Хъæцмæзты Фатимæ

Мæ цард æнæхъæнæй у театрæн лæвар Хъæцмæзты Фатимæ

169
(ранӕуӕггонд 16:03 27.03.2020)
Театр æхсæнады æмæ адæймаджы царды цы бынат ахсы, уый тыххæй радио Sputnik-ы эфиры радзырдта паддзахадон драмон театры режиссер æмæ актрисæ Хъæцмæзты Фатимæ
Мæ цард æнæхъæнæй у театрæн лæвар – Хъæцмæзты Фатимæ

Æрвылаз дæр 27 марты нысан цæуы Театры æппæтдунеон бон. Ацы бæрæгбон снысан кодтой 1961 азы æхсæнадæмон театры институты IX конгрессы. Къостайы номыл Паддзахадон драмон театры режиссер æмæ актрисæ Хъæцмæзты Фатимæ йæ интревьюйы загъта, театрæн йæ царды кæй ис ахсджиаг нысаниуæг.
"Театрæн стыр нысаниуæг ис мæ царды, суанг мæ бинонты разæй дæр", - загъта Фатимæ.
Хъæцмæзты Фатимæ куыста театры актрисæйæ, фæлæ театр зынвадаты куы уыд, уæд уый 2009 азы ацыд ахуыр кæнынмæ Уæрæсемæ, цæмæй райса режиссеры дæсныйад.
Режиссер ма бафиппайдта, зæгъгæ, театралон жанртæй иууыл зындæр хъазæн у комедийы, фæлæ театралон критиктæ та фылдæр аргъ кæнынц трагедийы спектакльтæн.
Зындгонд у æмæ дзырд "театр" кæй у рагон грекаг термин æмæ нысан кæны бынат, цы ранмæ æбацæуынц бакæсынмæ. Театралон дунейы иууыл популярондæр сты дыууæ жанры – комеди æмæ трагеди, уый символ сты театралон маскæтæ.

169
Темӕтӕ:
Радио иронау (119)
Кокойты Тарзан

Кокойты Тарзан: 1991 азы трагикон Цыппурс хъуыды кæнын куыд абон, афтæ

11
(ранӕуӕггонд 14:20 02.01.2021)
Мидхъуыдтæгты министры хæдивæг, раздæры депутат Кокойты Тарзан радио Sputnik Хуссар Ирыстоны эфиры радзырдта 1991 азы цауты тыххæй
Кокойты Тарзан: уыцы трагикон Цыппурс хъуыды кæнын куыд абон афтæ

Хуссар Ирыстоны нырыккон историйы ис бирæ трагикон датæтæ, уыдонæй иу у 1991 азы 6 январь. æрцыд, уый. Кокойты Тарзан куыд радзырдта, уымæ гæсгæ уыцы бон хъуыды кæны абоны хуызæн.

"Уыцы æхсæв горæтмæ æрбацыдысты гуырдзиаг æфсæддонтæ. Кæй æрбацæудзысты, уый нæ зыдтой æрмæстдæр ирæттæ", - банысан кодта Тарзан.

Йæ ныхæстæм гæсгæ, горæты цы гуырдзиæгтæ цардысты, уыдон сусæгæй ахъуызыдысты æмæ сæ сыхаг ирон адæмæн нæ загътой, æфсад кæй æрбацæудзæнис, уый тыххæй.

"Райсом адæм æддæмæ хизын байдыдтой сæ хъуыдтæгты фæдыл æмæ федтой, горæты æд автоматтæ æмæ куыйтæ кæй лæууынц гуырдзиаг милиционертæ", - загъта Кокойты Тарзан.

Тарзан куыд банысан кодта, афтæмæй гуырдзиæгтæ бацахстой горæты сæйрагдæр уынгтæ, Театралон фæзуат æмæ райдыдтой сæ æнæгъдау митæ.

Лæмбынæгдæр хъусут аудиоæрмæджы.

