Республиканская библиотека им. Анахарсиса

Скъоладзаутæ зæрдиагæй ахуыр кæнынц Нарты кадджытæ Дыгъуызты Зæринæ

22
(ранӕуӕггонд 15:22 13.08.2020)
Цхинвалы 6-æм астæуккаг скъолайы ирон æвзаг æмæ литературæйы ахуыргæнæг Дыгъуызты Зæринæ радио Sputnik-ы радзырдта Нарты кадджытæ куыд ахуыр кæнынц скъолайы
Скъоладзауты зæрдиагæй ахуыр кæнынц Нарты кадджыты – Дыгъуызты Зæринæ

Цхинвалы 6-æм скъолайы ирон æвзаджы ахуыргæнджытæ ахуырадон программæмæ бахастой Нарты кадджытæ, цæмæй рæзгæ фæлтæр зоной сæ фыдæлты эпос. Ахуыргæнджытæй иу Дыгъуызты Зæринæ куыд радзырдта, уымæ гæсгæ ацы программæйæ архайынц æхсæз азæй фылдæр.

"Факультативы хуызы хаст æрцыд программæмæ, къуыри вæййы иу сахат æмæ йæ цæуынц æрмæстдæр иу аз", - банысан кодта Зæринæ.

Ахуыргæнæджы ныхæстæм гæсгæ, кæд Нарты кадджыты урокмæ цæуын у барвæндонæй, уæддæр ахуырдзаутæ иууылдæр баззайынц, цæмæй байхъусой уыцы цымыдисон таурæгътæм.

"Скъоладзаутæй сæ фылдæр балхæттой чингуытæ, иннæтæ та пайда кæнынц интернетæй æмæ афтæ ахуыр кæнынц Нарты эпос", - загъта чызг.

Зæринæ ма куыд банысан кодта, афтæмæй ахуырдзаутæ цæуынц эпосæн йæ сæйраг хæйттæ, уымæн æмæ программæмæ ис хаст æрмæстдæр къуыри иу урочы.

22
Темӕтӕ:
Радио иронау (100)
Джиоты Феликс

Джиоты Феликс: мыды армукъа ацыд æнтысджынæй

6
(ранӕуӕггонд 15:48 24.09.2020)
Мыдыбындзыты ассоциацийы къухдариуæггæнæг Джиоты Феликс радио Sputnik Хуссар Ирыстоны радзырдта мыды армукъа куыд ацыд, ууыл

Джиоты Феликс: мыды армукъа ацыд æнтысджынæй
Хæууон хадзарадон продукттæ кæд æрласынц нæ республикæмæ æддæйæ, уæд мыд у мидæггагон продукт, афтæ зæгъы Джиоты Феликс.

"Æртæ бон 18, 19, 20 сентябры ацыд мыды армукъа æнтысджынæй, кæд дзы æлхæнджытæ фылдæр уыд, уæддæр", - загъта Феликс.

Феликсы ныхæстæм гæсгæ, нæ республикæйы цы мыд ис уый у æрмæст нæхи фаг, æмæ дзы уæлдай цъус баззайы. Джиоты Феликсы хъуыдымæ гæсгæ, фадат кæмæн ис, уыдон чыргъæдтæ куы сывæриккой сæ кæрты, уæд мыддарды хъуыдтаг размæ ацæуид.

6
Темӕтӕ:
Радио иронау (100)

Тыбылты Инга: ирон филологи у вазыгджын факультет

27
(ранӕуӕггонд 11:07 24.09.2020)
ХИПУ ирон филологийы декан Тыбылты Инга радио Sputnik Хуссар Ирыстоны эфиры радзырдта ирон филологийы факультеты тыххæй

Ирон филологийы факультеты кæд æрвыл аз дæр бирæ студенттæ нæ ахуыр кæны, уæддæр чи æрбацæуы, уыдон сæрмагондæй равзарынц ацы дæсниад. Тыбылты Инга куыд загъта, уымæ гæсгæ ирон филологи у вазыгджын, фæлæ цымыдисон факультет.

27
Темӕтӕ:
Радио иронау (100)
Хъадамантæ

Дзæуджыхъæуы раздæры полицæйаджы азымджын кæнынц наркотиктæ парахат кæныны

0
(ранӕуӕггонд 16:59 30.09.2020)
Дзæуджыхъæуы Мидхъуыддæгты министрады управленийы 2-æм хайады хистæр оперативон кусæг самал кодта 0,24 граммы наркотикон буарадтæ æмæ сæ уыцы бон ауæй кодта бынæттон цæрæгæн

ЦХИНВАЛ, 30 сен — Sputnik. Цæгат Ирыстоны раздæры полицæйаджы ныхмæ рахастой азым наркотикты æнæзаконон зилдухы тыххæй, хъусын кæны регионы Слестгæнæн комитет.

Хъусинагæй куыд бæрæг у, афтæмæй 17 июны оперативон кусæг æбæрæг уавæрты самал кодта 0,24 граммы наркотикон буарадтæ æмæ сæ уыцы бон ауæй кодта бынæттон цæрæгæн.

"Уый фæстæ полицийы 29-аздзыд лейтенанты æрцахстой барадхъахъхъæнджытæ. Уымæн тæрхондон рахаста ахæст æмæ азым наркотикты æнæзаконон зилдухы тыххæй", - дзырдæуы хъусинаджы.

Ныридæгæн уагъд цæуынц слестгæнæн куыстытæ.

0