Гаглойты Роберт

Гаглойты Роберт: Хуссар Иры Зонады бон банысан кодтам конференцийæ

138
(ранӕуӕггонд 15:20 12.02.2020)
Фыццæгæм февралы Хуссар Ирыстоны нысан кæнынц зонадон бон, уый тыххæй нын лæмбынæгæй радио Sputnik эфиры радзырдта РХИ Зонад-иртасæн институты сæргълæууæг Гаглойты Роберт
Гаглойты Роберт: Хуссар Иры Зонады бон банысан кодтам конференцийæ

Хуссар Ирыстоны 2014 азы фыццæгæм февраль снысан кодтой зонады бонæй. Ацы бон хуымæтæг æвзæрст нæу. 1922 азы 1 февралы  националон сæндидзæны архайджытæ сарæзтой Зонад-литературон æхсæнад. Уый уыд фыццаг зонадон уагдон, кæцыйы куыст адарддæр кодта Уанеты Захары номыл зонад-иртасæн институт. Ацы боны сæраппонд дыццæджы 4 февралы зонадон институты уагъд æрцыд конференци.

"Конференцийы уыд фондз раныхасы цымыдисон темæтыл. Зæгъæм, Джиоты Мурæты раныхасы темæ уыд ирон традицион бæрæгбæттыл баст", - банысан кодта Гаглойты Роберт.

Зонадон институты сæргълæууæг ма загъта, уагдон кæй æййафы æвзонг специалистты хъуагдзинад, уымæн æмæ зонадон куыст бирæ фыдæбон домы, стæй стыр æмвæзад. Фæлæ, уымæ æнæкæсгæйæ, уæддæр институты ис æвзонг специалисттæ, кæцытæн ис хорз фидæн.

"Ис нæм дыууæ æвзонг кусæджы - Техты Алена æмæ Дзассохты Лана, уыдон аспирантурæ каст фесты æнтыстджынæй, фæлæ цæмæй сæ зонадон куыстытæ Уæрæсейы мыхуыргонд æрцæуой, уый тыххæй хъæуы æхцайы фæрæзтæ", - загъта уагдоны сæргълæууæг.

138
Темӕтӕ:
Радио иронау (105)
Деметы Зауыр

Деметы Зауыр: ирон кадджытæ нæм фæхæццæ сты музыкалон инструментты руаджы

17
(ранӕуӕггонд 12:59 21.10.2020)
Ирон музыкалон инструменттæ аразæг Деметы Зауыр радио Sputnik Хуссар Ирыстоны эфиры радзырдта, куыд сахуыр ис фæндыртæ аразын
Деметы Зауыр: ирон кадджытæ нæм фæхæццæ сты музыкалон инструментты руаджы

Ирон националон инструментарий у фолькористикæйы хъæздыг æмæ вазыгджын хай. Деметы Зауыр куыд загъта, уымæ гæсгæ, фæндыры фæрцы ныры онг фæхæццæ сты рагон кадджытæ.

"Хистæр иу кæстæртæн амыдта кадджытæ, кæстæртæ дæр кадджыты хорз миниуджытæ фæзмыдтой æмæ сæ цард кодтой уымæ гæсгæ", - загъта Зауыр.

Зауыры ныхæстæм гæсгæ, æнæмæнг хъæуы рæзгæ фæлтæрæн амонын цæгъдын ирон музыкалон инструменттыл, стæй ма сæ аразын дæр.

Деметы Зауыр сахуыр ис музыкалон инструменттæ аразын Моурауты Сосланы фæрцы.

"Зондджын лæг уыд æмæ ахæм адæймагимæ кæддæриддæр æхсызгон у ныхас кæнын. Уымæ кастæн, куыд сæ аразы, фæлæ никуы хъуыды кодтон æмæ мæхæдæг араздзынæн музыкалон инструменттæ", - банысан кодта лæппу.

Зауыр куыд загъта уымæ гæсгæ, инструменттæ аразын райдыдта, Моурауты Сослан куы фæзиан, уый фæстæ. Мастерæн баззад æрдæгарæзтæй цалдæр инструменты æмæ уый æрæвнæлдта кæронмæ саразын уыцы фæндыртæ.

17
Темӕтӕ:
Радио иронау (105)

Биазырты Алла: Къоста мын тынг зынаргъ у куыд гоймаг æмæ куыд поэт

14
(ранӕуӕггонд 14:43 15.10.2020)
Паддзахадон университеты журналистикæйы факультеты декан Биазырты Алла радзырдта радио Sputnik Хуссар Ирыстоны Къостайы сфæлдыстады тыххæй

Хуссар Ирыстоны цыппæрæмы нысан кæнынц Хетæгкаты Къостайы 161-æм райгуырæн бон. Бæрæгбоны цытæн республикæйы ацыдысты цытджын мадзæлттæ.

Паддзахадон университеты журналистикæйы факультеты декан Биазырты Алла радзырдта радио Sputnik Хуссар Ирыстоны Къостайы сфæлдыстады тыххæй.

Йæ ныхæстæм гæсгæ, уымæн иууыл ахсджиагдæр у Къостайы поэзи.

Журналистикæйы факультеты декан куыд бафиппайдта, уымæ гæсгæ Къостайы цардыл цæст ахæсгæйæ, уый нæ разыны эгоист, фæлæ адæймаг, кæцы тох кодта æргом зæрдæйæ йæ адæмы бартыл.

14
Цхинвал

Бибылты Анатолий раарфӕ кодта Хуссар Иры банкон фадыджы кусджытӕн

1
(ранӕуӕггонд 14:36 02.12.2020)
Бузныг уын стыр профессионализм ӕмӕ уӕ куыстӕн иузӕрдыгдзинады тыххӕй, банысан икодта президент йӕ арфӕйы банкон фадыджы кусджытӕн

ЦХИНВАЛ, 2 дек — Sputnik. Хуссар Ирыстоны банкон фадыджы кусынц бӕрзонд квалификациимӕ специалисттӕ. Уыдон иудадзыг хуыздӕр кӕнынц сӕ профессионализм. Уый тыххӕй дзырдӕуы Бибылты Анатолийы арфӕйы телы банкон фадыджы кусджытӕн, кӕцытӕ абон нысан кӕнынц сӕ профессионалон бӕрӕгбон.

Бибылты Анатолий фидарӕй загъта, банкон кусджытӕ дарддӕр дӕр алцыдӕр кӕй араздзысты къабазы райрӕзтӕн, ӕнтыстджынӕй ӕххӕст кӕндзысты сӕ хӕслӕвӕрдтӕ.

Паддзахады сӕргълӕууӕджы цӕст бауарзта банкон фадыджы специалисттӕн фидар ӕнӕниздзинад, амонд ӕмӕ ног ӕнтыстытӕ сӕ Фыдыбӕстӕйы хӕрзӕбонӕн.

1