Мамытаты Геннадий

Мамытаты Геннадий: мæ алæвæрдтæ иууылдæр сты Ирыстоныл

67
(ранӕуӕггонд 13:48 22.07.2020)
"Аивадон балц"-ы автор Мамытаты Геннадий радио Sputnik Хуссар Ирыстоны эфиры радзырдта, куыд æмæ цы уавæрты цæттæ кæны йæ алæвæрдтæ
Мамытаты Геннадий: мæ алæвæрдтæ сты Ирыстоныл

Мамытаты Геннадий бирæ рæстæг фæкуыста РХИ паддзахадон телеуынынады операторæй. Фæстаг рæстæджы цæттæ кæны алæвæрдт "Аивадон балц" Ирыстоны кæмтты тыххæй. Геннадийы ныхæстæм гæсгæ, уый тынг уарзы ацы куыст, фæлæ адæмы зæрдæмæ атфæ фæцæуа, уый æнхъæл нæ уыд.

"Æмткæй мæ алæвæрдтæ ныры онг уыдысты 30 бæрц. Кæд æмæ раздæр, цы хъæутыл зилын, уым уыд бирæ фæллойгæнæг адæм, уæд ныр, стыр хъыгагæн, сæ фылдæр фæлыгъдысты", - загъта Геннадий.

Геннадий ма куыд банысан кодта, атфæмæй уыцы хъæуы раздæр чи цард, сæ хæстæджытæ æмæ хиуæттæн ис фадат сæ райгуырæн бæстæ фенын ацы алæвæрды руаджы, уый сын хæссы циндзинад.

"Цалынмæ алæвæрдтæ нæ арæзтон, уæдмæ дæр бирæ уарзтон хъæутыл зилын, мæ бон нæу, къуыри иу хатт куыннæ ацæуон æмæ нæ кæмтты куыннæ азилон, нæ ратæдзæнтæ кæцæй сты, уыдон куы нæ уынон", - бафиппайтта Геннадий.

Алæвæрды автор ма куыд загъта, уымæ гæсгæ, абон цы уавæры сты ирон хъæутæ, уый æвдисы йæ алæвæрды æмæ йæ аразы цæстуарзонæй.

67
Темӕтӕ:
Радио иронау (105)
Деметы Зауыр

Деметы Зауыр: ирон кадджытæ нæм фæхæццæ сты музыкалон инструментты руаджы

13
(ранӕуӕггонд 12:59 21.10.2020)
Ирон музыкалон инструменттæ аразæг Деметы Зауыр радио Sputnik Хуссар Ирыстоны эфиры радзырдта, куыд сахуыр ис фæндыртæ аразын
Деметы Зауыр: ирон кадджытæ нæм фæхæццæ сты музыкалон инструментты руаджы

Ирон националон инструментарий у фолькористикæйы хъæздыг æмæ вазыгджын хай. Деметы Зауыр куыд загъта, уымæ гæсгæ, фæндыры фæрцы ныры онг фæхæццæ сты рагон кадджытæ.

"Хистæр иу кæстæртæн амыдта кадджытæ, кæстæртæ дæр кадджыты хорз миниуджытæ фæзмыдтой æмæ сæ цард кодтой уымæ гæсгæ", - загъта Зауыр.

Зауыры ныхæстæм гæсгæ, æнæмæнг хъæуы рæзгæ фæлтæрæн амонын цæгъдын ирон музыкалон инструменттыл, стæй ма сæ аразын дæр.

Деметы Зауыр сахуыр ис музыкалон инструменттæ аразын Моурауты Сосланы фæрцы.

"Зондджын лæг уыд æмæ ахæм адæймагимæ кæддæриддæр æхсызгон у ныхас кæнын. Уымæ кастæн, куыд сæ аразы, фæлæ никуы хъуыды кодтон æмæ мæхæдæг араздзынæн музыкалон инструменттæ", - банысан кодта лæппу.

Зауыр куыд загъта уымæ гæсгæ, инструменттæ аразын райдыдта, Моурауты Сослан куы фæзиан, уый фæстæ. Мастерæн баззад æрдæгарæзтæй цалдæр инструменты æмæ уый æрæвнæлдта кæронмæ саразын уыцы фæндыртæ.

