Мамиты Григорий

Мамиты Григорий: гуырдзиӕгтӕм хатыдыстӕм, цӕмӕй нын нӕ фыды бавӕрын бауадзой

62
(ранӕуӕггонд 16:41 10.08.2020)
Актер æмæ режиссер Мамиты Георгий радио Sputnik Хуссар Ирыстоны радзырдта йæ бинонтимæ цы фыдывзарæнтæ бавзæрста, уый
Мамиты Григорий: гуырдзийаг сармадзаны нæмгуыртæ къæвдайау уарыдысты 2008 азы

Хуссар Ирыстоны историйы бирæ ис трагикон дататæ, 8 август дæр тугæйдзаг дамгъæтæй фыст æрцæудзæн республикæйы нырыккон историйы. 2008 азы кæд æгас дуне æнхъæлмæ каст олимпиадæйы райдайæнмæ, уæд Цхинвалыл та рауарыд тугæйдзаг къæвда. Бирæ бинонтæ бахаудысты уыцы трагикон цауты азары. Мамиты Григорий куыд радзырдта, афтӕмӕй уый уыцы бон йе 'фсымæримæ уыд хæдæфсæддонтимæ.

"Мæ фыдæн йæ зæрдæ æхсайдта махмæ æмæ æддæмæ рахызт, уыцы рæстæджы хæдзары цур æрхауд сармадзаны нæмыг æмæ йын йæ сæры æрдæг ахаста", - радзырдта Григорий.

Григорийы ныхæстæм гæсгæ, йæ фыды хæдзары раз хаудæй куы федта, уæд æй нæ базыдта, фæлæ æввахс дæр бацæугæйæ, бамбæрста, йæ фыд гуырдзийаг нæмыджы амæттаг кæй фæци.

Уыцы ихуарæн æхсты рæстæджы сæ фыды уæлхъус æрбадыны фадат нæ фæци æмæ лæппутæ алыгъдысты сыхæгтæм. Уырдæм сæм бацыдысты гуырдзийаг æфсæдтонтæ æмæ сæ уацары акодтой.

"Уырдыгæй нæ ракодтой æмæ дзы æз иу æфсæдтонæн загътон, нæ фыд уæлæуыл кæй ис, æмæ уал нæ зæгъын бауадзут, цæмæй йæ бавæрæм. Хæдзары раз цæхæрадоны ракъахтам ингæн æмæ уым баныгæдтам нæ фыды", - дзуры Григорий.

Григорий йæ мысинæгты радзырдта, гуырдзийаг æфсæддонтæ сæм куыд æгъатыр цæстæй кастысты æмæ куыд фервæзтысты сæ уацарæй, уый.

Лæмбынæгдæр байхъусут аудиоæрмæджы.

62
Темӕтӕ:
Радио иронау (119)
Кокойты Тарзан

Кокойты Тарзан: 1991 азы трагикон Цыппурс хъуыды кæнын куыд абон, афтæ

11
(ранӕуӕггонд 14:20 02.01.2021)
Мидхъуыдтæгты министры хæдивæг, раздæры депутат Кокойты Тарзан радио Sputnik Хуссар Ирыстоны эфиры радзырдта 1991 азы цауты тыххæй
Кокойты Тарзан: уыцы трагикон Цыппурс хъуыды кæнын куыд абон афтæ

Хуссар Ирыстоны нырыккон историйы ис бирæ трагикон датæтæ, уыдонæй иу у 1991 азы 6 январь. æрцыд, уый. Кокойты Тарзан куыд радзырдта, уымæ гæсгæ уыцы бон хъуыды кæны абоны хуызæн.

"Уыцы æхсæв горæтмæ æрбацыдысты гуырдзиаг æфсæддонтæ. Кæй æрбацæудзысты, уый нæ зыдтой æрмæстдæр ирæттæ", - банысан кодта Тарзан.

Йæ ныхæстæм гæсгæ, горæты цы гуырдзиæгтæ цардысты, уыдон сусæгæй ахъуызыдысты æмæ сæ сыхаг ирон адæмæн нæ загътой, æфсад кæй æрбацæудзæнис, уый тыххæй.

"Райсом адæм æддæмæ хизын байдыдтой сæ хъуыдтæгты фæдыл æмæ федтой, горæты æд автоматтæ æмæ куыйтæ кæй лæууынц гуырдзиаг милиционертæ", - загъта Кокойты Тарзан.

