Цгъоты Арина

Цгъойты Арина: журналисты куыст у тынг цымыдисон

62
(ранӕуӕггонд 10:52 24.07.2020)
Газет "Хурзæрин"-ы раздæры сæйраг редактор Цгъойты Арина радио Sputnik Хуссар Ирыстоны эфиры журналистикæйы тыххæй
Цгъойты Аринæ: журналисты куыст у тынг цымыдисон

Æрвылаз дæр 23 июлы Хуссар Ирыстоны нысан кæнынц дзыллон информацион фæрæзты бон. Цгъойты Арина куыд радзырдта, уымæ гæсгæ журналистты куыст тынг цымыдисон у. Интернеты дуджы мыхуыры журналисттæн сæ куыст зындæр у.

"Фæзæгъынц, зæгъгæ, нæ цæмæн хъæуы радио, газет æмæ телеуынынад, кæд æмæ ис интернет, æмæ цыфæнды информаци ссардзынæ уым", - загъта Арина.

Цгъойты Арина куыд банысан кодта, уымæ гæсгæ уый йæ хъус дары ДИФ-ы куыстмæ, уæлдай дæр та телеуынынадмæ, æмæ сын сæ куыстæн стыр аргъ кæны.

"Мæ зæрдыл æрбалæууынц 90-æм азтæ, телеуынанды куыстон æмæ мах цы уавæрты æмбырд кодтам хабæрттæ, уый уыд стыр сгуыхтдзинад", - банысан кодта Арина.

Арина ма бахахх кодта, зæгъгæ, журналист алы фадыджы куыст дæр хъуамæ зона иттæг хорз.

Лæмбынæгдæр байхъусут аудиоæрмæджы.

62
Темӕтӕ:
Радио иронау (119)
Кокойты Тарзан

Кокойты Тарзан: 1991 азы трагикон Цыппурс хъуыды кæнын куыд абон, афтæ

11
(ранӕуӕггонд 14:20 02.01.2021)
Мидхъуыдтæгты министры хæдивæг, раздæры депутат Кокойты Тарзан радио Sputnik Хуссар Ирыстоны эфиры радзырдта 1991 азы цауты тыххæй
Кокойты Тарзан: уыцы трагикон Цыппурс хъуыды кæнын куыд абон афтæ

Хуссар Ирыстоны нырыккон историйы ис бирæ трагикон датæтæ, уыдонæй иу у 1991 азы 6 январь. æрцыд, уый. Кокойты Тарзан куыд радзырдта, уымæ гæсгæ уыцы бон хъуыды кæны абоны хуызæн.

"Уыцы æхсæв горæтмæ æрбацыдысты гуырдзиаг æфсæддонтæ. Кæй æрбацæудзысты, уый нæ зыдтой æрмæстдæр ирæттæ", - банысан кодта Тарзан.

Йæ ныхæстæм гæсгæ, горæты цы гуырдзиæгтæ цардысты, уыдон сусæгæй ахъуызыдысты æмæ сæ сыхаг ирон адæмæн нæ загътой, æфсад кæй æрбацæудзæнис, уый тыххæй.

"Райсом адæм æддæмæ хизын байдыдтой сæ хъуыдтæгты фæдыл æмæ федтой, горæты æд автоматтæ æмæ куыйтæ кæй лæууынц гуырдзиаг милиционертæ", - загъта Кокойты Тарзан.

Тарзан куыд банысан кодта, афтæмæй гуырдзиæгтæ бацахстой горæты сæйрагдæр уынгтæ, Театралон фæзуат æмæ райдыдтой сæ æнæгъдау митæ.

Лæмбынæгдæр хъусут аудиоæрмæджы.

