Цхуырбаты Алана

Мæ фильм балæвар кодтон Дмитрий Медведевæн - Цхуырбаты Аланæ

192
(ранӕуӕггонд 11:30 06.03.2020)
Документалон фильм "Не время для героизма"-йы режиссер Цхуырбаты Аланæ балæвар кодта йæ фильм Дмитрий Медведевæн, æмæ уый тыххæй радзырдта радио Sputnik-ы эфиры
Мæ фильм балæвар кодтон Дмитрий Медведевæн - Цхуырбаты Аланæ

Мæскуыйы æрæджы Æдасдзинады Советы сæрдары хæдивæг Дмитрий Медведев фембæлд æвзонг активисттимæ, цы ран хайад райста æвзонг режиссер Цхуырбаты Аланæ. Ацы фембæлды рæстæджы уый балæвар кодта йæ фильм "Не время для героизма" Дмитрий Медведевæн.

"Куы фембæлдыстæм Дмитрий Медведевимæ, уæд мын загъта, кæй йæ фæнды фенын мæ фильм. Электрон хæссæныл мæм уыд уыцы фильм æмæ йын æй мæхæдæг балæвар кодтон", - загъта Аланæ.

Чызг ма куыд банысан кодта, уымæ гæсгæ бузныгæй баззад Æдасзинады Советы сæрдары хæдивæгæй, кæй йæ цымыдис кæны хъайтардзинад равдисæг сывæллæтты хъысмæт.

Фильм "Не время для героизма" æвдыст æрцыд 71-æм æхсæнадæмон кинофестивалы Каннæты Уæрæсейы номæй. Уæрæсейы президент Владимир Путинæн та ацы фильм балæвар кодтой Фæсивæдон форум "Машук"-ы августы 2018 азы.

192
Темӕтӕ:
Радио иронау (135)
Мамиты Григорий

Мамиты Григорий: ног проект сразæнгард кæндзæн фæсивæды професси равзарынмæ

17
(ранӕуӕггонд 09:05 02.03.2021)
Актер, режиссер Мамиты Григорий радио Sputnik Хуссар Ирыстоны эфиры радзырдта ног проект "Алло, мах агурæм амонæг"-ы тыххæй
Мамиты Григорий: ног проект сразæнгард кæндзæн сомбоны професи равзарыныл

Паддзахадон телеуынынад кæны ног проект "Алло, мах агурæм амонæг" хистæркъласонты 'хсæн. Проекты автортæй сæ иу Мамиты Григорий куыд радзырдта, уымæ гæсгæ ацы конкурс сбæрæг кæндзæн рæзгæ фæлтæры курдиат дæр, æмæ ма сæ сразæнгард кæндзæн сомбоны професси равзарынмæ дæр.

"Гæнæн ис æмæ сæ искæй бацымыдис кæна сомбоны профессийæн æмæ суой телеуынынады амонджытæ", - банысан кодта Григорий.

Проекты авторы ныхæстæм гæсгæ, конкурс уагъд цæудзæн 9-11 кълæсты ахуыргæнинæгты 'хсæн, уымæн æмæ ацы кары сывæллæттæ райдайынц хъуыды кæнын сæ сомбоны професийыл.

"Ныридæгæн хайадисджыты нымæц схыст 70 онг, æз уый æнхъæл нæ уыдтæн æмæ сæ афтæ бацымыдис кæндзæн ацы проект", - бафиппайдта Мамиты Григорий.

Хайадисджыты нымæц бирæ кæй у, уый тыххæй проекты автортæ фæивдзысты сæ раздæры план.

17
Темӕтӕ:
Радио иронау (135)

Пæррæстаты Дмитрий: театралон дунейы ис бирæ стереотиптæ

14
(ранӕуӕггонд 13:53 25.02.2021)
Хуссар Ирыстоны адæмон артист Пæррæстаты Дмитрий радио Sputnik эфиры радзырдта йæ дæсныйады тыххæй

Пæрæстаты Дмитрий куыд радзырдта, уымæ гæсгæ чысылæй фæстæмæ йæ бæллиц уыд актер суӕвын. Фӕлӕ, йӕ ныхӕстӕм гӕсгӕ, уыцы рæстæджы уыд æндыгъд уавæр æрмæст Хуссар Ирыстоны нæ, фæлæ æмтгæй Советон Цæдисы.

"Уæрæсейæ æрцыд хонӕн фыстæг нæхимæ, цы ран фадат лæвæрдтой Мæскуыйы Щепкины номыл уæлдæр театралон ахуыргӕнӕндонмӕ бацӕуынӕн. Æртымбыл стæм 20 адæймаджы бæрц æмæ ацыдыстым ахуырмæ", - дзуры Дмитрий.

Бӕстондӕрӕй - нӕ видеоӕрмӕджы

14
Темӕтӕ:
Радио иронау (135)
Хуссар Иры МСНК сбӕрӕг кодтой иууыл тыхджындӕр кусджыты

Хуссар Иры МСНК сбӕрӕг кодтой иууыл тыхджындӕр кусджыты

0
(ранӕуӕггонд 15:32 03.03.2021)
Къорды дӕлхайӕдты хсӕн ӕрвылазон ерысты рӕстӕджы равзӕрстой иууыл цӕттӕдӕр хӕстонты - уыдон сӕ фӕразондзинады ӕвдыстой цалдӕр спортивон дисциплинӕйӕ

ЦХИНВАЛ, 3 мар - Sputnik. Хуссар Иры Гӕззаты Вадимы номыл милицийы сӕрмагонд нысаниуӕджы къорды сбӕрӕг кодтой физикон ӕгъдауӕй иууыл цӕттӕдӕр кусджыты. Ерыстӕ ӕрӕмных кодтой къорды сырӕзты 29-ӕм афӕдзыбонмӕ, хъусын кӕны МХМ пресс-службӕ.

Уӕлахиздзауты бӕрӕг кодтой куыд командон, афтӕ хисӕрмагонд бахыгъды дӕр.

"Командон бахыгъды фыццаг бынатмӕ рахызт 1-аг оперативон ротӕ, дыккаг бынат бацахста 2-аг оперативон ротӕ, ӕртыккаг бынат та бацис 3-аг оперротӕйы", - дзырдӕуы уагдоны хъусинаджы.

Афтӕ ма ацыдысты ерыстӕ хисӕрмагонд бахыгъды дӕр цалдӕр спортивон дисциплинӕйӕ ӕмӕ цыппар уӕзы категорийы.

Милицийы сӕрмагонд нысаниуӕджы къорды дӕлхайӕдты хсӕн ерыстӕ уагъд фӕцӕуынц ӕрвылаз дӕр спорты хуызтӕ парахат кӕнын ӕмӕ хисӕрмагонд сконды профессионалон цӕттӕдзинад фӕбӕрзонддӕр кӕныны нысанӕн.

0