Тарзан куыд банысан кодта, афтæмæй гуырдзиæгтæ бацахстой горæты сæйрагдæр уынгтæ, Театралон фæзуат æмæ райдыдтой сæ æнæгъдау митæ.

Лæмбынæгдæр хъусут аудиоæрмæджы.

11
Темӕтӕ:
Радио иронау (119)
Плиты Александр

Рукъаг "Пушкин": фелсыр Плиты Александр 60 азы хос кæны цæрджытæн

12
(ранӕуӕггонд 14:15 02.01.2021)
Рукъаг дохтыр Плиты Александр радио Sputnik Хуссар Ирыстоны радзырдта, куыд равзæрста фелсыры професси, уый тыххæй
Рукъаг фелсыр Плиты Александр: иунæг лæппу уыдтæн курсы

Хуссар Ирыстоны стæм адæм ис, Ручъы цæрæг фелсыр Плиты Александры чи нæ зоны. Фæсномыгæй ма йæ хонынц Пушкин. Уый 60 азы кусы Урстуалгомы фелсырæй. Александр куыд радзырдта, уымæ гæсгæ уый каст фæци Сталиниры фелсыры факультет.

"Уыцы аз бакодтой Сталиниры фелсыры хайад. Уырдæм мæ куы бакодтой, уæд кæугæ дæр фæкодтон, иууылдæр дзы чызджытæ ахуыр кодта, æз иунæг лæппу уыдтæн", - радзырдта Александр.

Йæ ныхæстæм гæсгæ, уый ахуыры фæстæ арвыстой Дзомагъмæ кусынмæ медицинон пунктгæсæй æмæ дзы фæкуыста 3 азы. Уыцы рæстæджы хъæуы уыд 55 хæдзары.

"Уый фæстæ мæ ракодтой нæхимæ Рукъмæ, уыд дзы рынчындон, фæлæ дзы дохтыр нæ уыд. Ничи куымдта уырдæм уавæрты тыххæй, уымæн æмæ иу дзы зымæг мит 2 метрæй къаддæр нæ уарыд", - банысан кодта фелсыр.

Плиты Александр (Пушкин) радзырдта, цы уавæрты куыста, уый тыххæй. Ныр дæр уыцы комы Александр у иунæг дохтыр æмæ йæ куысты æмгъуыд у 60 азы.

Лæмбынæгдæр хъусут аудиоæрмæджы.

12
Темӕтӕ:
Радио иронау (119)
Чамоков Азӕмӕт

Бибылты Анатолий снысан кодта Хуссар Иры хицауады аппараты ног сӕргълӕууӕджы

1
(ранӕуӕггонд 11:47 20.01.2021)
Уый размӕ ацы бынаты авд азы дӕргъы куыста Гаглойты Олег, президент ӕй ссӕрибар кодта йӕ бынатӕй ивгъуыд аз декабры

ЦХИНВАЛ, 20 янв – Sputnik, Козаты Диана. Хуссар Ирыстоны хицауады аппараты ног сӕргълӕууӕг ссис Чамоков Азӕмӕт. Уый раивта ацы бынаты Гаглойты Олегы.

Хицауады рабадтыл президент Бибылты Анатолий фехъусын кодта, кӕй бафыста барамынд Чамоков Азӕмӕты снысан кӕныны фӕдыл.

"Чамоков Азӕмӕт бирӕ рӕстӕг кусы ацы фадыджы. Уый у хорз ахуырадимӕ адӕймаг", - загъта президент.

Чамоков Азӕмӕт загъта бузныг паддзахады сӕргълӕууӕгӕн ӕууӕнчы тыххӕй ӕмӕ банысан кодта, алцыдӕр кӕй араздзӕн йӕ хӕслӕвӕрдтӕ эффективонӕй ӕххӕст кӕныны тыххӕй.

Чамоков Азӕмӕт райгуырд 1986 азы Дзӕуджыхъӕуы. Иттӕг хорз нысӕнттимӕ каст фӕцис гимнази "Альбион" Цхинвалы.

2009 азы фӕцис Паддзахадон хӕххон аграрон университеты юриспруденцийы факультут.

2013 азӕй фӕстӕмӕ кусы Хуссар Ирыстоны хицауады аппараты. Уыд хицауады аппараты барадон хайады консультант, уый фӕстӕ та хъусдарды хайады хистӕр.

1