсын ӕхцондзинад концертӕй, уӕд кӕсджытӕ дӕр уый банкъардзысты. Уыцы хъуыды райстон ӕмӕ алцыдӕр ацыд хорз", - загъта Хъодалаты Мария.

Хъодалаты Мария – зарджытӕ ӕмӕ ӕмдзӕвгӕты автор, фарон ӕвзонг зарӕггӕнӕг ныффыста йӕ фыццаг клип "Ӕз бузныг дӕн" зарӕгмӕ. Джиоты Люба ссис зындгонд Цӕгат Ирыстоны "Осетия-Ирыстон" телеканалы проект "Азар ма"-йы хайадисты фӕстӕ.

  • Хъодалаты Мария ӕмӕ Джиоты Любайы концерт
    Хъодалаты Мария ӕмӕ Джиоты Любайы концерт
    © Sputnik / Natalia Airiyan
  • Хъодалаты Мария ӕмӕ Джиоты Любайы концерт
    Хъодалаты Мария ӕмӕ Джиоты Любайы концерт
    © Sputnik / Natalia Airiyan
  • Хъодалаты Мария ӕмӕ Джиоты Любайы концерт
    © Sputnik / Natalia Airiyan
  • Хъодалаты Мария ӕмӕ Джиоты Любайы концерт
    Хъодалаты Мария ӕмӕ Джиоты Любайы концерт
    © Sputnik / Natalia Airiyan
  • Хъодалаты Мария ӕмӕ Джиоты Любайы концерт
    Хъодалаты Мария ӕмӕ Джиоты Любайы концерт
    © Sputnik / Natalia Airiyan
1 / 5
© Sputnik / Natalia Airiyan
Хъодалаты Мария ӕмӕ Джиоты Любайы концерт
3