Бежанты Æхсар

Мæ чиныгмæ хаст æрцыдысты бæлвырд историон факттæ Бежанты Ӕхсар

66
(ранӕуӕггонд 15:13 21.08.2020)
Æвзонг фыссæг Бежанты Æхсар радио Sputnik Хуссар Ирыстоны радзырдта йæ чиныг "Хур арты куы басыгъд"-ы тыххæй
Мæ чиныгмæ хаст æрцыдысты æрмæстдæр бæлвырд историон факттæ – Бежанты

Æрæджы мыхуыры рацыд ирон адæмы геноциды тыххæй фыццаг историон роман "Хур арты куы басыгъд", йæ автор у æвзонг фыссæг Бежанты Æхсар. Йæ интервьюйы Æхсар радзырдта, ацы чиныджы æрмæджытæ кæй тымбыл кодта цалдæр азы æмæ кæй сты бæлвырд историон факттæ.

"Истори чи зоны, уыдон æй бамбардзысты, бæлвырд факттæ кæй æрцыдысты фыст ацы чиныджы, фæлæ æз историк кæй нæ дæн, уый тыххæй йæ ныффыстон романы хуызы", - банысан кодта Æхсар.

Бежанты Æхсар йæ чиныджы фыссы, Гуырдзыстоны националон æфсад цы фыдмитæ фæкодта ирон адæмæн 1920 азы, уый тыххæй. Сбæлвырд кодта сæйраг архайджыты - уыдонæй сæ иу уыд Гаглойты Рутен.

"Уыцы рæстæджы цы политикон къæпхæнтæ уыд, уый алчи не 'мбæрста, фæлæ ирон инеллигенцийы хыгъды уыд ахуыр лæгтæ, зæгъæм Гаглойты Рутен æмæ Санахъоты Мате. Уыдон архайдтой, цæмæй Ирыстонæй аиуварс кодтаиккой уыцы стыр фыдбылыз", - зæгъы уый.

Æвзонг фыссæг куыд банысан кодта, афтæмæй уыцы политикон къæпхæнтæй ирон адæмæн дæр сæ бон не 'ссис аирвæзын.

Лæмбынæгдæр байхъусут аудиоæрмæджы.

66
Темӕтӕ:
Радио иронау (105)
Деметы Зауыр

Деметы Зауыр: ирон кадджытæ нæм фæхæццæ сты музыкалон инструментты руаджы

17
(ранӕуӕггонд 12:59 21.10.2020)
Ирон музыкалон инструменттæ аразæг Деметы Зауыр радио Sputnik Хуссар Ирыстоны эфиры радзырдта, куыд сахуыр ис фæндыртæ аразын
Деметы Зауыр: ирон кадджытæ нæм фæхæццæ сты музыкалон инструментты руаджы

Ирон националон инструментарий у фолькористикæйы хъæздыг æмæ вазыгджын хай. Деметы Зауыр куыд загъта, уымæ гæсгæ, фæндыры фæрцы ныры онг фæхæццæ сты рагон кадджытæ.

"Хистæр иу кæстæртæн амыдта кадджытæ, кæстæртæ дæр кадджыты хорз миниуджытæ фæзмыдтой æмæ сæ цард кодтой уымæ гæсгæ", - загъта Зауыр.

Зауыры ныхæстæм гæсгæ, æнæмæнг хъæуы рæзгæ фæлтæрæн амонын цæгъдын ирон музыкалон инструменттыл, стæй ма сæ аразын дæр.

Деметы Зауыр сахуыр ис музыкалон инструменттæ аразын Моурауты Сосланы фæрцы.

"Зондджын лæг уыд æмæ ахæм адæймагимæ кæддæриддæр æхсызгон у ныхас кæнын. Уымæ кастæн, куыд сæ аразы, фæлæ никуы хъуыды кодтон æмæ мæхæдæг араздзынæн музыкалон инструменттæ", - банысан кодта лæппу.

Зауыр куыд загъта уымæ гæсгæ, инструменттæ аразын райдыдта, Моурауты Сослан куы фæзиан, уый фæстæ. Мастерæн баззад æрдæгарæзтæй цалдæр инструменты æмæ уый æрæвнæлдта кæронмæ саразын уыцы фæндыртæ.

17
Темӕтӕ:
Радио иронау (105)

Биазырты Алла: Къоста мын тынг зынаргъ у куыд гоймаг æмæ куыд поэт

14
(ранӕуӕггонд 14:43 15.10.2020)
Паддзахадон университеты журналистикæйы факультеты декан Биазырты Алла радзырдта радио Sputnik Хуссар Ирыстоны Къостайы сфæлдыстады тыххæй

Хуссар Ирыстоны цыппæрæмы нысан кæнынц Хетæгкаты Къостайы 161-æм райгуырæн бон. Бæрæгбоны цытæн республикæйы ацыдысты цытджын мадзæлттæ.

Паддзахадон университеты журналистикæйы факультеты декан Биазырты Алла радзырдта радио Sputnik Хуссар Ирыстоны Къостайы сфæлдыстады тыххæй.

Йæ ныхæстæм гæсгæ, уымæн иууыл ахсджиагдæр у Къостайы поэзи.

Журналистикæйы факультеты декан куыд бафиппайдта, уымæ гæсгæ Къостайы цардыл цæст ахæсгæйæ, уый нæ разыны эгоист, фæлæ адæймаг, кæцы тох кодта æргом зæрдæйæ йæ адæмы бартыл.

14
Коронавирус

Хуссар Иры сбӕрӕг кодтой коронавирусӕй 27 ног рынчыны

0
(ранӕуӕггонд 14:27 02.12.2020)
Пандемийы рӕстӕджы республикӕйы территорийыл сбӕрӕг кодтой коронавирусӕй 1904 фӕрынчынуӕвӕджы, уыдонӕй 894 сӕнӕниз сты

ЦХИНВАЛ, 27 ноя - Sputnik, Хъуылымбегты Зӕлинӕ. Хуссар Ирыстоны иу суткӕмӕ  сбӕрӕг кодтой 27 рынчыны коронавирусон инфекцийӕ, фехъусын кодта Sputnik Югосетпотребнадзоры сӕргълӕууӕджы хӕдивӕг Гаглойты Анна.

"Ивгъуыд суткӕйы сарӕзтам 155 иртӕсты COVID-19-ы фӕдыл, уыдонӕй 27 радтой ӕвӕрццаг фӕстиуӕг", - загъта Гаглойты Анна.

Гаглойты Аннайы ныхӕстӕм гӕсгӕ, медикты хъусдарды бын республикӕйы медицинон уагдӕтты ис 1061 адӕймаджы.

"Ивгъуыд суткӕйы медикты хъусдардӕй систой 30 пациенты", - бафтыдта уый.

Пандемийы рӕстӕджы республикӕйы территорийыл сбӕрӕг кодтой коронавирусӕй 1904 фӕрынчынуӕвӕджы, уыдонӕй 894 сӕнӕниз сты.

Хуссар Ирыстоны 15 декабры онг ис арӕнӕвӕрдон мадзӕлттӕ, ӕхгӕд сты ахуырадон уагдӕттӕ, тобӕ сӕвӕрдтой массон мадзӕлттӕ ауадзыныл.

0