11
Темӕтӕ:
Радио иронау (119)
Плиты Александр

Рукъаг "Пушкин": фелсыр Плиты Александр 60 азы хос кæны цæрджытæн

11
(ранӕуӕггонд 14:15 02.01.2021)
Рукъаг дохтыр Плиты Александр радио Sputnik Хуссар Ирыстоны радзырдта, куыд равзæрста фелсыры професси, уый тыххæй
Рукъаг фелсыр Плиты Александр: иунæг лæппу уыдтæн курсы

Хуссар Ирыстоны стæм адæм ис, Ручъы цæрæг фелсыр Плиты Александры чи нæ зоны. Фæсномыгæй ма йæ хонынц Пушкин. Уый 60 азы кусы Урстуалгомы фелсырæй. Александр куыд радзырдта, уымæ гæсгæ уый каст фæци Сталиниры фелсыры факультет.

"Уыцы аз бакодтой Сталиниры фелсыры хайад. Уырдæм мæ куы бакодтой, уæд кæугæ дæр фæкодтон, иууылдæр дзы чызджытæ ахуыр кодта, æз иунæг лæппу уыдтæн", - радзырдта Александр.

Йæ ныхæстæм гæсгæ, уый ахуыры фæстæ арвыстой Дзомагъмæ кусынмæ медицинон пунктгæсæй æмæ дзы фæкуыста 3 азы. Уыцы рæстæджы хъæуы уыд 55 хæдзары.

"Уый фæстæ мæ ракодтой нæхимæ Рукъмæ, уыд дзы рынчындон, фæлæ дзы дохтыр нæ уыд. Ничи куымдта уырдæм уавæрты тыххæй, уымæн æмæ иу дзы зымæг мит 2 метрæй къаддæр нæ уарыд", - банысан кодта фелсыр.

Плиты Александр (Пушкин) радзырдта, цы уавæрты куыста, уый тыххæй. Ныр дæр уыцы комы Александр у иунæг дохтыр æмæ йæ куысты æмгъуыд у 60 азы.

Лæмбынæгдæр хъусут аудиоæрмæджы.

11
Темӕтӕ:
Радио иронау (119)
Хуссар Ир ӕмӕ Гуырдзыйы хсӕн арӕн

ПӔК радзырдтой, цал адӕймаджы фехӕлдтой Хуссар Иры арӕн декабры

9
(ранӕуӕггонд 16:28 15.01.2021)
Алкӕцы фӕткхӕлдты тыххӕй дӕр уагъд ӕрцыд басгӕрст, уыдон фӕдыл бакондӕуыд уголовон хъуыддӕгтӕ, бафыстӕуыд ивартӕ, арӕнхалджыты иу къорды та феддӕдуар кодтой республикӕйӕ, банысан кодтой спецслужбӕйы

ЦХИНВАЛ, 15 янв – Sputnik, Козаты Диана. Арӕнхъахъхъӕнджытӕ ивгъуыд азы декабры ӕрурӕдтой Хуссар Ирыстоны паддзахадон арӕны 28 фехалӕджы, хъусын кӕӕы майрӕмбоны Паддзахадон ӕдасдзинады комитеты пресс-службӕ.

Мӕй раздӕр дӕр арӕнсӕтджыты ӕмӕ арӕны режим фехалджыты нымӕц уыд 28.

"Декабры цы фӕткхалджыты ӕрурӕдтой, уыдонӕй дӕс фехӕлдтой паддзахадон арӕӕы режим, 18 та – арӕнгӕрон режим. Комитеты арӕнгӕрон службӕ алкӕцы фӕткхӕлдты тыххӕй дӕр уагъд ӕрцыд басгӕрст, уыдон фӕдыл цыппар адӕймаджы ныхмӕ бакондӕуыд уголовон хъуыддӕгтӕ, 22 бафыстой ивартӕ, дыууӕйы та феддӕдуар кодтой республикӕйӕ", - банысан кодтой спецслужбӕйы.

ПӔК ма банысан кодтой, Хуссар Ир ӕмӕ Гуырдзыстоны хсӕн уадзӕн пункттӕ дӕр нырма кӕй сты ӕхгӕд Хелчуайы уӕвӕг пунктӕй дарддӕр.

9