Джиоты Мурæт

Джиоты Мурæт: нæ хæдзарвæндагæй фараст адæймаджы баисты геноциды амæттаг

169
(ранӕуӕггонд 11:57 25.05.2020)
Фæсконфликтон уавæр æрнывыл кæныны фæдыл РХИ президенты æххæстбарджын минæвар Джиоты Мурæт радио Sputnik-ы эфиры радзырдта, йæ бинонтæй геноциды аммæтаг чи бацис, уыдон тыххæй
Джиоты Мурæт: нæ хадзарвæндагæй геноциды ахæсты фесты фараст удгоймагæй

Ацы аз ирон адæмы геноцидыл сæдæ азы сæххæсты фæдыл расидтæуыд мысæн азæй. Алы ирон бинонты æхсæн дæр ис сæрмагонд истори, кæцы у баст геноцидимæ. Фæсконфилктон уавæр æрнывыл кæныны фæдыл РХИ президенты æххæстбарджын минæвар, историк Джиоты Мурæт дæр радзырдта йæ бинонты истори. Сæ хæдзарвæндаджы хистæр хуынд Куыдзау, уый цæуын нал фæрæзта фæсхохмæ лигъдæттимæ.

"Санахъоты Мате дæс æмæ æссæдз лæппуимæ фæстаг хæст самадта гуырдзыйæгтæн Уæллаг Ручъы цур. Уыцы лæппутæй сæ иу уыд нæ дыккаг хæдзар Джиоты Дзамбол. Уыдон лигъдæтты ныййæфтой фæсхохыл æмæ куы федта, йæ хæстæг зæронд лæджы, уæд æй сæккой кодта æмæ йæ афтæ фæхаста Салогæрдæнмæ", - радзырдта Джоты Мурæт.

Историкы ныхæстæм гæсгæ, йæ хæстæджытæ баззадысты Салогæрдны æмæ æнæхъæн бинонтæй цардысты кæйдæр мæнгагъуысты.

"Уыцы ран сывæллæттыл низ сыстад æмæ дзы астæй фæмард сты. Уыдон нымæцы уыд, мæ фыды мад хъуарибастæй цы сывæллоны фæхаста уый дæр", - банысан кодта Мурæт Кузьмайы фырт.

Уырдыгæй бинонтæ араст сты Чырыстон хъæумæ, ныртæккæ горæт Дигорамæ, уым дæр фараст мæйы фæцардысты кæйдæр къуымты. Советон хицауад куы æрлæууыд Хуссар Ирыстоны, уæд ма дзы чи баззад уыцы бинотæй, уыдон фæстæмæ æрыздæхтысты сæ уæзæгмæ.

Бæстондæрæй историмæ хъусут нæ аудиоæрмæджы.

169
Темӕтӕ:
Радио иронау (98)
Тыбылты Инга

Тыбылты Инга: архайæм, цæмæй ирон филологийы факультет суа популярондæр

4
(ранӕуӕггонд 14:03 23.09.2020)
Ирон филологийы факультеты декан Тыбылты Инга радио Sputnik Хуссар Ирыстоны эфиры радзырдта ирон филологийы факультеты куысты тыххæй
Тыбылты Инга: архайæм цæмæй ирон филологийы факультет суа приоритетон

Паддзахадон универститеты иууыл популярондæр факульететтæ, куыд æрвылаз, афтæ ацы аз дæр сты юридикон æмæ экономикон факультеттæ. Ирон филологийы декан Тыбылты Инга куыд загъта, уымæ гæсгæ уый баст у дарддæры перспективæтимæ.

"Ахæм дуг æрлæууыд, æмæ професи æвзарыны рæстæджы хъуыды кæнынц æхцайы фæрæзтæ фылдæр кæм ис, уый равзарой", - загъта Инга.

Ингайы ныхæстæм гæсгæ, ирон филологийы деканаты кусджытæ архайынц, цæмæй факультет суа приоритетон.

