Мамытаты Геннадий: бирæ уарзын зилын Ирыстоны кæмттыл

72
(ранӕуӕггонд 13:22 23.07.2020)
"Аивадон балц"-ы автор Мамытаты Геннадий радио Sputnik Хуссар Ирыстоны эфиры радзардта йæ алæвæрды тыххæй

Мамытаты Геннадий цæттæ кæны алæвæрд "Аивадон балц" Ирыстоны кæмтты тыххæй. Геннадийы ныхæстæм гæсгæ, адæмы зæрдæмæ атфæ фæцæуа алæвæрд, уый æнхъæл нæ уыд.

"Цалынмæ алæвæрдтæ нæ арæзтон, уæдмæ дæр бирæ уарзтон хъæутыл зилын, мæ бон нæу, къуыри иу хатт куы нæ ацæуон æмæ нæ кæмтты куыннæ азилон, уæд, куыннæ бабæрæг кæнон, нæ ратадзæнтæ кæцæй сты", - бафиппайтта Геннадий.

Алæвæрды автор ма куыд загъта, уымæ гæсгæ, цы уыны кæмтты æмæ цы уавæры сты ирон хъæутæ, уый æвдисы йæ алæвæрды, æмæ йæ аразы цæстуарзонæй.

72
Темӕтӕ:
Радио иронау (121)
Кокойты Тарзан

Кокойты Тарзан: Дзуццаты Хадзы-Мураты фæзынд ирон поэзийы уыд уникалон

3
(ранӕуӕггонд 16:14 22.01.2021)
Хуссар Ирыстоны раздæры депутат Кокойты Тарзан радио Sputnik Хуссар Ирыстоны эфиры радзырдта Дзуццаты Хадзы-Мураты сфæлдыстады тыххæй
Кокойты Тарзан: Дзуццаты Хадзы-Мураты фæзынд ирон поэзийы уыд уникалон

Ацы аз январы зындгонд ирон поэт, æхсæнадон архайæг, публицист Дзуццаты Хадзы-Муратыл сыххæст уыдаид 86 азы. Кокойты Тарзан куыд загъта, уымæ гæсгæ Хаджийы сфæлдыстад ирон поэзийы æмæ культурæйы уыд уникалон фæзынд.

"Скъола каст куы фæци, уæд йæхи тыхтæй æмæ хъæппæрисæй радта фæлварæнтæ Мæскуыйы Горькийы номыл литературон институтмæ æмæ уый дæр каст фæци сырх дипломыл", - загъта Тарзан.

Кокойты Тарзаны ныхæстæм гæсгæ, Хадзы-Мурат йæ сфæлдыстадæй æнустæм фыст æрцыд ирон поэзийы хæзнадоны, фæлæ иууыл диссагдæр уыд йе 'мбæстагон позици.

"Хаджи хаудта 60-æм азы поэттæм, ахуыр кодта Евгений Евтушенкоимæ æмæ йæхимæ райста уыцы дуджы арф нысаниуджытæ", - банысан кодта Кокойты Тарзан.

Тарзан ма куыд загъта, уымæ гæсгæ Дзуццаты Хадзы-Мурат удыхъæдæй уыд æфсæрмдзæстыг æмæ хуымæтæг адæймаг, фæлæ дзы мидæгæй сыгъд арт.

Лæмбынæгдæр хъусут аудиоæрмæджы.

3
Темӕтӕ:
Радио иронау (121)
Альберт Тогоев

Тогойты Альберт: Портал сырæзт курдиатджын фæсивæды иумæйаг тыхтæй

10
(ранӕуӕггонд 12:11 21.01.2021)
Цæгат Ирыстоны Аивадон порталы къухдариуæггæнæг Тогойты Альберт радио Sputnik Хуссар Ирыстоны радзырдта бæстыхайы арæзтады тыххæй
Тогойты Альберт: Портал сырæзт курдиатджын фæсивæды иумæйаг тыхтæй

Цæгат Ирыстоны цалдæр азы размæ фæзынд аивадон фæз "Портал", цы ран курдиатджын фæсивæд æвдисынц сæ дæсныйад. Кæд æмæ сын цы бæстыхай рахицæн кодтой, уый нæ уыд иууыл хуыздæр уавæры, уæддæр æй иумæйаг тыхтæй æмбæлон уагмæ кæнынц, арæзтадон куыстытæ цæуынц. Тогойты Альберт куыд радзырдта, афтæмæй ныридæгæн сæйраг куыстытæ фесты.

"Алы хатæны дæр ис рудзынг, дуар, хъармдзинад, æмæ дзы ныр дарддæр чи кусдзæн уыцы æрмадзты, уыдон сæ сæхимæ гæсгæ бацаразæт", - загъта Альберт.

Тогойты Альберты ныхæстæм гæсгæ, Потралы арæзтады иууылдæр райстой хайад, кæмæн куыд уыд йæ бон фæкæсын, уымæ гæсгæ.

Æрæджы дзы уагъд æрцыд равдыст "Хиконд", цы ранмæ фæхуыдтой æрмдæсныты. Альберт куыд банысан кодта, афтæмæй уыдонæн уыд фадат, цæмæй сæ дæсныйадимæ базонгæ кæной равдыстмæ æрбацæуджыты.

Тогойты Альбертæн иууыл тынгдæр йæ зæрдæ барухс, "Хиконд"-ы Хуссар Ирыстоны æрмдæснытæ дæр кæй райстой хайад, уый тыххæй.

10
Темӕтӕ:
Радио иронау (121)