Гаглойты Алан

Цхинвалы центры фæзынд ног арт-объект Абайты Васойы юбилеймæ

8
(ранӕуӕггонд 14:07 11.09.2020)
Нывгæнæг Гаглойты Алан радио Sputnik Хуссар Ирыстоны эфиры радзырдта Абайты Васойы портреты тыххæй, кæцы фæзынд горæты центры
Ног арт-объект Абайты Васойы юбилеймæ фæзынд Цхинвалы центры

Хуссар Ирыстоны столицæйы фæзынд граффити Абайты Васойы нывимæ. Æвзонг нывгæнджыты къорд ацы арт-объект бацæттæ кодтой Васойы 120 азы юбилеймæ, фехъусын кодта Гаглойты Алан.

"Театр æмæ Сывæллæтты аивадон галуаны хсæн фæзуатыл сныв кодам Абайты Васойы портрет йæ юбилеймæ", - загъта Алан.

Гаглойты Аланы ныхæстæм гæсгæ, граффитийы эскиз бацæттæ кодта Сиукъаты Зæринæ. Ныв та йæ кодтой Цхинвалы нывгæнæн ахуыргæнæндоны хъомылгæнинæгтæ æмæ рауагъдонтæ – Джиоты Анна, Сиукъаты Зæринæ, Сиукъаты Настя æмæ Гаглойты Алан.

Абайты Васо райгуырд 1900 азы 15 декабры. Йæ куыстыты хыгъды ис историкон-этимологион дзырдуат, цы ран равдыста ирон æвзаджы бастдзинад ирайнаг, индоевропейаг æиæ туркаг æвзæгтимæ.

8
Темӕтӕ:
Радио иронау (100)
Джиоты Феликс

Джиоты Феликс: мыды армукъа ацыд æнтысджынæй

5
(ранӕуӕггонд 15:48 24.09.2020)
Мыдыбындзыты ассоциацийы къухдариуæггæнæг Джиоты Феликс радио Sputnik Хуссар Ирыстоны радзырдта мыды армукъа куыд ацыд, ууыл

Джиоты Феликс: мыды армукъа ацыд æнтысджынæй
Хæууон хадзарадон продукттæ кæд æрласынц нæ республикæмæ æддæйæ, уæд мыд у мидæггагон продукт, афтæ зæгъы Джиоты Феликс.

"Æртæ бон 18, 19, 20 сентябры ацыд мыды армукъа æнтысджынæй, кæд дзы æлхæнджытæ фылдæр уыд, уæддæр", - загъта Феликс.

Феликсы ныхæстæм гæсгæ, нæ республикæйы цы мыд ис уый у æрмæст нæхи фаг, æмæ дзы уæлдай цъус баззайы. Джиоты Феликсы хъуыдымæ гæсгæ, фадат кæмæн ис, уыдон чыргъæдтæ куы сывæриккой сæ кæрты, уæд мыддарды хъуыдтаг размæ ацæуид.

5
Темӕтӕ:
Радио иронау (100)

Тыбылты Инга: ирон филологи у вазыгджын факультет

25
(ранӕуӕггонд 11:07 24.09.2020)
ХИПУ ирон филологийы декан Тыбылты Инга радио Sputnik Хуссар Ирыстоны эфиры радзырдта ирон филологийы факультеты тыххæй

Ирон филологийы факультеты кæд æрвыл аз дæр бирæ студенттæ нæ ахуыр кæны, уæддæр чи æрбацæуы, уыдон сæрмагондæй равзарынц ацы дæсниад. Тыбылты Инга куыд загъта, уымæ гæсгæ ирон филологи у вазыгджын, фæлæ цымыдисон факультет.

25
Темӕтӕ:
Радио иронау (100)
Симд

Ансамблы ног сконд: "Симд" ратдзæн концерттæ Цхинвалы

0
(ранӕуӕггонд 15:18 28.09.2020)
Концертон нывæзты ис Кавказы адæмты кафтытæ. Алы номыры дæр архайдзæн 12 æмæ уымæй фылдæр къайы - се ʻхсæн ис артисттæ, кæцытæ стыр сценæмæ хизынц фыццаг хатт

ЦХИНВАЛ, 28 сен — Sputnik, Плиты Фатимæ. Галаты Борисы номыл Хуссар Ирыстоны кафт æмæ зарды паддзахадон ансамбль "Симд" дæргъвæтин фæстиаты фæстæ ратдзæн концерттæ Цхинвалы, фехъусын кодта Sputnik ансамблы директор Гаглойты Кристина.

Уый банысан кодта, сфæлдыстадон къорды ралæудтæ кæй ацæудзысты столицæйы 24 æмæ 25 декабры.

"Сæйраг кафты коллективы ног сконд бавдисдзæн ирон аивады уарзджытæн ног нывæзт. Концертон нывæзты ис 19 номыры. Коллективы раз цы зындзинæдтæ ис, уыдон баст уыдысты карантинимæ. Артисттæн хуыд цæуынц костюмтæ фæсарæнты æмæ сын ныр фадат фæцис ныццæуын æмæ сæ фенын", - загъта директор.

Ансамбль, Гаглойты Кристинæйы ныхæстæм гæсгæ, активонæй йæхи цæттæ кæны ног скондæй кæсæджы раз фыццаг фæлварæнмæ.

"Бон фондз сахаты бæрц цæуынц репетицитæ. Концертон нывæзты ис Кавказы адæмты кафтытæ. Алы номыры дæр архайдзæн 12  æмæ уымæй фылдæр къайы. Се ʻхсæн ис артисттæ, кæцытæ стыр сценæмæ хизынц фыццаг хатт", - бафтыдта Гаглойты Кристина.

Галаты Борисы номыл Хуссар Ирыстоны кафт æмæ зарды паддзахадон ансамбль "Симд" ивгъуыд аз фехъусын кодта реорганизацийы тыххæй. Уый фæлгæтты коллектив ногæй иста кафджыты, ивта хор æмæ оркестры сконд. Фæстæдæр къордæн фæзынд ног аивадон къухдариуæггæнæг дæр.

0