Бала Бестауты

Бестауты Бала: улæфæн бынæттæ сыгъдæгæй дарын у стыр проблемæ республикæйы

90
(ранӕуӕггонд 13:50 14.07.2020)
Республикæйы экологи æмæ æрдзæй пайдакæнынады комитеты сæрдар Бестауты Бала радио Sputnik Хуссар Ирыстоны эфиры радзырдта улæфты сезон æмæ экологийы тыххæй
Бестауты Бала: улæфты бынæттæ сыгъдæгæй дарын у стыр проблемæ нæ республикæйы

Сæрды алы адæймаджы дæр фæнды, цæмæй доны был йæ фæллад æсуадза. Бестауты Балайæн Хъевселты хъæуы ис улæфæн лагерь, æмæ æрвылаз дæр уым арвитынц сæ рæстæг æрмæст республикæйы цæрджытæ нæ, фæлæ ма фæсарæйнаг туристтæ дæр. Ацы аз Балайы ныхæстæм гæстгæ туристтимæ ис проблемæ. Фæлæ ацы аз карантины тыххæй, хъыгагæн, республикæмæ не  'рыфтыдысты фæсарæйнаг туристтæ.

"Карантин алкæуыл дæр æвзæр бандæвта. Фылдæр хатт мæм бахатынц, цæмæй уырдæм ацæуой цæл кæнынмæ, фæлæ уый тыххæй Хъевселтмæ нæ хъæуы цæуын. Мæн фæнды, цæмæй чи æрцæуа, уыдонæн равдисон уыцы комы рæсугъдзинад", - банысан кодта Бала.

Бестауты Бала ма куыд загъта, уымæ гæсгæ, улæфæн бынат у цæттæ туристты райсынмæ, фæлæ нæма ничи сфæнд кодта уырдæм.

"Уыцы комы ис бирæ рæсугъд бынæттæ, кæдæм акæнын туристты, уыдон хыгъды: Кеды ком, Морæхы дзуар, Леты комы æхсæрдзæнтæ. Тынг хорз æмæ рæсугъд бынæттæ ис", - загъта Бестауты фырт.

Экологи æмæ æрдзæй пайдакæнынады комитеты сæрдар йæ катай равдыста, улæфты сезоны рæстæджы цæрджытæ кæй ныууадзынц бирæ бырон сæ фæстæ. Йæ ныхæстæм гæсгæ, йæ райгуырæн бæстæ чи уарзы, уый хъуамæ тырна йæ сыгъдæгдзинадмæ.

Лæмбынæгдæр ныхасмæ байхъусут нæ аудиоæрмæджы.

90
Темӕтӕ:
Радио иронау (95)
Дзиццойты Юрий

Дзиццойты Юрий: Ирон тырыса райгуырд хуссары, уый фæстæ ссис æппæтирон

2
(ранӕуӕггонд 16:45 18.09.2020)
Филологон зонæдты кандидат Дзиццойты Юрий радио Sputnik Хуссар Ирыстоны паддзахадон тырысайы фæзынды тыххæй
Дзиццойты Юрий: Ирон тырыса райгуырд хуссары, уый фæстæ ссис æппæтирон

Æрвылаз 19 сентябры нæ республикæ нысан кæны паддзахадон тырысайы бон. Дзиццойты Юрийы куыд радзырдта, уымæ гæсгæ паддзахадон тырыса фæзынд фыццаг Хуссар Ирыстоны 1989 азы, фæлæ уый фæстæ ссис æппæтирон.

"Мах ног дугæн дзуапп чи хъуамæ радтаид, ахæм тырысайыл куы райдыдтам кусын, уæд историмæ аздæхтам нæ хъусдард. Индоевропæйаг адæмтæн сæ фылдæр хаймæ ис хуызты символикæ", - загъта Дзиццойты Юрий.

Юрийы ныхæстæм гæсгæ, индоевропайаг адæмтæн сæ фылдæр хайæн урс хуыз амоны – зонды куыст чи кодта уый, сырх та, йæ хъаруйæ чи куыста, уыдон хуыз.

"Мах, куыд индоевропæйаг адæмæн йæ иу къабаз, афтæ уыцы символикæ йæ фæд ныууагъта нæ историйы. Тырысайы хуыз æвзаргæйæ дискусситæ цыд æрмæстдæр æртыккаг хуыз æвзарыны рæстæджы, æмæ бур хуызыл аскъуыддзаг", - банысан кодта Юрий.

Дзиццойты Юрий бафиппайдта, хуызон сиволикæ нарты кадджыты дæр кæй ныууагъта йæ фæд, зæгъæм, Алæгатæн сæ хæдзар уыд урс, Æхсæртæггатæн та сæ дарæсы уыд сырх хуыз, æртыккаг социалон стратæ сты Борæтæ, уыдон ма фæхонынц Буртæ дæр. Ацы æртæ символикон нысаниуæджы ссисты вазыгджын аргумент тырысайы хуызтæ æвзарыны рæстæджы.

2
Темӕтӕ:
Радио иронау (95)

Ирон музыкалон инструменттæ сæндидзын кæнын: фæсивæды минæвæртты хъуыды

7
(ранӕуӕггонд 10:14 18.09.2020)
Музыканттæ Гаглойты Алан æмæ Кокойты Аннæ радио Sputnik Хуссар Ирыстоны эфиры ирон музыкалон инструментты сæндидзыныл

Цхинвалы фæсивæды æхсæн фæзынд музакантты къорд, кæцытæ архайынц цæгъдын ирон музыкалон инструменттыл. Сæ хъуыдымæ гæсгæ, сæ зæрдыл ис адарддæр кæнын уыцы традици, цæмæй рæзгæ фæлтæр зона цæгъдын.

"Бынтон æрæджы фæзынд нæ къорд, ном дæр йын нæма нæ æрымысыдыстæм, фæлæ уымæ æнæкæсгæйæ æнувыдæй архайæм", - зæгъынц æвзонг музыканттæ.

7
Темӕтӕ:
Радио иронау (95)