Джиоты Къоста

Джиоты Къоста: Порталы иууыл фыццаг хъуамæ айхъуыса зард

122
(ранӕуӕггонд 11:15 27.01.2020)
Портал саразыны фæнд куыд фæзынд фæсивæдмæ æмæ ныр цы уавæры сты арæзтадон куыстытæ, уый тыххæй радио Sputnik-ы эфиры радзырдта Джиоты Къоста
Джиоты Къоста: Порталы иууыл фыццаг хъуамæ айхъуыса зард

Нæ горæты фæсивæды къорд сфæнд кодта саразын аивадон фæз, кæцы хонынц Портал. Уыцы бынаты æмбырд кæндзысты курдиатджын æвзонг адæм. Портал саразыны фæнд фæсивæды хъуыдымæ æрцыд Дзæуджыхъæуы куы федтой ахæм порталы фæзынд, уæд. Ирæтты уынджы цы бæстыхай равзæрстой, уый бирæ рæстæг уыд æдзæрæг, уымæ гæсгæ дзы ис бирæ аразинæгтæ. Æвзонг адæм сæхи æхцайы фæрæзтæй æрæвнæлдтой ацы бæстыхай цалцæг кæнынмæ, фæлæ кæй зæгъын æй хъæуы, уыдон не 'сфаг сты, цæмæй кæронмæ бакæной сæ арæзтадон куыстытæ.

"Ахуырады министрадмæ ис программæ "Рæзгæ фæлтæры монон-фæткон хъомылад" æмæ уый фæлгæтты фæсивæдон политикæ, спорт æмæ туризмы комитетмæ бавдыстам проект, æмæ рамбылдтам грант 400 мин сомы. Аз æмæ æрдæджы бæрц нæ бон нæ уыд райсын ацы æхцайы фæрæзтæ. Иу мæйы размæ æхца нæ къухы бафтыд æмæ нæ арæзтадон куыстытæ сног кодтам", - загъта Джиоты Къоста.

Къостайы ныхæстæм гæсгæ, порталы арæзтад тынг хъæуы нæ адæмы. Уым уыдзæн гæнæн ауадзын равдысттæ, поэтикон æмæ аивадон изæртæ.

"Ныфс нæ ис æмæ уалдзæгмæ фæуыдзыстæм куыстытæн сæ фылдæр хай", - банысан кодта Къоста.

Банысан кæнын хъæуы уый, æмæ порталы бæстыхай равзарыны бар радта бæстæйы президент Бибылты Анатолий.

122
Темӕтӕ:
Радио иронау (100)
Сӕйраг темӕтӕ
Радио иронау
Джиоты Феликс

Джиоты Феликс: мыды армукъа ацыд æнтысджынæй

4
(ранӕуӕггонд 15:48 24.09.2020)
Мыдыбындзыты ассоциацийы къухдариуæггæнæг Джиоты Феликс радио Sputnik Хуссар Ирыстоны радзырдта мыды армукъа куыд ацыд, ууыл

Джиоты Феликс: мыды армукъа ацыд æнтысджынæй
Хæууон хадзарадон продукттæ кæд æрласынц нæ республикæмæ æддæйæ, уæд мыд у мидæггагон продукт, афтæ зæгъы Джиоты Феликс.

"Æртæ бон 18, 19, 20 сентябры ацыд мыды армукъа æнтысджынæй, кæд дзы æлхæнджытæ фылдæр уыд, уæддæр", - загъта Феликс.

Феликсы ныхæстæм гæсгæ, нæ республикæйы цы мыд ис уый у æрмæст нæхи фаг, æмæ дзы уæлдай цъус баззайы. Джиоты Феликсы хъуыдымæ гæсгæ, фадат кæмæн ис, уыдон чыргъæдтæ куы сывæриккой сæ кæрты, уæд мыддарды хъуыдтаг размæ ацæуид.

4
Темӕтӕ:
Радио иронау (100)

Тыбылты Инга: ирон филологи у вазыгджын факультет

17
(ранӕуӕггонд 11:07 24.09.2020)
ХИПУ ирон филологийы декан Тыбылты Инга радио Sputnik Хуссар Ирыстоны эфиры радзырдта ирон филологийы факультеты тыххæй

Ирон филологийы факультеты кæд æрвыл аз дæр бирæ студенттæ нæ ахуыр кæны, уæддæр чи æрбацæуы, уыдон сæрмагондæй равзарынц ацы дæсниад. Тыбылты Инга куыд загъта, уымæ гæсгæ ирон филологи у вазыгджын, фæлæ цымыдисон факультет.

