Джусойты Сослан

Джусойты Сослан: ирон адӕмы геноцид æмæ репресситæ сты æнгом баст кæрæдзийыл

5
(ранӕуӕггонд 15:33 25.08.2020)
Президенты паддзахадон уынаффæгæнæг Джусойты Сослан радио Sputnik Хуссар Ирыстоны эфиры радзырдта ирон адæмы геноциды тыххӕй
Джусойты Сослан: мæнмæ гæсгæ 20-æм азы геноцид æмæ репресситæ сты æнгом баст кæрæдзийыл

Ирон адæмы геноциды фæдыл æрмæджытæ тымбылгæнгæйæ рабæрæг, æмæ чидæриддæр фыста уыцы цауты тыххæй, уыдон сæ мысинæгты дзырдтой, уый кӕй уыд революцион тох. Джусойты Сосланы хъуыдымæ гæсгæ, уымæн ис цалдæр аххосаджы: фыццаг у – Советон цæдисы рæстæджы кæй ныссус кодтой ацы хабæрттæ.

"Уæлдай дæр Сталины рæстæджы уыд термин "Буржуазон национализм" æмæ уыцы цаутыл чи сдзырдтаид, уый репресситы амæттаг фæуыдаид", - банысан кодта Сослан.

Сослан ма куыд радзырдта уымæ гæсгæ зындгонд историк Бзарты Руслан 20-æм азы геноциды цаутæ куы бæрæг кодта, уæд бафиппайдта, архивтæ кæй æрцыдысты сыгъдæггонд.

"Сталины рæстæджы Хуссар Ирыстоны уӕд чи къухдариуæг кодта, уыдон иууылдæр скуыннæг кодтой. Мæнмæ гæсгæ, геноцид æмæ репресситæ сты æнгом баст кæрæдзийыл", - бахахх кодта Джусойты фырт.

Кæронбæттæны Джусойты Сослан банысан кодта, зæгъгæ, ирон адæмы зондахасты ис политикон идеализм, æмæ уыцы хъуыды хъæуы аиуварс кæнын, цæмæй истори мауал сфæлхатт кæна ивгъуыд æзты цаутæ.

5
Темӕтӕ:
Радио иронау (95)
Дзиццойты Юрий

Дзиццойты Юрий: Ирон тырыса райгуырд хуссары, уый фæстæ ссис æппæтирон

2
(ранӕуӕггонд 16:45 18.09.2020)
Филологон зонæдты кандидат Дзиццойты Юрий радио Sputnik Хуссар Ирыстоны паддзахадон тырысайы фæзынды тыххæй
Дзиццойты Юрий: Ирон тырыса райгуырд хуссары, уый фæстæ ссис æппæтирон

Æрвылаз 19 сентябры нæ республикæ нысан кæны паддзахадон тырысайы бон. Дзиццойты Юрийы куыд радзырдта, уымæ гæсгæ паддзахадон тырыса фæзынд фыццаг Хуссар Ирыстоны 1989 азы, фæлæ уый фæстæ ссис æппæтирон.

"Мах ног дугæн дзуапп чи хъуамæ радтаид, ахæм тырысайыл куы райдыдтам кусын, уæд историмæ аздæхтам нæ хъусдард. Индоевропæйаг адæмтæн сæ фылдæр хаймæ ис хуызты символикæ", - загъта Дзиццойты Юрий.

Юрийы ныхæстæм гæсгæ, индоевропайаг адæмтæн сæ фылдæр хайæн урс хуыз амоны – зонды куыст чи кодта уый, сырх та, йæ хъаруйæ чи куыста, уыдон хуыз.

"Мах, куыд индоевропæйаг адæмæн йæ иу къабаз, афтæ уыцы символикæ йæ фæд ныууагъта нæ историйы. Тырысайы хуыз æвзаргæйæ дискусситæ цыд æрмæстдæр æртыккаг хуыз æвзарыны рæстæджы, æмæ бур хуызыл аскъуыддзаг", - банысан кодта Юрий.

Дзиццойты Юрий бафиппайдта, хуызон сиволикæ нарты кадджыты дæр кæй ныууагъта йæ фæд, зæгъæм, Алæгатæн сæ хæдзар уыд урс, Æхсæртæггатæн та сæ дарæсы уыд сырх хуыз, æртыккаг социалон стратæ сты Борæтæ, уыдон ма фæхонынц Буртæ дæр. Ацы æртæ символикон нысаниуæджы ссисты вазыгджын аргумент тырысайы хуызтæ æвзарыны рæстæджы.

2
Темӕтӕ:
Радио иронау (95)

Ирон музыкалон инструменттæ сæндидзын кæнын: фæсивæды минæвæртты хъуыды

7
(ранӕуӕггонд 10:14 18.09.2020)
Музыканттæ Гаглойты Алан æмæ Кокойты Аннæ радио Sputnik Хуссар Ирыстоны эфиры ирон музыкалон инструментты сæндидзыныл

Цхинвалы фæсивæды æхсæн фæзынд музакантты къорд, кæцытæ архайынц цæгъдын ирон музыкалон инструменттыл. Сæ хъуыдымæ гæсгæ, сæ зæрдыл ис адарддæр кæнын уыцы традици, цæмæй рæзгæ фæлтæр зона цæгъдын.

"Бынтон æрæджы фæзынд нæ къорд, ном дæр йын нæма нæ æрымысыдыстæм, фæлæ уымæ æнæкæсгæйæ æнувыдæй архайæм", - зæгъынц æвзонг музыканттæ.

7
Темӕтӕ:
Радио иронау (95)