Гаглойты Элиса

Гаглойты Элиса: Беслæны трагедийы рыст нæ нымæг кæны

3
(ранӕуӕггонд 15:46 04.09.2020)
Ахуырады министры хæдивæг Гаглойты Элиса радио Sputnik Хуссар Ирыстоны эфиры Беслæны трагедийы цауты тыххæй
Гаглойты Элиса: Беслæны трагедийы рыст нæ нымæг кæны

Æхсæрдæс азы рацыд Беслæны трагедийæ, фæлæ ирон адæмы рыст нæ нымæг кæны, зæгъы ахуырады министры хæдивæг Гаглойты Элиса. Ацы трагикон бонты тыххæй 2018 азæй Хуссар Ирыстоны ахуырадон процесс райдайы 5 сентябрæй.

"Ног ахуыры аз нысан æрцыд 5 сентябры, уымæн æмæ мах æвдисæм иузæрдыгдзинад Беслæны адæмимæ ацы стыр æвирхъау фыдракæнд сыл кæй æрцыд, уый тыххæй", - загъта Элиса.

Гаглойты Элиса куыд радзырдта, уымæ гæсгæ рæстæг не 'ххуыс кæны, цæмæй ацы рыст фæкъаддæр уа, фæлæ тынг дæр цырын кæны.

"Иу адæймаг куы фæхъæуы не 'хсæнæй, уæд уый дæр кæуылты трагеди у, фæлæ Беслæны фыдракæнды фæмард 334 æмæ уыдонæй 186 сты сывæллæттæ, æмæ уыдон сты нæ адæмы генофондæй", - банысан кодта министры хæдивæг.

Гаглойты Элиса банысан кодта, æгас дунейы ахæм фыдбæллæх никæцы адæмыл æрцыд, æмæ йын рох гæнæн нæй.

3
Темӕтӕ:
Радио иронау (105)
Деметы Зауыр

Деметы Зауыр: ирон кадджытæ нæм фæхæццæ сты музыкалон инструментты руаджы

17
(ранӕуӕггонд 12:59 21.10.2020)
Ирон музыкалон инструменттæ аразæг Деметы Зауыр радио Sputnik Хуссар Ирыстоны эфиры радзырдта, куыд сахуыр ис фæндыртæ аразын
Деметы Зауыр: ирон кадджытæ нæм фæхæццæ сты музыкалон инструментты руаджы

Ирон националон инструментарий у фолькористикæйы хъæздыг æмæ вазыгджын хай. Деметы Зауыр куыд загъта, уымæ гæсгæ, фæндыры фæрцы ныры онг фæхæццæ сты рагон кадджытæ.

"Хистæр иу кæстæртæн амыдта кадджытæ, кæстæртæ дæр кадджыты хорз миниуджытæ фæзмыдтой æмæ сæ цард кодтой уымæ гæсгæ", - загъта Зауыр.

Зауыры ныхæстæм гæсгæ, æнæмæнг хъæуы рæзгæ фæлтæрæн амонын цæгъдын ирон музыкалон инструменттыл, стæй ма сæ аразын дæр.

Деметы Зауыр сахуыр ис музыкалон инструменттæ аразын Моурауты Сосланы фæрцы.

"Зондджын лæг уыд æмæ ахæм адæймагимæ кæддæриддæр æхсызгон у ныхас кæнын. Уымæ кастæн, куыд сæ аразы, фæлæ никуы хъуыды кодтон æмæ мæхæдæг араздзынæн музыкалон инструменттæ", - банысан кодта лæппу.

Зауыр куыд загъта уымæ гæсгæ, инструменттæ аразын райдыдта, Моурауты Сослан куы фæзиан, уый фæстæ. Мастерæн баззад æрдæгарæзтæй цалдæр инструменты æмæ уый æрæвнæлдта кæронмæ саразын уыцы фæндыртæ.

17
Темӕтӕ:
Радио иронау (105)

Биазырты Алла: Къоста мын тынг зынаргъ у куыд гоймаг æмæ куыд поэт

14
(ранӕуӕггонд 14:43 15.10.2020)
Паддзахадон университеты журналистикæйы факультеты декан Биазырты Алла радзырдта радио Sputnik Хуссар Ирыстоны Къостайы сфæлдыстады тыххæй

Хуссар Ирыстоны цыппæрæмы нысан кæнынц Хетæгкаты Къостайы 161-æм райгуырæн бон. Бæрæгбоны цытæн республикæйы ацыдысты цытджын мадзæлттæ.

Паддзахадон университеты журналистикæйы факультеты декан Биазырты Алла радзырдта радио Sputnik Хуссар Ирыстоны Къостайы сфæлдыстады тыххæй.

Йæ ныхæстæм гæсгæ, уымæн иууыл ахсджиагдæр у Къостайы поэзи.

Журналистикæйы факультеты декан куыд бафиппайдта, уымæ гæсгæ Къостайы цардыл цæст ахæсгæйæ, уый нæ разыны эгоист, фæлæ адæймаг, кæцы тох кодта æргом зæрдæйæ йæ адæмы бартыл.

14

Уӕрӕсейаг ӕфсӕддонтӕ дезинфекци уадзынц Хуссар Иры районты

0
(ранӕуӕггонд 16:24 24.11.2020)
Хуссар Ирыстоны уӕвӕг Уӕрӕсейы ӕфсӕддон госпиталы къорд бацыдысты Знауыры районы рынчындон ӕмӕ скъоламӕ

Уӕрӕсейы ӕфсӕддон-быдырон госпиталы специалисттӕ сдезинфекци кодтой дыууӕ социалон объектты, цӕмӕй ӕруромой коронавирусы дарддӕры апарахат. Сӕ дарддӕры нывӕзты ис ӕнгӕс куыстытӕ ауадзын Ленингоры районы дӕр.

0