17
Темӕтӕ:
Радио иронау (100)
Донуадзæн

Куыстыты фӕстаг этап: Цхинвалы кӕрон ӕрцӕудзӕн нуазыны доны цухдзинадӕн

0
(ранӕуӕггонд 14:41 24.09.2020)
Донуадзæн ныридæгæн иу у горæты доны хызæгтæм, фæлæ нырма æххæст хъомысадæй нæ кусы - резервуартæ йедзаг кæнынц дыууæ-æртæ къуыримæ

ЦХИНВАЛ, 24 сен — Sputnik, Дриаты Лейла. Хуссар Ирыстоны кӕронмӕ фӕхӕццӕ кӕны донуадзæн Уанат - Цхинвлы арæзтад. Куыстытӕ цыдысты дыууæ этапæй.

Ахсджиаг проект æххæст цæуы 2019-2020 азты РХИ-йы социалон-экономикоен рæзтæн ахъазгæнæг инвестицион программæйы фæлгæтты. Куыстытæ æххæст кæны арæзтадон компани арæнгонд бæрндзинады æхсæнад "СТМ-ЮГ".

Фыццаг рады арæзт æрцыдысты дыууæ резервуары, кæцыты цæуы 3,5 мин кубикон метры дон. Уымæй дарддæр ма горæтмæ рауагъдæуыд донуадзæн хахх. Ныр та куыст цæуы донæмбырдгæнæны арæзтадыл æмæ технологион ифтонггæрзтæ монтаж кæныныл.

Арæзтадон фадыджы хистæр Гуырцъыты Эльбрус куыд радзырдта, афтæмæй ивгъуыд азы æххæст æрцыдысты сæйрагдæр куыстытæ.

"Уанаты хъæуæй Цхинвалмæ уагъд æрцыд магистралон донуадзæн, кæцыйæн йæ дæргъ у 15 километры. Присы хъæумæ хæстæг та сарæзтой дыууæ резервуары. Донуадзæн ныридæгæн иу у горæты доны хызæгтæм, фæлæ нырма æххæст хъомысадæй нæ кусы. Резервуартæ йедзаг кæнынц дыууæ-æртæ къуыримæ", - банысан кодта уый.

Специалисты ныхӕстӕм гӕсгӕ, проектон хъомысадмæ донуадзæн рахиздзæн, донæмбырдгæнæны капиталон сцалцæг кæныны, дренажон системæ саразыны, санитарон хъахъхъæнæн зонæ æрбæстон кæнын æмæ технологион ифтонггæрзтæ самал æмæ смонтаж кæныны фæстæ.

Дыккаг этапы куыстытæм арæзтадон компанийы кусджытæ хъуамæ æрывнæлдтаиккой уалдзæджы, фæлæ коронавирусон инфекцийы пандемийы аххосæй афæстиат сты.

"Объекты ныртæккæ цæуынц развæлгъау куыстытæ донуадзæны алыварс ссыгъдæг кæныны фæдыл. Ам æрвылбон дæр кусынц 10 адæймагæй фылдæр æмæ æртæ иуæджы уæззау техникæ. Уыдон нырма фаг сты, фæлæ куыстыты гуырахст куыд фылдæр кæна, афтæ кусджыты нымæц дæр фылдæр кæндзæн", - загъта Гуырцъыты Эльбрус.

Уый ныфс бавæрдта, сæ хæс сфидаргонд æмгъуыдтæм кæй сæххæст кæндзысты ӕмæ ног азы райдианы донуадзæн хахх æххæст хъомысадæй кæй райдайдзæн кусын.

Уанаты донуадзæн суткæйы дæргъы дæтдзæн 15 мин кубикон метры дон. Горæт та иста 20 мин кубикон метры. Афтæмæй горæт райдайдзæн исын суткæйы дæргъы 35 кубикон метры нуазыны дон. Уый фаг уыдзæн горæты цæрджыты æнæкъуылымпыйæ донæй ифтонг кæнынæн.

0