Заурбек Токати

Токаты Зауырбег: ирон адæмы геноцидæн Цæгат Ирыстоны нæй æмбæлон аргъ

140
(ранӕуӕггонд 12:07 21.07.2020)
Цæгат Ирыстоны Тæбæхсауты Болойы номыл паддзахадон академион театры актер Токаты Зауырбег радио Sputnik Хуссар Ирыстоны дзуры геноциды тыххæй
Токаты Зауырбег: ирон адæмы геноцидæн Цæгат Ирыстоны нæй æмбæлон аргъ

Сæдæ азы сӕххӕст ис ирон адӕмы геноцидыл ацы аз. Геноциды амӕттӕгты мысӕнӕн ацы аз бирæ мадзæлттæ цæуы. Æрæджы интернеты фæлгæтты апарах ис видеоæрмæг, цы ран Цæгат Ирыстоны Тæбæхсауты Балойы номыл театры актер Токаты Зауырбег бадзырд арвыста Цæгат Ирыстоны-Аланийы къухдариуæгадмæ, цæмæй æмбæлон аргъ скæной ирон адæмы геноцидæн.

"Мæхæдæгæй хæрз æрæджы базыдтон, ирон адæмы хуссар фарсыл цы стыр зиан æрцыди 1920 азты, уый", - загъта Зауырбег.

Токаты Зауырбег сагъæс кæны, ацы геноцидæн кæй нæй æмбæлон аргъ Цæгат Ирыстоны.

"Дзæуджыхъæумæ куы бакæсай, уæд дзы бердзены геноцидæн ис цыртдзæвæн, æмæ мæм уый диссаг фæкаст. Уый фæдыл мæхицæн загътон, зæгъгæ арвитдзынæн бадзард нæ хицауадмæ, цæмæй ирон адæмы геноцидыл цыртдзæвæн арæзт æрцæуа", - банысан кодта Токаты Зауырбег.

Актер ма бакатай кодта, ацы аз геноциды мысæн азы иу паддзахадон мадзал дæр кæй нæ æрцыд арæзт Цæгат Ирыстоны.

140
Темӕтӕ:
Радио иронау (100)
Джиоты Феликс

Джиоты Феликс: мыды армукъа ацыд æнтысджынæй

5
(ранӕуӕггонд 15:48 24.09.2020)
Мыдыбындзыты ассоциацийы къухдариуæггæнæг Джиоты Феликс радио Sputnik Хуссар Ирыстоны радзырдта мыды армукъа куыд ацыд, ууыл

Джиоты Феликс: мыды армукъа ацыд æнтысджынæй
Хæууон хадзарадон продукттæ кæд æрласынц нæ республикæмæ æддæйæ, уæд мыд у мидæггагон продукт, афтæ зæгъы Джиоты Феликс.

"Æртæ бон 18, 19, 20 сентябры ацыд мыды армукъа æнтысджынæй, кæд дзы æлхæнджытæ фылдæр уыд, уæддæр", - загъта Феликс.

Феликсы ныхæстæм гæсгæ, нæ республикæйы цы мыд ис уый у æрмæст нæхи фаг, æмæ дзы уæлдай цъус баззайы. Джиоты Феликсы хъуыдымæ гæсгæ, фадат кæмæн ис, уыдон чыргъæдтæ куы сывæриккой сæ кæрты, уæд мыддарды хъуыдтаг размæ ацæуид.

5
Темӕтӕ:
Радио иронау (100)

Тыбылты Инга: ирон филологи у вазыгджын факультет

25
(ранӕуӕггонд 11:07 24.09.2020)
ХИПУ ирон филологийы декан Тыбылты Инга радио Sputnik Хуссар Ирыстоны эфиры радзырдта ирон филологийы факультеты тыххæй

Ирон филологийы факультеты кæд æрвыл аз дæр бирæ студенттæ нæ ахуыр кæны, уæддæр чи æрбацæуы, уыдон сæрмагондæй равзарынц ацы дæсниад. Тыбылты Инга куыд загъта, уымæ гæсгæ ирон филологи у вазыгджын, фæлæ цымыдисон факультет.

25
Темӕтӕ:
Радио иронау (100)
Теннис

Хуссарирыстойнаг теннисисттæ хайад исынц Уæрæсейы чемпионаты сахъатты хсæн

2
(ранӕуӕггонд 15:10 28.09.2020)
Арæнæвæрд уавæртимæ спортсменты хсæн уæлыстол теннисæй ерыстæ уагъд цæуынц 25-æй 30-æм сентябрьмæ Чебоксарты

ЦХИНВАЛ, 28 сен - Sputnik. Хуссар Ирыстоны минæвæрттæ хайад исынц Уæрæсейы чемпионаты уæлыстол столы теннисæй, кæцы уагъд цæуы арæнæвæрд уавæртимæ спорсменты хсæн. Ерыстæ райдыдтой Чебоксарты 25 сентябры æмæ адарддæр уыдзысты 30 сентябры онг, хъусын кæны РХИ фæсивæдон политикæ æмæ спорты комитеты пресс-службæ.

Хуссар Иры уæлыстол теннисы федерацийы сæргълæууæг Джиоты Мириан куыд радзырдта, афтæмæй ерысты хайад исынц Куыдзеты Игорь æмæ Козаты Олег.

"Куыдзеты Игорь у фæлтæрдджын спортсмен æмæ хауы йæ классы уæрæсейы 15 хуыздæр теннисистты номхыгъды. Козаты Олег та фыццаг хатт архайы Уæрæсейы чемпионаты. Уый у ерысты иууыл æвзонгдæр спортсмен, цæуы йыл æрмæстдæр 14 азы", - загъта тренер.

Уый бафтыдта, зæгъгæ, йæ кармæ æнæкæсгæйæ, Козаты лæппу хъазы Уæрæсейы хуыздæр теннисисты æмрæнхъ. Олег, йæ къухдариуæггæнæджы ныхæстæм гæсгæ, тынг фæцыд Уæрæсейы æмбырдгонды эксперттæ æмæ тренерты зæрдæмæ.

2