Кокойты Анна

Кокойты Анна: уадындзыл цæгъдын мæ фæндыд чысылæй фæстæмæ

5
(ранӕуӕггонд 16:52 11.09.2020)
Паддзахадон университеты студенткæ Кокойты Анна радио Sputnik Хуссар Ирыстоны эфиры радзырдта уадындзыл цæгъдын куыд сахуыр, уый тыххæй
Кокойты Аннæ: уадындзыл цæгъдын мæ фæндыд чысылæй фæстæмæ

Ирон адæммæ цалдæр нæртон иснтрумент ис, сæ иу у уадындз. Кокойты Анна радзырдта, скъолайы кæй ахуыр кодта уадындзыл цæгъдын.

"Мæ фыдæн загътон уасæн мæ кæй хъæуы, æмæ ацыдыстæм сæрмагондæй уыцы инструмент æлхæнынмæ", - загъта Анна.

Æрæджы фæзынд фæсивæды къорд, кæцытæ архайынц ирон музыкалон инструменттыл цæгъдын. Аннайы ныхæстæм гæсгæ, кæд сæ къорд нырма æрыгон у, мæ йын нырма ном дæр нæй, уæддæр архайынц тынг зæрдиагæй.

"Тынг æнæнхъæлæджы æртымбыл стæм, Гаглойты Алан нæ æрæмбырд кодта, æмæ уæдæй фæстæмæ ахуыр кæнæм цæгъдын", - банысан кодта студенткæ.

Кокойты Анна ма бынысан кодта, ирон инструменттыл цæгъдгæйæ кæй фæивта йæ цардахаст, æмæ йæ алыварс кæй фæзынд бирæ цымыдисон адæм.

5
Темӕтӕ:
Радио иронау (96)
Дзиццойты Юрий

Хуссар Ирыстоны паддзахад сæвзæрыны рæстæг нымайæн ис 1920 азæй Дзиццойты Юрий

2
(ранӕуӕггонд 19:43 19.09.2020)
Филологон зонæдты кандидат Дзиццойты Юрий радио Sputnik Хуссар Ирыстонæн интервьюйы радзырдта республикæйы расидыны боны тыххæй
Хуссар Ирыстоны паддзахад сывзæрыны рæстæг нымайæн ис 1920 азæй – Дзиццойты Юрий

Хуссар Ирыстоны республикæйыл 30 аз сæххæст ацы аз 20 сентябры. Дзиццойты Юрий куыд радзырдта, уымæ гæсгæ нæ паддзахад у æлхæд тугæй.

"Нæ паддзахаддзинад 1920 азæй куы нымаиккам, уæд раст дæр у. Уый нын радта фадат, цæмæй 1990 азы автономон областæн йæ статус фæбæрзонддæр кодтаиккам", - загъта Юрий.

Дзиццойты Юрийы ныхæстæм гæсгæ, республикæ расидын фадат лæвæрдта, цæмæй ирон адæм сæхæдæг æвзарой сæ дарддæры фæндаг.

"Гуырдзыстон хицæнкæныны фæндагыл ныллæуыд, æмæ цæмæй мах дæр семæ ма акодтаиккой, уый тыххæй нын хъуамæ уыдаид конституци, фæлæ автономон областæн уый нæ уыд", - бафиппайта Дзиццойты Юрий.

Юрий ма куыд радзырдта, уымæ гæсгæ уыцы рæстæджы цы къахдзæфтæ арæзт æрцыдысты, уыдон уыдысты хæдбар паддзахады бындуртæ.

2
Темӕтӕ:
Радио иронау (96)
Дзиццойты Юрий

Дзиццойты Юрий: Ирон тырыса райгуырд хуссары, уый фæстæ ссис æппæтирон

13
(ранӕуӕггонд 16:45 18.09.2020)
Филологон зонæдты кандидат Дзиццойты Юрий радио Sputnik Хуссар Ирыстоны паддзахадон тырысайы фæзынды тыххæй
Дзиццойты Юрий: Ирон тырыса райгуырд хуссары, уый фæстæ ссис æппæтирон

Æрвылаз 19 сентябры нæ республикæ нысан кæны паддзахадон тырысайы бон. Дзиццойты Юрийы куыд радзырдта, уымæ гæсгæ паддзахадон тырыса фæзынд фыццаг Хуссар Ирыстоны 1989 азы, фæлæ уый фæстæ ссис æппæтирон.

"Мах ног дугæн дзуапп чи хъуамæ радтаид, ахæм тырысайыл куы райдыдтам кусын, уæд историмæ аздæхтам нæ хъусдард. Индоевропæйаг адæмтæн сæ фылдæр хаймæ ис хуызты символикæ", - загъта Дзиццойты Юрий.

Юрийы ныхæстæм гæсгæ, индоевропайаг адæмтæн сæ фылдæр хайæн урс хуыз амоны – зонды куыст чи кодта уый, сырх та, йæ хъаруйæ чи куыста, уыдон хуыз.

"Мах, куыд индоевропæйаг адæмæн йæ иу къабаз, афтæ уыцы символикæ йæ фæд ныууагъта нæ историйы. Тырысайы хуыз æвзаргæйæ дискусситæ цыд æрмæстдæр æртыккаг хуыз æвзарыны рæстæджы, æмæ бур хуызыл аскъуыддзаг", - банысан кодта Юрий.

Дзиццойты Юрий бафиппайдта, хуызон сиволикæ нарты кадджыты дæр кæй ныууагъта йæ фæд, зæгъæм, Алæгатæн сæ хæдзар уыд урс, Æхсæртæггатæн та сæ дарæсы уыд сырх хуыз, æртыккаг социалон стратæ сты Борæтæ, уыдон ма фæхонынц Буртæ дæр. Ацы æртæ символикон нысаниуæджы ссисты вазыгджын аргумент тырысайы хуызтæ æвзарыны рæстæджы.

13
Темӕтӕ:
Радио иронау (96)