Къалаты Нариман

Къалаты Нариман: районты сывæллæттæ зæрдиагæй хайад исынц техникты мастер-къласты

17
(ранӕуӕггонд 15:10 01.10.2020)
Æвзонг техникты станцæйы къухдариуæггæнæг Къалаты Нариман радио Sputnik Хуссар Ирыстоны эфиры радзырдта станцæйы куысты тыххæй
Къалаты Нариман: мастер-къласты сывæллæттæ зæрдиагæй исынц хайад

Æвзонг техникты станцæйы куыджытæ республикæйы цалдæр районы ауагътой мастер-къластæ. Станцæйы къухдариуæггæнæг Къалаты Нариман куыд радзырдта, уымæ гæсгæ ныридæгæн мастер-къласстæ ауагътой Ленингоры районы æмæ Къуаисайы.

"Цалынмæ хъарм бонтæ ис, уæдмæ нæ фæнды ауадзын мастер-къластæ дæрддзæф районты, цæмæй нын фадат уа æддейæ равдисын сывæллæттæн нæ куыст", - загъта Нариман.

Станцæйы къухдариуæггæнæджы ныхæстæм гæсгæ, мастер-къластимæ иумæ ахастой хъæзтытæ дæр, цæмæй рæзгæ фæлтæр сæ рæстæг цымыдисондæрæй арвитой.

"Сывæллæтæ фæлвæрдтой кусын зырнæйзилæн тæрхыл, цæхдарæнтæ арæзтой æмæ тынг фæцыд сæ зæрдæмæ", - бафиппайдта уый.

Нариман куыд банысан кодта уымæ гæсгæ, ацы мадзæлттæн сæ нысаниуæг у, цæмæй сывæллæттæ феной, цы ис гæнæн саразын цыбыр æмгъуыдмæ тæрхыл æмæ сæм разына фæндон сæхи къутæй исты саразын.

17
Темӕтӕ:
Радио иронау (121)
Кокойты Тарзан

Кокойты Тарзан: Дзуццаты Хадзы-Мураты фæзынд ирон поэзийы уыд уникалон

3
(ранӕуӕггонд 16:14 22.01.2021)
Хуссар Ирыстоны раздæры депутат Кокойты Тарзан радио Sputnik Хуссар Ирыстоны эфиры радзырдта Дзуццаты Хадзы-Мураты сфæлдыстады тыххæй
Кокойты Тарзан: Дзуццаты Хадзы-Мураты фæзынд ирон поэзийы уыд уникалон

Ацы аз январы зындгонд ирон поэт, æхсæнадон архайæг, публицист Дзуццаты Хадзы-Муратыл сыххæст уыдаид 86 азы. Кокойты Тарзан куыд загъта, уымæ гæсгæ Хаджийы сфæлдыстад ирон поэзийы æмæ культурæйы уыд уникалон фæзынд.

"Скъола каст куы фæци, уæд йæхи тыхтæй æмæ хъæппæрисæй радта фæлварæнтæ Мæскуыйы Горькийы номыл литературон институтмæ æмæ уый дæр каст фæци сырх дипломыл", - загъта Тарзан.

Кокойты Тарзаны ныхæстæм гæсгæ, Хадзы-Мурат йæ сфæлдыстадæй æнустæм фыст æрцыд ирон поэзийы хæзнадоны, фæлæ иууыл диссагдæр уыд йе 'мбæстагон позици.

"Хаджи хаудта 60-æм азы поэттæм, ахуыр кодта Евгений Евтушенкоимæ æмæ йæхимæ райста уыцы дуджы арф нысаниуджытæ", - банысан кодта Кокойты Тарзан.

Тарзан ма куыд загъта, уымæ гæсгæ Дзуццаты Хадзы-Мурат удыхъæдæй уыд æфсæрмдзæстыг æмæ хуымæтæг адæймаг, фæлæ дзы мидæгæй сыгъд арт.

Лæмбынæгдæр хъусут аудиоæрмæджы.

3
Темӕтӕ:
Радио иронау (121)
Альберт Тогоев

Тогойты Альберт: Портал сырæзт курдиатджын фæсивæды иумæйаг тыхтæй

10
(ранӕуӕггонд 12:11 21.01.2021)
Цæгат Ирыстоны Аивадон порталы къухдариуæггæнæг Тогойты Альберт радио Sputnik Хуссар Ирыстоны радзырдта бæстыхайы арæзтады тыххæй
Тогойты Альберт: Портал сырæзт курдиатджын фæсивæды иумæйаг тыхтæй

Цæгат Ирыстоны цалдæр азы размæ фæзынд аивадон фæз "Портал", цы ран курдиатджын фæсивæд æвдисынц сæ дæсныйад. Кæд æмæ сын цы бæстыхай рахицæн кодтой, уый нæ уыд иууыл хуыздæр уавæры, уæддæр æй иумæйаг тыхтæй æмбæлон уагмæ кæнынц, арæзтадон куыстытæ цæуынц. Тогойты Альберт куыд радзырдта, афтæмæй ныридæгæн сæйраг куыстытæ фесты.

"Алы хатæны дæр ис рудзынг, дуар, хъармдзинад, æмæ дзы ныр дарддæр чи кусдзæн уыцы æрмадзты, уыдон сæ сæхимæ гæсгæ бацаразæт", - загъта Альберт.

Тогойты Альберты ныхæстæм гæсгæ, Потралы арæзтады иууылдæр райстой хайад, кæмæн куыд уыд йæ бон фæкæсын, уымæ гæсгæ.

Æрæджы дзы уагъд æрцыд равдыст "Хиконд", цы ранмæ фæхуыдтой æрмдæсныты. Альберт куыд банысан кодта, афтæмæй уыдонæн уыд фадат, цæмæй сæ дæсныйадимæ базонгæ кæной равдыстмæ æрбацæуджыты.

Тогойты Альбертæн иууыл тынгдæр йæ зæрдæ барухс, "Хиконд"-ы Хуссар Ирыстоны æрмдæснытæ дæр кæй райстой хайад, уый тыххæй.

10
Темӕтӕ:
Радио иронау (121)