Тыбылты Инга

Тыбылты Инга Цæгат Иры скъолаты дыгурон диалекты ахуырады тыххæй: хорз хъуыды у

1059
(ранӕуӕггонд 10:34 24.01.2020)
Дыгурон диалект зонын зонадон кусджытæн цы пайды хæссы, уый тыххæй радио Sputnik-ы эфиры радзырдта ХИПУ-йы ирон кафедрæйы доцент Тыбылты Инга
Тыбылты Ингæ: Цæгат Ирыстоны цыппар скъолы дыгурон диалектыл кæй ахуыр кæндзысты, уый хорз хъуыды у

Интернет-тыгъдады ацы бонты апарахат информаци, зæгъгæ, 2020 азы сентябрæй Цæгат Ирыстон – Аланийы цыппар скъолайы райдайдзысты ирон æвзаг ахуыр кæнын дыгурон литературон формæйы. Ахуыр кæндзысты фæндонмæ гæсгæ. Ацы фæндон Цæгат Ирыстоны ахуырады министрадмæ бахаста филологон зонæдты доктор, профессор Хъамболты Тамерлан.

"Æз мæхæдæг, куыд специалист, афтæ дыгурон диалект куы зонин, уæд мæ зонадон куыст æнцондæр цæуид. Ссарин дыгурон диалекты дзырдæн йæ лексикон нысаниуæг æмæ йын эквивалент дарддæр агурин æрвадæлон æвзаджы, сæйраджыдæр ирайнаг æвзаджы", - банысан кодта Тыбылты Инга.

Уый ма бахахх кодта, зæгъгæ, фыдæлты æвзаг дзæбæх куы зонай, уæд нырыккон æвзагыл æнцондæр у кусын.

"Хъамболты Тамерлан зæгъы, зæгъгæ, диалект бахъахъхъæнын хъæуы, æмæ уый раст хъуыды у, уымæн æмæ ирон диалектмæ абаргæйæ дыгурон фæкъаддæр ис йæ рæзты", - загъта доцент.

Дыгурон диалектыл фыссынад фæзынд 19 æнусы, ирон æвзаджы уырыссаг графикон алфавит куы фæзынд, уæд. Фæлæ, куыд фæстагмæ, афтæ ирон диалектыл фыссынад фæарæхдæр ис. Советон Цæдисы рæстæджы, суанг 1937 азы онг дыгурон нымад цыдис хицæн æвзагыл, фæлæ йæ уый фæстæ схуыдтой контреволюцион æмæ фæстæмæ хаст æрцыд ирон æвзаджы диалектмæ.

1059
Темӕтӕ:
Радио иронау (100)
Джиоты Феликс

Джиоты Феликс: мыды армукъа ацыд æнтысджынæй

4
(ранӕуӕггонд 15:48 24.09.2020)
Мыдыбындзыты ассоциацийы къухдариуæггæнæг Джиоты Феликс радио Sputnik Хуссар Ирыстоны радзырдта мыды армукъа куыд ацыд, ууыл

Джиоты Феликс: мыды армукъа ацыд æнтысджынæй
Хæууон хадзарадон продукттæ кæд æрласынц нæ республикæмæ æддæйæ, уæд мыд у мидæггагон продукт, афтæ зæгъы Джиоты Феликс.

"Æртæ бон 18, 19, 20 сентябры ацыд мыды армукъа æнтысджынæй, кæд дзы æлхæнджытæ фылдæр уыд, уæддæр", - загъта Феликс.

Феликсы ныхæстæм гæсгæ, нæ республикæйы цы мыд ис уый у æрмæст нæхи фаг, æмæ дзы уæлдай цъус баззайы. Джиоты Феликсы хъуыдымæ гæсгæ, фадат кæмæн ис, уыдон чыргъæдтæ куы сывæриккой сæ кæрты, уæд мыддарды хъуыдтаг размæ ацæуид.

4
Темӕтӕ:
Радио иронау (100)

Тыбылты Инга: ирон филологи у вазыгджын факультет

23
(ранӕуӕггонд 11:07 24.09.2020)
ХИПУ ирон филологийы декан Тыбылты Инга радио Sputnik Хуссар Ирыстоны эфиры радзырдта ирон филологийы факультеты тыххæй

Ирон филологийы факультеты кæд æрвыл аз дæр бирæ студенттæ нæ ахуыр кæны, уæддæр чи æрбацæуы, уыдон сæрмагондæй равзарынц ацы дæсниад. Тыбылты Инга куыд загъта, уымæ гæсгæ ирон филологи у вазыгджын, фæлæ цымыдисон факультет.

23
Темӕтӕ:
Радио иронау (100)
Ӕвзонг теннисисткӕ Цхинвалӕй рамбылдта бронзӕ Подмосковьейы турниры

Ӕвзонг теннисисткӕ Цхинвалӕй рамбылдта бронзӕ Подмосковьейы турниры

0
(ранӕуӕггонд 16:19 25.09.2020)
Плиты Алана уыд турниры иууыл кӕстӕрдӕр хайадисӕг, фӕлӕ уӕддӕр рамбылдта бронзӕйон майдан. Афтӕ ма ӕвзонг спортсменкӕйы банымадтой турниры иууыл перспективондӕр спортсменкӕйыл

ЦХИНВАЛ, 25 сен — Sputnik. Ӕвзонг теннисисткӕ Хуссар Ирыстонӕй Плиты Алана схызт кады пьедесталы ӕртыккаг къӕпхӕнмӕ Подмосковьейы турниры, хъусын кӕны республикӕйы фӕсивӕдон политикӕ ӕмӕ спорты фӕдыл комитеты пресс-службӕ.

Дунейы дыууӕ хатты чемпионкӕ Зоя Рудневайы мысӕнӕн турниры горӕт Втдноейы тох котой спортсментӕ Мӕскуы, Мӕскуыйы область, Тверь, Калуга, Рязань, Ярославль, Воронеж ӕмӕ Уӕрӕсейы ӕндӕр горӕттӕ ӕмӕ регионтӕй.

Юная теннисистка Алана Плиева из Южной Осетии завоевала бронзу на турнире в Подмосковье
Ӕвзонг теннисисткӕ Цхинвалӕй рамбылдта бронзӕ Подмосковьейы турниры

"Фарастаздзыд Плиты Алана рамбылдта йӕ ныхмӕлӕуджыты Мӕскуы, Мӕскуыйы область ӕмӕ Калугайӕ 3:0, 3:1 ӕмӕ 3:2 хыгъдӕй ӕмӕ бацахста дыккаг бынат ӕвзарӕн этапы. Фӕлӕ уый фӕстӕ ирон спортсменкӕ фембылд 2:3 хыгъдӕй турниры фидӕны уӕлахиздзау Олеся Усовайӕн, кӕцы дзы уыд дыууӕ азы хистӕрдӕр", - дзырдӕуы хъусинаджы.

Плиты Алана уыд турниры иууыл кӕстӕрдӕр хайадисӕг, фӕлӕ уӕддӕр рамбылдта бронзӕйон майдан. Афтӕ ма ӕвзонг спортсменкӕйы банымадтой турниры иууыл перспективондӕр спортсменкӕйыл.

0