"Æрмæст Плиты Гацыр кæуылты ахуыргæнæг у, фольклор иттæг хорз зоны, æмæ йæм студенттæ цымыдисæй фæхъусынц. Афтæ ма Битарты Зоя, Дзиццойты Юрий, иууылдæр сты ирон æвзаджы дæснытæ", - банысан кодта декан.

Тыбылты Инга куыд бафиппайдта, уымæ гæсгæ ирон филологийы факультеты рауагъдонтæн сæ бон у кусын цалдæр здæхты.

Лæмбынæгдæр хъусут аудиоæрмæджы.

4
Темӕтӕ:
Радио иронау (98)
Тыбылты Инга

Актеры дæсныйады ахсджиаг у литературæ зонын Тыбылты Инга

20
(ранӕуӕггонд 16:08 17.09.2020)
Ирон филологийы факультеты декан Тыбылты Инга радио Sputnik Хуссар Ирыстоны эфиры радзырдта актеры дæсныйады факультеты куысты тыххæй
Актеры дæсныйады ахсджиаг у литературæ зонын – Тыбылты Инга

Ацы аз паддзахадон университеты фæзынд актеры дæсныйады факультет, кæцы уæвынад кæны ирон филологийы деканаты фæлгæтты. Тыбылты Ингайы хъуыдымæ гæсгæ, ахæм факультет æнæмæнг хъуыд бакæнын, цæмæй нæ театры фæзына æвзонг актертæ.

"Театры цы актертæ ис, уыдон хъуамæ сæ фæстæ искæй ныууадзой, уый тыххæй дзы хъæуы æвзонг актертæ", - загъта Инга.

Деканы ныхæстæм гæсгæ, ацы факультеты студенттæ бонæн йæ фыццаг хайы ахуыр кæнынц университеты, сихорæй фæстæмæ та театры.

"Иууылдæр сты æвзыгъд фæсивæд, фæлæ сын æз фæзæгъын актер литературæ бирæ кæй хъуамæ кæса, цæмæй йæ цардахаст уæрæхдæр уа", - банысан кодта Инга.

Тыбылты Инга загъта, професимæ æнæкæсгæйæ, алы адæймаг дæр кæй хъуамæ кæса литературæ, уый æндавы зылдахастыл.

Лæмбынæгдæр хъусут аудиоæрмæджы.

20
Темӕтӕ:
Радио иронау (98)
Фӕсарӕйнаг хӕдтулгӕ сӕмбӕлд фӕндаггӕрон цӕджындзыл Цхинвалы

Фӕсарӕйнаг хӕдтулгӕ сӕмбӕлд фӕндаггӕрон цӕджындзыл Цхинвалы

0
(ранӕуӕггонд 16:09 23.09.2020)
Авари ӕрцыд ӕртыццӕджы сихорафон Дзау-Цхинвал фӕндагыл. Развӕлгъау бӕрӕггӕнӕнтӕм гӕсгӕ, машинӕйы шофыр уӕззау цӕфтӕ нӕ фӕцис

ЦХИНВАЛ, 23 сен — Sputnik, Хъуылымбегты Азӕмӕт. Хуссар Ирыстоны столицӕйы цӕгаттаг фарс ӕртыццӕджы ӕрцыд фӕндагон-транспортон цау - рог хӕдтулгӕ "Volkswagen Jetta-йы шофыр сӕмбӕлд фӕндагон нысаны цӕджындзыл ӕртагкӕнӕн станцмӕ базилӕны. Мидхъуыддӕгты министрады пресс-службӕйы кусӕг Джиоты Алик куыд фехъусын кодта, афтӕмӕй автоинспекцийы кусджытӕ бӕрӕг кӕнынц цауы ӕууӕлтӕ.

"Развӕлгъау бӕрӕггӕнӕнтӕм гӕсгӕ, аварийы фӕстиуӕгӕн зианбаййафджытӕ нӕй, - загъта уый.

Хӕдтулгӕ, бафтыдта пресс-службӕйы кусӕг, дзӕвгар ныппырхытӕ ис, уый сэвакуаци кодтой цауы бынатӕй.

0