Самарӕйы сарӕзтой Ирон хӕдзар

Самарӕйы сарӕзтой "Ирон хӕдзар"

99
(ранӕуӕггонд 17:32 20.08.2021)
Культурон объект арӕзт ӕрцыд Хуссар Ирыстоны экс-премьер, Самарӕйы кадджын цӕрӕг Хуыгаты Ростиславы хъӕппӕрисӕй этнокультурон комплекс "Парк дружбы народов"-ы фӕлгӕтты

ЦХИНВАЛ, 20 авг — Sputnik, Плиты Фатимӕ. Уӕрӕсейаг горӕт Самарӕйы сарӕзтой "Ирон хӕдзар". Культурон объект арӕзт ӕрцыд Хуссар Ирыстоны экс-премьер, Самарӕйы кадджын цӕрӕг Хуыгаты Ростиславы хъӕппӕрисӕй этнокультурон комплекс "Парк дружбы народов"-ы фӕлгӕтты, кӕцы иу кӕны 20 нациты цӕрӕнуӕттӕ, сӕ нымӕцы ирон хӕдзар дӕр.

Ныридӕгӕн этнокультурон комплекс "Парк дружбы народов"-ы арӕзт бахӕццӕ кӕронбӕттӕн этапмӕ.

"Хуыгаты Ростислав канд проекты инициатор нӕу, фӕлӕ арӕзтад дӕр цыд йӕ хӕрдзтӕй. Йӕ баконд нывӕндынц 12 сентябрьмӕ. Ӕнхъӕлмӕ кӕсынц Уӕрӕсе, Хуссар Ирыстон ӕмӕ Цӕгат Ирыстоны президенттӕм", - ныффыста Facebook-ы йӕ фарсыл Хуыгаты Ростиславы хӕрзаудӕн фонд "Амонд"-ы разамонӕг Челехсаты Хъазыбег.

Уымӕй размӕ, Хуссар Ирыстоны культурӕйы министрады фехъусын кодтой, республикӕйы кафт ӕмӕ зарды паддзахадон ансамбль "Симд" кӕй ныццӕудзӕн цытджын мадзӕлтты хайад исынмӕ.

99
Цхинвал

Фондз ФТЦ ӕмӕ цыппар хъыгдардбаййафӕджы: МХМ радзырдтой къуырийы уавӕры тыххӕй

2
(ранӕуӕггонд 14:38 27.09.2021)
Барадхъахъхъӕнӕг уагдоны фехъусын кодтой фыдракӕндтӕ ӕмӕ республикӕйы фӕндӕгтыл уавӕры тыххӕй

ЦХИНВАЛ, 27 сен — Sputnik. Хуссар Ирыстоны фӕндӕгтыл ивгъуыд къуыри ӕрцыд фондз аварийы, кӕцыты фӕстиуӕгӕн бахъыгдард сты цыппар адӕймаджы. Уый тыххӕй къуырисӕры фехъусын кодта республикӕйы Мидхъуыддӕгты министрады (МХМ) пресс-службӕ.

Афтӕ ма Паддзахадон автоинспекцийы кусджытӕ сбӕрӕг кодтой фӕндагон змӕлды 196 фӕткхалды.

"Цыппар шофыры фӕдыл сарӕзтӕуыд административон протоколтӕ хӕдтулгӕ нозтджынӕй скъӕрыны тыххӕй", - банысан кодтой пресс-службӕйы.

Уагдоны бафтыдтой, зӕгъгӕ, иу къуыримӕ республикӕйы территорийыл регистрацигонд ӕрцыд иу фыдракӕнд, кӕцы раргом кодтой мидхъуыддӕгты органтӕ. Алыгъуызон фӕткхӕлдты тыххӕй бӕрнмӕ ӕрбаздахтой цалдӕр адӕймаджы, уыдонӕй иуы – наркотикон фӕрӕзтӕй ӕнӕзаконон пайда кӕныны тыххӕй.

2
Аграрон хӕдзарад Южной сад ныссадздзӕн фӕткъуыйы ног хуызтӕ

Аграрон хӕдзарад "Южной сад" ныссадздзӕн фӕткъуыйы ног хуызтӕ

3
(ранӕуӕггонд 15:10 27.09.2021)
Цъунары хъӕуы уӕвӕг дыргъдоны фӕзындзӕн фӕткъуыйы ног хуызтӕ, ныридӕгӕн дзы зайы Италийӕ ласт ӕртӕ хуызы

ЦХИНВАЛ, 27 окт - Sputnik, Плиты Фатимæ. Аграрон хӕдзарад "Южной сад" уалдзӕджы ныссадздзӕн фӕткъуыйы ног хуызтӕ. Дыргъдӕттӕм бафтдзӕн уӕлӕмхас ноджы 33 гектары зӕххытӕ, фехъусын кодта Sputnik хӕдзарады директор Бекъойты Леван.

"Уалдзӕджы ӕрбалӕугӕ азы хӕдзарад ныссадздзӕн фӕткъуыйы ног хуызтӕ. Нӕ дыргъдӕтты территори фӕуӕрӕх уыдзӕн ноджы 30 гектарӕй фылдӕр", - загъта Бекъойты Леван.

"Южный сад" у Хуссар Ирыстоны территорийыл аграрон инвестпроекты ӕвӕрццӕг дӕнцӕг. 2020 азы арвыста 350 тоннӕйы фӕткъуы фӕсарӕнты базармӕ.

Уыимӕ иумӕ ма хӕдзарад лӕггад кӕны йӕ тыллӕгӕй скъолатӕн, сабидӕттӕн ӕмӕ уагдӕттӕн. Ӕрвыл фӕззӕг фӕткъуы байуарынц ӕнӕаргъӕй банысангонд уагдӕтты. 

Уӕрӕсейаг инвесторы фӕрӕзтӕй фӕткъуыты хӕдзарад сарӕзтӕуыд 2019 уалдзӕджы Хуссар Ирыстоны Цхинвалы районы Цъунары хъӕуы. Ӕртӕ сорты фӕткъуыбӕлӕсты талатӕ ӕрластой Италийӕ ӕмӕ сӕ ныссагътой 50 гектары территорийыл.

3