11
Темӕтӕ:
Радио иронау (119)
Плиты Александр

Рукъаг "Пушкин": фелсыр Плиты Александр 60 азы хос кæны цæрджытæн

12
(ранӕуӕггонд 14:15 02.01.2021)
Рукъаг дохтыр Плиты Александр радио Sputnik Хуссар Ирыстоны радзырдта, куыд равзæрста фелсыры професси, уый тыххæй
Рукъаг фелсыр Плиты Александр: иунæг лæппу уыдтæн курсы

Хуссар Ирыстоны стæм адæм ис, Ручъы цæрæг фелсыр Плиты Александры чи нæ зоны. Фæсномыгæй ма йæ хонынц Пушкин. Уый 60 азы кусы Урстуалгомы фелсырæй. Александр куыд радзырдта, уымæ гæсгæ уый каст фæци Сталиниры фелсыры факультет.

"Уыцы аз бакодтой Сталиниры фелсыры хайад. Уырдæм мæ куы бакодтой, уæд кæугæ дæр фæкодтон, иууылдæр дзы чызджытæ ахуыр кодта, æз иунæг лæппу уыдтæн", - радзырдта Александр.

Йæ ныхæстæм гæсгæ, уый ахуыры фæстæ арвыстой Дзомагъмæ кусынмæ медицинон пунктгæсæй æмæ дзы фæкуыста 3 азы. Уыцы рæстæджы хъæуы уыд 55 хæдзары.

"Уый фæстæ мæ ракодтой нæхимæ Рукъмæ, уыд дзы рынчындон, фæлæ дзы дохтыр нæ уыд. Ничи куымдта уырдæм уавæрты тыххæй, уымæн æмæ иу дзы зымæг мит 2 метрæй къаддæр нæ уарыд", - банысан кодта фелсыр.

Плиты Александр (Пушкин) радзырдта, цы уавæрты куыста, уый тыххæй. Ныр дæр уыцы комы Александр у иунæг дохтыр æмæ йæ куысты æмгъуыд у 60 азы.

Лæмбынæгдæр хъусут аудиоæрмæджы.

12
Темӕтӕ:
Радио иронау (119)
Дудайты Владимир

ММА-йы тохгӕнӕг Ирыстонӕй ауадздзӕн тох февралы

6
(ранӕуӕггонд 17:05 18.01.2021)
Ирон богалы ныхмӕлӕууӕг уыдзӕн цӕцӕйнаг клуб "Ахмат"-ы минӕвар. Спортсментӕ архайдзысты 70 килограммы уӕзы категорийы

ЦХИНВАЛ, 18 янв – Sputnik, Хъуылымбегты Азӕмӕт. ММА-йы ирыстойнаг тохгӕнӕг Дудайты Владимир ауадздзӕн йе ‘ртыккаг профессионалон тох турниры Кӕсӕг-Балхъары февралы, фехъусын кодта Sputnik йӕхӕдӕг атлет. Дудайты Владимиры ныхӕстӕм гӕсгӕ, тохмӕ цӕттӕкӕнынад цӕуы Хуссар Ирыстоны.

"Тренировкӕтӕ уагъд цӕуынц Хуссар Ирыстоны. Спарринг-партнертимӕ мын проблемӕ нӕй. Стыр бузныг ме мбӕлттӕ ӕмӕ тренертӕн, кӕцытӕ мын ӕххуыс кӕнынц", - загъта Дудайты Владимир.

Ирон богалы ныхмӕлӕууӕг уыдзӕн цӕцӕйнаг клуб "Ахмат"-ы минӕвар. Дудайты Владимиры ныхмӕлӕууӕг ауагъта ӕртӕ профессионалон тохы, ӕмӕ сӕ алкӕцы дӕр рамбылдта.

"Мӕ ныхӕмлӕууӕгмӕ мын ис хорз ахаст. Уый у клуб "Ахмат"-ы минӕвар, ӕмӕ уыдонӕн ис иттӕг хорз уавӕртӕ цӕттӕ кӕнынӕн", - банысан кодта Дудайты Владимир.

Спортсмен бафтыдта, зӕгъгӕ, ӕнхъӕлмӕ кӕсы уӕлахизмӕ ӕмӕ йӕм ис егъау мотиваци, уымӕн ӕмӕ йын ӕрдӕг азы тохтӕ нӕ уыд.

Тох ацӕудзӕн февралы, йӕ организатор у промоутерон компани "Плазма". Спортсментӕ тох кӕндзысты 70 килограммы уӕзы категорийы.

6