Хуссар Ирыстоны мыддарджыты ассоциацийы бындурæвæрæг Джиоты Феликс

Джиоты Феликс: Ирыстоны фыццаг хатт ацæудзæн мыды армукъа

37
(ранӕуӕггонд 12:30 17.09.2019)
Хуссар Ирыстоны мыддарджыты ассоциацийы бындурæвæрæг Джиоты Феликс радзырдта радио Sputnik-æн мыды армукъайы тыххæй

Хуссар Ирыстоны столицæйы ацæудзæн мыды армукъа. Алкæмæн дæр йæ бон у бацæуын, йæ продукци бахæссын æмæ йæ среализаци кæнын, фехъусын кодта Sputnik ассоциацийы бындурæвæрæг Джиоты Феликс.

Джиоты Феликс: Ирыстоны фыццаг хатт ацæудзæн мыды армукъа

"Мæхицæн нысан сæвæрдтон, цæмæй адæм нæхи бæстæйы мыд райсой æмæ дзы спайда кæной. Ирыстоны хуызæн мыддарды бынат никуы ис, афтæмæй нæм алы аз дæр сæфы нектары дæсгай-сæдæгай центнертæ. Мах хъæуы, цæмæй ацы хъуыддаг нæ хицауадæй рацæуа, æмæ уый фæстæ мыды хъуыддаг сфидар уыдзæн æмæ 4-5 азмæ махæн нæ бон уыдзæн мыд фæсарæнтæм æрвитын", - загъта Джиоты Феликс.

37
Темӕтӕ:
Радио иронау (71)
Сӕйраг темӕтӕ
Радио иронау
Лигъдонтæ

Тыбылты Людмила: гуырдзиаг тугдзыхты тыххæй мæ фыдæлтæ ралыгъдысты Хуссарæй Цæгат Ирмæ

9
(ранӕуӕггонд 11:07 06.07.2020)
Цæгат Ирыстоны Ногиры хъæуы цæрæг Тыбылты Людмила радио Sputnik Хуссар Ирыстоны эфиры радзырдта йæ фыдæлтæ куыд алыгъдысты Цæгат Ирмæ, уый тыххæй
Тыбылты Людмилæ: гуырдзиаг тугдзыхты тыххæй мæ фыдæлтæ ралыгъдысты Хуссарæй Цæгат Ирмæ

Ирон адæмы æхсæн бирæ ис бинонтæ, кæцытæн ис сæхи сæрмагонд истори геноцидимæ баст. Цæгат Ирыстоны Ногиры хъæу сæвзæрд раст уыцы рæстæджы. Хуссар Ирыстонæй цы лигъдæттæ ацыдысты уырдæм, уыдонæн сæ фылдæр уым æрбынат кодтой. Ногир куыд цæрæг пункт афтæ сæвзæрд 1921 азы. Тыбылты Людмила у Ногиры цæрæг, уый радзырдта йæ истори, йæ фыдæлтæ куыд алыгъдысты 1920 азы гуырдзыйы тугдзыхтæй æмæ æрцардысты Ногиры, уый тыххæй.

"Мæ фыды фыд Тыбылты Къола йæ бинойнаг Тедеты Анетаимæ ралыгъд Дзауы районы Хуыцъейы хъæуæй æмæ æрцардысты Ногиры, уæд æй хуыдтой полигон", - загъта Тыбылты Людмила.

Людмилайы ныхæстæм гæсгæ, йæ фыды фыд Къолайæн уыд дыууæ æнахъом сабийы, æмæ уыдонимæ фæндагыл бирæ зындзинæдтæ бавзæрстой.

"Мæ фыды мады æрæййæфтон, æмæ уый дзырдта цы фыдмитæ кодтой Джугъелийы æфсæддонтæ ирон адæмæн. Куыд сыгътой, мардтой, сылгоймæгтæн куыд тыхмитæ кодтой", - банысан кодта Тыбылон.

