Тедеты Валентина

Тедеты Валентина: сæрыстыр дæн, Битеты Райбеджы къухдариуæгады бын кæй фæкуыстон

57
(ранӕуӕггонд 11:05 29.04.2020)
Кафт æмæ зарды ансамбль "Симд"-ы раздæры кафæг Тедеты Валентина радио Sputnik-ы эфиры радзырдта, ирон композитор Битеты Павелы (Райбеджы) рæстæджы ирон культурæйы тыххæй

Зындгонд ирон музыкант, композитор Битеты Павелыл (Райбегыл) ацы аз апрелы мæйы сæххæст уыдаит 75 азы. Райбег каст фæци Гнесинты номыл Мæскуйы паддзахадон музыкалон-педагогон институт. Уый фæстæ æрыздæхт йæ райгуырæн бæстæмæ, цы ран байдыдта кусын паддзахадон ансамбль "Симд"-ы æмæ дзы фæкуыста дæс азы.

Тедеты Валентина композиторы къухдариуæгады рæстæджы бацыд ансамбльмæ кусынмæ æмæ ныр дæр тынг æхсызгонæй æрымысы уыцы рæстæг.

"Райбеджы рæстæджы ансамбль тынг æнтыстджын уыд, дисциплинæ æвæрдта фыццаг бынаты, тынг зæрдæбынæй архайдта, цæмæй "Симд" иннæ Кавказаг ансамбльты рæнхъы уа", - банысан кодта Валентина.

Тедеты Валентинæ ма куыд радзырдта, афтæмæй уæды рæстæджы ансамбльæн уыд бирæ гастрольтæ фæсарæнтæм, уымæн æмæ Павел архайдта, цæмæй ирон аивад равдисой бирæ бæстæты.

"Райбег æрмæст зарæггæнджытимæ нæ куыста, фæлæ кафты элементтæ дæр афтæ лæмбынæг æмбæрста, æмæ-иу концертмæ куы цæттæ кодтам, уæд-иу алы къахдзæфмæ дæр йæ хъус дардта", - загъта Тедион.

Битеты Павелæн йæ цыбыр царды бирæ бантыст саразын ирон аивадæн, бирæ ирон адæмон зарджытыл бакуыста, фыста музыкæ, йæ цард сныводн кодта аивадæн.

57
Темӕтӕ:
Радио иронау (67)
Джиоты Мурæт

Джиоты Мурæт: нæ хæдзарвæндагæй фараст адæймаджы баисты геноциды амæттаг

47
(ранӕуӕггонд 11:57 25.05.2020)
Фæсконфликтон уавæр æрнывыл кæныны фæдыл РХИ президенты æххæстбарджын минæвар Джиоты Мурæт радио Sputnik-ы эфиры радзырдта, йæ бинонтæй геноциды аммæтаг чи бацис, уыдон тыххæй
Джиоты Мурæт: нæ хадзарвæндагæй геноциды ахæсты фесты фараст удгоймагæй

Ацы аз ирон адæмы геноцидыл сæдæ азы сæххæсты фæдыл расидтæуыд мысæн азæй. Алы ирон бинонты æхсæн дæр ис сæрмагонд истори, кæцы у баст геноцидимæ. Фæсконфилктон уавæр æрнывыл кæныны фæдыл РХИ президенты æххæстбарджын минæвар, историк Джиоты Мурæт дæр радзырдта йæ бинонты истори. Сæ хæдзарвæндаджы хистæр хуынд Куыдзау, уый цæуын нал фæрæзта фæсхохмæ лигъдæттимæ.

"Санахъоты Мате дæс æмæ æссæдз лæппуимæ фæстаг хæст самадта гуырдзыйæгтæн Уæллаг Ручъы цур. Уыцы лæппутæй сæ иу уыд нæ дыккаг хæдзар Джиоты Дзамбол. Уыдон лигъдæтты ныййæфтой фæсхохыл æмæ куы федта, йæ хæстæг зæронд лæджы, уæд æй сæккой кодта æмæ йæ афтæ фæхаста Салогæрдæнмæ", - радзырдта Джоты Мурæт.

Историкы ныхæстæм гæсгæ, йæ хæстæджытæ баззадысты Салогæрдны æмæ æнæхъæн бинонтæй цардысты кæйдæр мæнгагъуысты.

"Уыцы ран сывæллæттыл низ сыстад æмæ дзы астæй фæмард сты. Уыдон нымæцы уыд, мæ фыды мад хъуарибастæй цы сывæллоны фæхаста уый дæр", - банысан кодта Мурæт Кузьмайы фырт.

