Гаглойты Алан

Гаглойты Алан: фæлварын цæгъдын дала фæндырыл

6
(ранӕуӕггонд 16:48 11.09.2020)
Тугъанты Махарбеджы нывгæнæн ахуыргæнæндоны студент Гаглойты Алан радио Sputnik Хуссар Ирыстоны эфиры радзырдта ирон музыкалон инструментты тыххæй
Гаглойты Алан: фæлварын дала фæндырыл цæгъдын

Ирон музыкалон инструментари хъæздыг у. Гаглойты Аланы ныхæстæм гæсгæ, уый йæхæдæг фæлвары цæгъдын дала фæндырыл, æмæ музыкалон инструменттæ аразын.

"Инструменттæ хуыздæр у тæгæрæй аразын, Цæгат Ирыстонæй æнхъæлмæ кæсæм Деметы Зауырмæ, цæмæй нын бацамона куыд хъæуы музыкалон инструмент аразын", - загъта Алан.

Гаглойты Алан куыд загъта, уымæ гæсгæ хуссайраг тæгæр иууыл хуыздæр у инструменттæ аразынæн, йæ музыкалон зæлтæ ирдæй дæр разынынц.

"Æвзонг техникты станц нын рахицæн кодтой æрмадз, уым ахуыр кæндзыстæм куыд æвзонг фæсивæд, афтæ ма скъоладзауты дæр", - банысан кодта Алан.

Æрмадз саразынæн Гаглойты Алан æмæ Зауыр бацæттæ кодтой проект, æмæ йæ бавдыстой æхсæнадæмон фæсивæдон форум "Тавридæ"-мæ, цы ран сын финансон фæрæзтæ рахицæн кодтой.

6
Темӕтӕ:
Радио иронау (100)
Джиоты Феликс

Джиоты Феликс: мыды армукъа ацыд æнтысджынæй

6
(ранӕуӕггонд 15:48 24.09.2020)
Мыдыбындзыты ассоциацийы къухдариуæггæнæг Джиоты Феликс радио Sputnik Хуссар Ирыстоны радзырдта мыды армукъа куыд ацыд, ууыл

Джиоты Феликс: мыды армукъа ацыд æнтысджынæй
Хæууон хадзарадон продукттæ кæд æрласынц нæ республикæмæ æддæйæ, уæд мыд у мидæггагон продукт, афтæ зæгъы Джиоты Феликс.

"Æртæ бон 18, 19, 20 сентябры ацыд мыды армукъа æнтысджынæй, кæд дзы æлхæнджытæ фылдæр уыд, уæддæр", - загъта Феликс.

Феликсы ныхæстæм гæсгæ, нæ республикæйы цы мыд ис уый у æрмæст нæхи фаг, æмæ дзы уæлдай цъус баззайы. Джиоты Феликсы хъуыдымæ гæсгæ, фадат кæмæн ис, уыдон чыргъæдтæ куы сывæриккой сæ кæрты, уæд мыддарды хъуыдтаг размæ ацæуид.

6
Темӕтӕ:
Радио иронау (100)

Тыбылты Инга: ирон филологи у вазыгджын факультет

25
(ранӕуӕггонд 11:07 24.09.2020)
ХИПУ ирон филологийы декан Тыбылты Инга радио Sputnik Хуссар Ирыстоны эфиры радзырдта ирон филологийы факультеты тыххæй

Ирон филологийы факультеты кæд æрвыл аз дæр бирæ студенттæ нæ ахуыр кæны, уæддæр чи æрбацæуы, уыдон сæрмагондæй равзарынц ацы дæсниад. Тыбылты Инга куыд загъта, уымæ гæсгæ ирон филологи у вазыгджын, фæлæ цымыдисон факультет.

25
Темӕтӕ:
Радио иронау (100)
Хъадамантæ

Дзæуджыхъæуы раздæры полицæйаджы азымджын кæнынц наркотиктæ парахат кæныны

0
(ранӕуӕггонд 16:59 30.09.2020)
Дзæуджыхъæуы Мидхъуыддæгты министрады управленийы 2-æм хайады хистæр оперативон кусæг самал кодта 0,24 граммы наркотикон буарадтæ æмæ сæ уыцы бон ауæй кодта бынæттон цæрæгæн

ЦХИНВАЛ, 30 сен — Sputnik. Цæгат Ирыстоны раздæры полицæйаджы ныхмæ рахастой азым наркотикты æнæзаконон зилдухы тыххæй, хъусын кæны регионы Слестгæнæн комитет.

Хъусинагæй куыд бæрæг у, афтæмæй 17 июны оперативон кусæг æбæрæг уавæрты самал кодта 0,24 граммы наркотикон буарадтæ æмæ сæ уыцы бон ауæй кодта бынæттон цæрæгæн.

"Уый фæстæ полицийы 29-аздзыд лейтенанты æрцахстой барадхъахъхъæнджытæ. Уымæн тæрхондон рахаста ахæст æмæ азым наркотикты æнæзаконон зилдухы тыххæй", - дзырдæуы хъусинаджы.

Ныридæгæн уагъд цæуынц слестгæнæн куыстытæ.

0