Ахсар Бежанов

Бежанты Æхсар "Булæмæргъ"-ы тыххæй: мæ радзырдыл куыстон дыууæ азы

108
(ранӕуӕггонд 17:11 22.01.2020)
Литературон преми "Булæмæргъ"-ы лауреат Бежанты Æхсар йæ радзырд "Хур куы басыгъд арты" тыххæй радио Sputnik эфиры
Бежанты Æхсар: мæ радзырдыл кустон дыууæ азы

Ивгъуыд аз хорз кæронбæттæн сарæзта литературон дунейы. 2019 азы 23 декабры Мæскуыйы, Уæрæсейы уæвæг Хуссар Ирыстоны минæварады культурон центры уагъд æрцыд цыппæрæм литературон преми "Булæмæргъ"-ы лауреатты хорзæхкæныны церемони. Фыццаг бынат ацы премийы райста не ‘мбæстаг, æвзонг фыссæг Бежанты Æхсар ирон адæмы геноцидыл йæ роман "Хур куы басыгъд арты"-йы тыххæй. 

"Ацы преми мын уыд фæлварæны хуызы, фæлæ уый æнхъæл нæ уыдтæн æмæ фыццаг бынат райсдзынæн, уымæн æмæ æз нæма мæхи фыссæгыл нæ нымайын. Мæ цинæн кæрон дæр нæ уыд, куы мын радтой ацы преми, уæд", - загъта Æхсар.
Бежанты Æхсар ма куыд банысан кодта, афтæмæй йæ радзырды сæйраг темæ у ирон адæмы геноцид - автор бафæлвæрдта сбæрæг кæнын йæ аххосæгтæ.
"Бирæтæ афтæ æнхъæлынц, æмæ геноцид у, цасдæр нымæц адæмы куы амарынц, уый. Фæлæ геноцид у, иу нацийæн йæ цардвæндæгтæ куы æрæхгæнынц алы фадыджы дæр, уый", - банысан кодта Бежанты Æхсар.
Æрвылаз дæр премийы жюрийы уæнгтæ сбæрæг кæнынц иууыл хуыздæр авторты, кæцытæ фыссынц ирон æвзагыл сæ уацмыстæ. Банысан кæнын ма хъæуы уый, æмæ президенты барамындмæ гæсгæ 2020 аз уыдзæн ирон адæмы геноцидыл сæдæ азы сæххæсты фæдыл мысæн аз.

108
Сӕйраг темӕтӕ
Радио иронау
Кокойты Мария

Кокойты Мария: Тугъанты Махарбеджы "Расстрел 13 коммунаров" æвдисы æнæбасæтгæ хъару

11
(ранӕуӕггонд 12:12 31.07.2020)
Æвзонг нывгæнæг Кокойты Мария радио Sputnik Хуссар Ирыстоны радзырдта Тугъанты Махарбеджы ныв "Расстарел 13 коммунаров"-ы тыххæй

Кокойты Мария: Тугъанты Махарбеджы ныв "Расстрел 13 коммунаров" æвдисы æнæбасæтгæ хъару
Ирон адæмы геноцидыл радио Sputnik-ы алæвæрдты бирæ сæрмагонд историтæ фехъуыстам, уымæн æмæ уыцы трагедийы амæттаг чи нæ фæци, ахæм бинонтæ стæм ис ссарæн ирон адæмы æхсæн. Геноцид æвдыст æрцыд фысджыты, историкты æмæ нывгæнджыты куыстыты. Уымæн ирд æвдисæн у Тугъанты Махарбеджы ныв - "Расстрел 13 коммунаров" дæр, кæцы, стыр хъыгагæн, фесæфт. Кокойты Мария куыд загъта, афтæ ацы нывы фесæфт дæр у символикон.

"Тугъанты Махарбегæн цалдæр варианты баззад ацы нывы къамтæ, фæлæ оригинал цыхуызæн уыд, уый рæстмæ ничиуал зоны. 2011 азы рабæрæг нывы сæфт, æмæ мæм худинаг дæр кæсы, куыд хъуамæ фесæфтаит ахæм хæзна", - загъта Мария.

Мария банысан кодта, ацы ныв кæй баззад къамты æмæ йыл куыд хуызфыссынад афтæ дзурын зын у, уымæн æмæ Махарбеджы куыстытæн ис гæнæн аккаг аргъ скæнын йæ ахорæнты фæрцы.

"Марахбег йæ ахорæнты фæрцы æвдыста йæ æнкърæнтæ. Нывы къамистмæ гæсгæ нæ бон у зæгъын, кæй дзы ис энергетикон экспрессия", - бафиппайдта нывгæнæг.

Нывгæнæджы хъуыдымæ гæсгæ, Махарбег равдыста 13 коммунары хъæбатырдзинад æмæ сæ æнæбасæтгæ хъару.

Лæмбынæгдæр байхъусут аудиоæрмæджы.

11
Темӕтӕ:
Радио иронау (79)
Плиты Вадим

Плиты Вадим: Хуссар Ирыстоны туризмы райрæзт баст у хицауады хъусдардимæ

31
(ранӕуӕггонд 13:38 24.07.2020)
Туризмы управленийы сæргълæууæг Плиты Вадим радио Sputnik Хуссар Ирыстоны эфиры радзырдта хайады реорганизацийыл
Плиты Вадим: туризмы райрæзт Хуссар Ирыстоны баст у хицауады хъусдардыл

Æрæджы Хуссар Ирыстоны туризмы управлени рахызт экономикон райрæзты министрады дæлбармæ. Плиты Вадим куыд банысан кодта, уымæ гæсгæ, стыр нысаниуæг нæй, туризм кæй дæлбар уа, уымæн. Фыццаджыдæр хъæуы хицауады æрдыгæй лæмбынæг хъусдард.