Уырдыгæй бинонтæ араст сты Чырыстон хъæумæ, ныртæккæ горæт Дигорамæ, уым дæр фараст мæйы фæцардысты кæйдæр къуымты. Советон хицауад куы æрлæууыд Хуссар Ирыстоны, уæд ма дзы чи баззад уыцы бинотæй, уыдон фæстæмæ æрыздæхтысты сæ уæзæгмæ.

Бæстондæрæй историмæ хъусут нæ аудиоæрмæджы.

47
Темӕтӕ:
Радио иронау (67)
Дзабиты Зарбег

Ирон адæмы геноциды кой кæнджыты бабын кодтой репресситы Дзабиты Зарбег

31
(ранӕуӕггонд 14:46 13.05.2020)
Филологон зонæдты кандитат Дзабиты Зарбег радио Sputnik Хуссар Ирыстоны эфиры радзырдта ирон адæмы геноциды тыххæй
Геноцидыл йæ рæстæгыл хъуыд дзурын – Дзабиты Зарбег

Хуссар Ирыстоны президенты барамындмæ гæсгæ 2020 аз нымад цæуы ирон адæмы геноцидыл сæдæ азы сæххæсты фæдыл мысæн азæй. Бирæ трагикон цаутæ æрцыд уыцы рæстæджы. Дзабиты Зарбеджы ныхæстæм гæсгæ, уыцы рæстæджы чидæриддæр сдзырдта геноциды тыххæй, уыдон бабын кодтой репресситы.

"Джиоты Гавруш нын радзырдта, Тыбылты Алыксандры куыд æрцахстой - мæ ныхмæ цард, зæгъгæ, уыд рынчын лæг æмæ йæ куы æрцахстой, уæд æй тынг фæнадтой, йæ къæхтыл ын ныххæцыдысты, баластой йæ мидæмæ æмæ йæ ахæстоны баппæрстой", - загъта Зарбег.

Зарбег куыд загъта, афтæмæй Алыксандр геноцидыл кæй сдзырдта, уымæн æй бафхæрдтой.

"Ацы фæнд рагæй уыд гуырдзиæгтæм, цæмæй ирон адæм скуыннæг кæной, суанг цыппæрæм æнусæй фæстæмæ", - банысан кодта ахуыргонд.

Дзабиты Зарбег банысан кодта, ацы цаутыл рагæй фæстæмæ дæр кæй хъуыд дзурын, фыссын, цæмæй сæ адæм зыдтаиккой.

31
Темӕтӕ:
Радио иронау (67)
Хуссар Иры Къуаисайӕ бӕрзонд хӕххон хъӕумӕ аразынц фӕндаг

Хуссар Иры Къуаисайӕ бӕрзонд хӕххон хъӕумӕ аразынц фӕндаг

0
(ранӕуӕггонд 14:15 28.05.2020)
Къуайса ӕмӕ Ӕхсӕрджыны хъӕу иугӕнӕг фӕндаг цыппар азы дӕргъы цалцӕг не рцыд, уымӕ гӕсгӕ йыл ранӕй-рӕтты ахизӕн нал уыд хӕдтулгӕтыл.

ЦХИНВАЛ, 28 май - Sputnik, Плиты Фатимӕ. Хуссар Ирыстоны цалцӕг кӕнынц бӕрзонд хӕххон хъӕумӕ фӕндаг. Ӕртӕ километры хӕрзарӕзт фӕндаг сбӕтдзӕн горӕт Къуайса ӕмӕ Ӕхсӕрджыны хъӕу, фехъусын кодта Sputnik Дзауы районы администрацийы пресс-секретарь Тедеты Лиана.

"Цалцӕггӕнӕн куыстытӕ уадзы горӕт Къуайсайы ЦКХ. Донцӕуӕнты ӕвӕрд цӕуынц трубӕтӕ, фӕндаджы уӕлцъар ӕмбӕрзынц бынӕттон хуырӕй. Фӕнагарӕзтадон куыстытӕ балхынцъ уыдзысты ӕввахс бонты", - загътой пресс-службӕйы.
В Южной Осетии проводят ремонт дороги к высокогорному селу
Пресс-служба Дзауского района
Хуссар Иры Къуаисайӕ бӕрзонд хӕххон хъӕумӕ аразынц фӕндаг

Къуайса ӕмӕ Ӕхсӕрджыны хъӕу иугӕнӕг фӕндаг цыппар азы дӕргъы цалцӕг не рцыд, уымӕ гӕсгӕ йыл ранӕй-рӕтты ахизӕн нал уыд хӕдтулгӕтыл.

0