13
Темӕтӕ:
Радио иронау (105)

Биазырты Алла: Къоста мын тынг зынаргъ у куыд гоймаг æмæ куыд поэт

11
(ранӕуӕггонд 14:43 15.10.2020)
Паддзахадон университеты журналистикæйы факультеты декан Биазырты Алла радзырдта радио Sputnik Хуссар Ирыстоны Къостайы сфæлдыстады тыххæй

Хуссар Ирыстоны цыппæрæмы нысан кæнынц Хетæгкаты Къостайы 161-æм райгуырæн бон. Бæрæгбоны цытæн республикæйы ацыдысты цытджын мадзæлттæ.

Паддзахадон университеты журналистикæйы факультеты декан Биазырты Алла радзырдта радио Sputnik Хуссар Ирыстоны Къостайы сфæлдыстады тыххæй.

Йæ ныхæстæм гæсгæ, уымæн иууыл ахсджиагдæр у Къостайы поэзи.

Журналистикæйы факультеты декан куыд бафиппайдта, уымæ гæсгæ Къостайы цардыл цæст ахæсгæйæ, уый нæ разыны эгоист, фæлæ адæймаг, кæцы тох кодта æргом зæрдæйæ йæ адæмы бартыл.

11
Хуссар Иры МХМ кусджытӕ сгарынц хӕцӕнгарз дарыны уавӕртӕ цӕрджыты хсӕн

Хуссар Иры МХМ кусджытӕ сгарынц хӕцӕнгарз дарыны уавӕртӕ цӕрджыты хсӕн

2
(ранӕуӕггонд 12:31 28.10.2020)
Республикӕйы бирӕ ӕмбӕстӕгтӕм, кӕцытӕ цӕрынц хъӕуты, ис хӕцӕнгӕрзтӕ, цӕмӕй сӕхи бахъахъхъӕной сырдтӕй

ЦХИНВАЛ, 28 окт - Sputnik. Хуссар Ирыстоны барадхъахъхъӕнӕг органтӕ уадзынц мадзӕлттӕ республикӕйы ӕмбӕстӕгты регистрацигонд хӕцӕнгарз дарыны уавӕртӕ басгарыны фӕдыл.

Мидхъуыддӕгты министрады (МХМ) пресс-службӕ куыд хъусын кӕны, афтӕмӕй Знауыры районы мидхъуыддӕгты хайады рейдты фӕстиуджытӕм гӕсгӕ, фехӕлдтӕ не сбӕрӕг кодтой.

"Знауыры районы ис адӕм, кӕцытӕн ис бар дарын хӕцӕнгарз. Хӕцӕнгарз ӕдасӕй дарыны нысанӕн, ӕрдӕг аз иу хатт мах уадзӕм профилактикон басгӕрст. Кӕд искӕмӕн барлӕвӕрды документы ӕмгъуыд фӕвӕййы, уӕд ын йӕ хӕцӕнгарз байсӕм, цалынмӕ ног документ сараза. Барлӕвӕрды ӕмгъуыд у фондз азы", - радзырдта Знауыры районы мидхъуыддӕгты хайады фадыгон Къозонты Зураб.

Знауыры поселочы цӕрӕг Дзӕгъиаты Махарбег банысан кодта, хъӕуты зын кӕй у ӕнӕ хӕцӕнгарзӕй, уымӕн ӕмӕ фӕстаг рӕстӕджы фӕфылдӕр тугдзых сырдты нымӕц цӕрӕг пунктты цур.

МХМ бафтыдтой, зӕгъгӕ, хӕцӕнгарз дарыны уавӕртӕ басгарыны фӕдыл рейдтӕ уагъд цӕуынц иудадзыг. Хӕцӕнгарзы хицаумӕ хъуамӕ ӕнӕмӕнг уа сейф кӕнӕ згъӕрӕй скъапп, ӕмӕ йӕ дӕгъӕлтӕ хъуамӕ уой ӕрмӕстдӕр хӕцӕнгарзы хицаумӕ.

2