Людмила ма бафиппайдта, зæгъгæ, 2021 азы Ногиры хъæуыл сæххæст уыдзæн 100 аз, æмæ цæттæ кæнынц уыцы юбилеймæ сæхи. Афтæ ма сæ зæрдыл ис сæвæрын цыртдзæвæн геноциды амæттæгты номарынæн.

9
Темӕтӕ:
Радио иронау (71)
Алла Кокион

Алла Кокион: лæмбынæг мæ фæнды æрæвналын мæ аивадмæ

11
(ранӕуӕггонд 13:28 06.07.2020)
Музыкалон ахуыргӕнӕндоны эстрадон вокалы рауагъдон, музыкант Алла Кокион радио Sputnik Хуссар Ирыстоны эфиры радзырдта йæ дарддæры фæндты тыххæй
Кокион: лæмбынæг мæ фæнды æрывналын мæ аивадмæ

Ацы аз Цхинвалы музыкалон ахуыргӕнӕндоны рауагъдонтæ радтой фæстаг фæлварæнтæ. Уыдон æмрæнхъ сты эстрадон вокалы студенттæ дæр. Алла Кокионы нæ республикæйы зонынц куыд музыкант æмæ зарæггæнæг, уый дæр ацы аз фæцис эстрадон вокалы факультет.

"Цыппар азы размæ сфæнд кодтон музыкалон ахуыргӕнӕндоны эстрадон вокалмæ бацæуын. Фыццаг мын кæд зын уыд, уæддæр тынг цымыдисон разынд мæ ахуыр", - загъта Кокион.

Алла Кокионы ныхæстæм гæсгæ, уый эстрадон вокалы факультет равзæрста йæ аивадон фæндагимæ баст кæй у, уый тыххæй.

"Заргæ дæр кæнын, æмæ мæ фæндыд мæхи æндæр вокалон жанрты дæр бафæлварын", - банысан кодта музыкант.

Музыканты фæнды, цæмæй йæ аивадмæ лæмбынæгдæр æрæвнала, бахæсса дзы ивындзинæдтæ æмæ ма ноджы фæхъæздыгдæр кæна йæ репертуар.

11
Темӕтӕ:
Радио иронау (71)
Михаил Кожухов

Михаил Кожухов æрцæудзæн Цæгат Ирыстонмæ

0
(ранӕуӕггонд 14:42 10.07.2020)
Балцы фæлгæтты туристтæ фендзысты Беслæны 1-æм скъола, "Зæдты горæт", Аланийы рагондзинады музей, Уæллаг Фиагдон, Куырттаты ком æмæ æндæр объекттæ

ЦХИНВАЛ, 10 июл — Sputnik. Зындгонд уæрæсейаг журналист, "Клуб путешественников"-ы президент Михаил Кожухов июлы æрцæудзæн Цæгат Ирыстонмæ 12 туристимæ. Уый тыххæй журналист ныффыста йæ фырсыл Instagram, хъусын кæны 15 регион.

"Мах фæндыд радзурын сымахæн Цæгат Ирыстоны рæсугъддзинады тыххæй, фæлæ ахъуыды кодтам, къамтæ мах бæсты алцыдæр хуыздæр кæй зæгъдзысты. Кæй зæгъын æй хъæуы, Ирыстонмæ балц фылдæр рæсугъддзинады тыххæй нæу, фæлæ адæмы тыххæй. Чи сты ирæттæ, цавæр куывдтытæ зæгъынц сæ фынгтыл, куыд цæрынц хæххон хъæуты, кæнынц зындгон уæлибыхтæ æмæ кафынц Хæххон кæфтытæ", - ныффыста Кожухов.

Балцы фæлгæтты туристтæ фендзысты Беслæны 1-æм скъола, "Зæдты горæт", Аланийы рагондзинады музей, Уæллаг Фиагдон, Куырттаты ком æмæ æндæр объекттæ.

уыдон Ирыстоны уазæгуаты уыдзысты 15-20 июлы.

0