"Иу рæстæджы ма туризмы управлени уыд унитарон куыстуат, æмæ уæд экономикон райрæзты министрады дæлбар уыд, фæлæ кусгæ цы бакодтам нæхæдæг, уымæй дарддæр дзы ницы фæивта", - банысан кодта Вадим.

Йæ ныхæстæм гæсгæ, 2009 азы туризмы райрæзтæн æвæрд æрцыд хорз бындур. Стыр куыст æрцыд, Хуссар Ирыстоны цы территоритæ хауынц туризмы арæнтæм, уыцы схемæйыл. Управленийы сæргълæууæджы ныхыстæм гæсгæ, алы бæстæйæн нæ уыд ахæм схемæ уæды рæстæджы.

"Нысангонд нын уыдысты, туризммæ цы бынæттæ хаутой, уыдон æмæ æмбæрстгонд уыд, цы хуыз туризм дзы уыдаид алы комы дæр", - бафиппайдта туризмы сæргълæууæг.

Плиты Вадим ныфсджынæй зæгъы, уыцы территориалон схемæ нæма дæр кæй у актуалон.

Лæмбынæгдæр информацимæ хъусут аудиоæрмæджы.

31
Темӕтӕ:
Радио иронау (79)
Цхинвалы авд уынгыл цæуынц цалцæггæнæн куыстытæ

Цæттæ сæ кæнынц асфальтмæ: Цхинвалы авд уынгыл цæуынц цалцæггæнæн куыстытæ

8
(ранӕуӕггонд 13:21 04.08.2020)
Республикæйы Арæзтад æмæ архитектурæйы министры хæдивæг Гаглойты Сергейы ныхæстæм гæсгæ, развæлгъау уал уынгтыл ивд цæуынц газы, нуазыны доны æмæ канализацийы хæххытæ

ЦХИНВАЛ, 4 авг – Sputnik, Дриаты Лейла. Хуссар Ирыстоны социалон-экономикон рæзтæн ахъазгæнæг Инвестицион программæйы фæлгæтты ацы аз Цхинвалы цы аст уынджы хъуамӕ ӕрцӕуой цалцӕг, уыдонӕй авдыл ныртӕккӕ активонӕй уагъд цӕуынц куыстытӕ

Республикæйы Арæзтад æмæ архитектурæйы министры хæдивæг Гаглойты Сергейы ныхæстæм гæсгæ, развæлгъау уал уынгтыл ивд цæуынц газы, нуазыны доны æмæ канализацийы хæххытæ.

"Авд уынгыл активонæй кусынц зæххы бын коммуникацитæ ивыныл. Газы хæтæлтæ ивыныл кусы паддзахадон унитарон куыстуат "Энергоресурс", доны æмæ канализацийы хæххытæ ивыныл та – "Водоканал", - банысан кодта Гаглойты Сергей.

Цхинвалы Белинскийы уынджы ныртæккæ аразджытæ кусынц газ уадзыныл, магистралон трубæтæ æвæрыны фæдыл куыстытæ æххæст æрцыдысты 75 процентæй. Доны æмæ канализацийы фæдыл куыстытæ та – 80 процентæй.

"Газуадзæн куыстытæ ныртæккæ фесты Хъайтарты æмæ Кимы уынгты. Ныртæккæ Кимы уынджы цæуынц хæрзарæзтадон куыстытæ – калынц ыл ставд цъæлдур æмæ лыстæг хуырдур. Тротуарты та цæттæ кæнынц плиткæ сæвæрынмæ. Табуйы фырты уынджы уадзынц магистралон газы хахх, хæдзæрттæм бауагътой газ, æвæрд цæуынц газнымайæнтæ. Æвæрд æрцыдысты магистралон канализацион трубæтæ дæр æмæ аразджытæ хæдзæрттæм уадзынц канализацион æмæ донуадзæн хæххытæ", - ранымадта Гаглойты Сергей.

Йæ ныхæстæм гæсгæ, Революцийы уынджы дæр цæуынц газуадзæн куыстытæ, фæуд кæны канализацион хахх, кусынц доны хахх уадзыныл æмæ цъайтæ аразыныл дæр.

Базарадон уынджы æвæрынц магистралон газуадзæн, газ уадзынц хæдзæрттæм, æвæринаг ма сты газынымайæнтæ, доны æмæ канализацийы фæдыл куыстытæ фесты.

Нæузæххонты уынджы фæуд кæнынц газуадзæн куыстытæ, монтаж кæнынц газрегуляторгæнæн пункттæ. Куыст цæуы дон æмæ канализацийы хæххытæ хæдзæрттæм уадзыныл.

Гаглойты Сергей ма куыд зæгъы, афтæмæй Плиты Ароны уынджы дæр аразджытæ рæхджы æрывналдзысты хæрзарæзтадон куыстытæм.

Инвестпрограммæмæ хаст объекттæй дарддæр ма "Водоканал"-æн хæсгонд у, цæмæй Джиоты Аланы проспекты кæрон 130, 130 а, 128, 128 а æмæ 128 б бирæфатерон корпусты территорийыл раивой зæронд канализацион хæтæлтæ.

Азы райдианæй ма Сталины уынджы 96 æмæ 98-æм хæдзæрттæ, Фидауынгæнджыты уынджы 5, 6, 8 æмæ 10-æм хæдзæрттæ, Путины уынджы 2-æм хæдзары дæр ма цалцæг æрцыдысты канализацион хæххытæ.

8