Коста Джиоты

Джиоты Къоста: ис нæ ныфс, фыццаг мадзал Порталы кæй ауадздзыстæм сæрды кæрон

89
(ранӕуӕггонд 15:39 13.07.2020)
Аивадон тыгъдад Порталы къухдариуæггæнæг Джиоты Къоста радио Sputnik Хуссар Ирыстоны эфиры радзырдта цы проблемæтæ ис Порталы, уый тыххæй
Джиоты Къоста: ис нæ ныфс, фыццаг мадзал Порталы кæй ауадздзыстæм сæрды кæрон

Цалдæр азы размæ Хуссар Ирыстоны фæсивæды къорд сфæнд кодтой саразын аивадон тыгъад - Портал, цæмæй æвзонг адæмæн уа фадат æрæмбырд кæнын æмæ сæ аивадон дæсныйад равдисын. Ацы аз карантины тыххæй арæзтадон куыстытæ фæфæстиад сты, фæлæ ныр æвзонг адæм бæстондæрæй æрæвнæлдтой цалцæггæнæн куыстытæм. Джиоты Къоста куыд радзырдта, уымæ гæсгæ сæ зæрды ис тагъд рæстæджы ауадзын фыццаг мадзал.

"Нæ фыццаг мадзалы сараздзыстæм нæ горæты нывты равдыст æмæ йæ историимæ базонгæ кæндзыстæм æрбацæуджыты", - банысан кодта Къоста.

Къоста бахахх кодта, зæгъгæ, æрæджы арæзтадон куыстытæ куы цыдысты, уæд сыл культурæйы министрадмæ бахъаст кодта нæ горæты цæрджытæй сæ иу. Уый катай кодта, зæгъгæ, бæстыхайæн йæ æддагбакаст хæлд æрцыд.

"Уыцы бæстыхай куы равзæрстам, уæд йе 'ддаг фарс уыд сæрст, фæлæ кæй згъæлд, уый тæххæй йæ ракалдтам, æмæ йæ быны разынд зæронд агуыри дурæй амад. Тынг фæцыд нæ зæрдæмæ, фæлæ йæм куы æркастыстæм, уæд рабæрæг, тынг кæй згъæлы, уый", - бафиппайдта Къоста.

Порталы къухдариуæггæнæг ма куыд банысан кодта, уымæ гæсгæ, реставрацийæн хъæуы стыр фæрæзтæ, æмæ уый тыххæй бæстыхайæн йæ æддагфарс фæстæмæ байсæрстой.

Лæмбынæгдæр байхъусут нæ аудио æрмæджы.

89
Темӕтӕ:
Радио иронау (100)
Джиоты Феликс

Джиоты Феликс: мыды армукъа ацыд æнтысджынæй

5
(ранӕуӕггонд 15:48 24.09.2020)
Мыдыбындзыты ассоциацийы къухдариуæггæнæг Джиоты Феликс радио Sputnik Хуссар Ирыстоны радзырдта мыды армукъа куыд ацыд, ууыл

Джиоты Феликс: мыды армукъа ацыд æнтысджынæй
Хæууон хадзарадон продукттæ кæд æрласынц нæ республикæмæ æддæйæ, уæд мыд у мидæггагон продукт, афтæ зæгъы Джиоты Феликс.

"Æртæ бон 18, 19, 20 сентябры ацыд мыды армукъа æнтысджынæй, кæд дзы æлхæнджытæ фылдæр уыд, уæддæр", - загъта Феликс.

Феликсы ныхæстæм гæсгæ, нæ республикæйы цы мыд ис уый у æрмæст нæхи фаг, æмæ дзы уæлдай цъус баззайы. Джиоты Феликсы хъуыдымæ гæсгæ, фадат кæмæн ис, уыдон чыргъæдтæ куы сывæриккой сæ кæрты, уæд мыддарды хъуыдтаг размæ ацæуид.

5
Темӕтӕ:
Радио иронау (100)

Тыбылты Инга: ирон филологи у вазыгджын факультет

25
(ранӕуӕггонд 11:07 24.09.2020)
ХИПУ ирон филологийы декан Тыбылты Инга радио Sputnik Хуссар Ирыстоны эфиры радзырдта ирон филологийы факультеты тыххæй

Ирон филологийы факультеты кæд æрвыл аз дæр бирæ студенттæ нæ ахуыр кæны, уæддæр чи æрбацæуы, уыдон сæрмагондæй равзарынц ацы дæсниад. Тыбылты Инга куыд загъта, уымæ гæсгæ ирон филологи у вазыгджын, фæлæ цымыдисон факультет.

25
Темӕтӕ:
Радио иронау (100)
Теннис

Хуссарирыстойнаг теннисисттæ хайад исынц Уæрæсейы чемпионаты сахъатты хсæн

2
(ранӕуӕггонд 15:10 28.09.2020)
Арæнæвæрд уавæртимæ спортсменты хсæн уæлыстол теннисæй ерыстæ уагъд цæуынц 25-æй 30-æм сентябрьмæ Чебоксарты

ЦХИНВАЛ, 28 сен - Sputnik. Хуссар Ирыстоны минæвæрттæ хайад исынц Уæрæсейы чемпионаты уæлыстол столы теннисæй, кæцы уагъд цæуы арæнæвæрд уавæртимæ спорсменты хсæн. Ерыстæ райдыдтой Чебоксарты 25 сентябры æмæ адарддæр уыдзысты 30 сентябры онг, хъусын кæны РХИ фæсивæдон политикæ æмæ спорты комитеты пресс-службæ.

Хуссар Иры уæлыстол теннисы федерацийы сæргълæууæг Джиоты Мириан куыд радзырдта, афтæмæй ерысты хайад исынц Куыдзеты Игорь æмæ Козаты Олег.

"Куыдзеты Игорь у фæлтæрдджын спортсмен æмæ хауы йæ классы уæрæсейы 15 хуыздæр теннисистты номхыгъды. Козаты Олег та фыццаг хатт архайы Уæрæсейы чемпионаты. Уый у ерысты иууыл æвзонгдæр спортсмен, цæуы йыл æрмæстдæр 14 азы", - загъта тренер.

Уый бафтыдта, зæгъгæ, йæ кармæ æнæкæсгæйæ, Козаты лæппу хъазы Уæрæсейы хуыздæр теннисисты æмрæнхъ. Олег, йæ къухдариуæггæнæджы ныхæстæм гæсгæ, тынг фæцыд Уæрæсейы æмбырдгонды эксперттæ æмæ тренерты зæрдæмæ.

2