Гуырдзиаг мигранттæ бафæлвæрдтой фехалын августы хæсты амæттæгты мысæн акци Италийы - ФХМ

Гуырдзиаг мигранттæ бафæлвæрдтой фехалын августы хæсты амæттæгты мысæн акци Италийы - ФХМ

74
(ранӕуӕггонд 14:04 13.08.2021)
Августы фондзбонон хæсты амæттæгты номыл Сардинийы фæзуат Indipendenza-йы ацыд мысæн мадзал

ЦХИНВАЛ, 13 авг - Sputnik. Хуссар Ирыстоны 2008 азы хæсты амæттæгты фыдохы акци, кæцы цыд 12 августы горæт Кальярийы сакъадах Сардинияйы республикæйы фæсарæйнаг хъуыддæгты министрады минæварады æххуысæй, фæкъуыхцы ис гуырдзиаг мигрантты аххосæй, хъусын кæны уагдоны пресс-службæ.

Æртындæс азы размæ гуырдзиаг æфсæдтæ батыдтой республикæмæ, бафæлвæрдтой сæ дæлбар бакæнын, æхсты бын фæцис горæт æмæ йæ республикæйы цæрджытæ.

Августы фондзбонон хæсты амæттæгты номыл Сардинийы фæзуат Indipendenza-йы ацыд мысæн мадзал. Хуссар Ирыстоны цæрджыты фарсмæ балæууыдысты Кальярийы цæрджыты иу къорд Хуссар Ирыстоны ФХМ минæвар Сардинийы Роберто Пиннайы сæргълæудæй.

"Хъыгагæн, фыдохы мадзал фæкъуыхцы кодта гуырдзиаг мигрантты провокаци, кæцыйæн къухдариуæгад кодта сылгоймаг. Сæ æнæмбæлон митæй, уыдон бахъыгдардтой сабыр цæрджыты акци", - дзырдæуы сæ хъусинаджы.

Социалон хызæгты Роберто Пинна равдыста йæ хъыг, бырсджытæ нæ дæттой фаждат хæсты амæттæгты ном ссарынæн.

"Хæсты фæмардуæвджытæ аккаг сты цæмæй сын сæ ном ссарой. Мах фæдыд чырыстон чырыстон æгъдаумæ гæсгæ сæ нм ссарын", - ныффыста уый.

Провокацийы фæстæ мысæн мадзал адарддæр кодтой, загътой ФХМ.

74
РБМЦ сырх зонӕ

Хуссар Иры хицауад медиктӕн фиддонтӕн рахицӕн кодта 10 милуан сомӕй фылдӕр

2
(ранӕуӕггонд 16:09 16.09.2021)
Фӕрӕзтӕ рахицӕн кӕныны фӕдыл скъуыддзаг рахастӕуыд цыппӕрӕмы республикӕйы хицауады ӕнӕрадон рабадтыл

ЦХИНВАЛ, 16 сен - Sputnik. Хуссар Ирыстоны хицауад рахицӕн кодта йӕ фӕстауӕрцон фондӕй 10,2 милуан сомы сӕрмагонд социалон фиддонтӕн медиктӕн ӕмӕ ӕндӕр кусджытӕн коронавирусимӕ тохы тыххӕй, хъусын кӕны министрты кабинеты пресс-службӕ.

Скъуыддзаг рахастӕуыд хицауады ӕнӕрадон рабадтыл. Фӕрӕзтӕ байуӕрстой афтӕмӕй:

  • Республикон бирӕпрофилон медицинон центр 2021 азы 1 майӕ 31 августы онг периоды тыххӕй райсдзӕн 9 425 210 сомы
  • Дзауы районон рынчындон 1 апрелӕй 31 августы онг периодӕн райсдзӕн 350 750 сомы
  • Къуайсайы рынчындон 22 июнӕй 31 августы онг периодӕн райсдзӕн – 347 833 сомы
  • Знауыры районон рынчындон 1 июнӕй 31 августы онг периодӕн райсдзӕн – 79 250 сомы
  • Цхинвалы районы амбулаторон ӕххуысы центр 1 июлӕй 31 августы онг периодӕн райсдзӕн 73 750 сомы

Хицауады сӕрдар Бекъойты Геннадий бахӕс кодта Ӕнӕниздзинад хъахъхъӕнынады министрадӕн хъус дарын рахицӕнгонд фӕрӕзты хардз кӕнынмӕ ӕмӕ бавдисын Финансты министрадӕн хыгъдлӕвӕрд уый фӕдыл.

2
хъӕууонхӕдзарадон техникӕ

Хуссар Иры хъӕууон хӕдзарад баххӕст ис ног техникӕйӕ

3
(ранӕуӕггонд 16:09 16.09.2021)
Ног техникӕйы нымӕцы ис ахӕмтӕ, кӕцытӕ республикӕйы фӕзындысты фыццаг хатт, сӕ нымӕцы дуруидзӕн ӕмӕ картофӕфснайӕн хӕдтулгӕ

ЦХИНВАЛ, 16 сен – Sputnik, Плиты Фатимӕ. Хуссар Ирыстоны хъӕууон хӕдзарады министрад баххӕст кодта йӕ техникон базӕ ног ифтонгадӕй. 2021 азы уагдоны къухы бафтыд ноджы 42 иууӕджы, фехъусын кодта Sputnik министрады кусӕг Мулдарты Игорь.

Ног техникӕйы нымӕцы ис ахӕмтӕ, кӕцытӕ республикӕйы фӕзындысты фыццаг хатт, сӕ нымӕцы дуруидзӕн ӕмӕ картофӕфснайӕн хӕдтулгӕ. 

"Фыццаг хатт самал кодтам дуруидзӕн ӕмӕ картофӕфснайӕн машинӕ. Уымӕй размӕ нӕм уыд картофкъахӕн, фӕлӕ ног ифтонгад у егъаудӕр авналӕнтимӕ", - загъта уый.

Мулдарты Игоры ныхӕстӕм гӕсгӕ, ног техникӕйыл кусын бынӕттонтӕн амыдтой ӕрцӕуӕггаг специалисттӕ.

"Техникӕ цы амалиуӕгад рауагъта, уый кусджытӕ рцыдысты, ам бынаты сӕмбырд кодтой хъӕууонхӕдзарадон техникӕ ӕмӕ бацамыдтой бынӕттонтӕн сӕ куыст. Стӕй ма рӕстӕгӕй-рӕстӕгмӕ цӕудзысты ӕмӕ бӕлвырд кӕндзысты сӕ техникон уавӕр", - бафтыдта министрады кусӕг.

3