Дыгъуызты Лиана

Дыгъуызты Лиана: ахуыргæнæгæй рæсугъддæр дæсниад нæй

6
(ранӕуӕггонд 16:58 05.10.2020)
Ирон æвзаг æмæ литературæйы ахуыргæнæг Дыгъуызты Лиана радио Sputnik Хуссар Ирыстоны эфиры радзырдта Ахуыргæнæджы боны тыххæй
Дыгъуызты Лиана: ахуыргæнæгæй рæсугъддæр професи нæй

Æрвылаз дæр 5 октябры нысан кæнынц Æппæтдунейон ахуыргæнæджы бон. Ахуыргæнæджы куыстæн вазыгджын нысаниуæг ис æхсæнадон райрæзты. Дыгъуызты Лиана дæр ацы хъуыдыимæ разы у æмæ загъта, ахуыргæнæгæй рæсугъддæр æмæ вазыгджындæр професи кæй нæй.

"Иу хатт ма куы райгуырин, уæддæр æвæццæгæн равзарин ахуыргæнæджы дæсныйад", - загъта уый.

Дыгъуызты Лианайы ныхæстæм гæсгæ, алы професи дæр фыццаг рацæуы ахуыргæнæгæй.

"Махæн - ирон адæмæн - фыццаг бынаты хъуамæ лæууа æгъдау, уымæ гæсгæ скъолайы дæр урок хъуамæ райдайа æгъдауæй", - банысан кодта ахуыргӕнӕг.

Уый ма бафиппайдта, алы ахуыргæнæгæн дæр йæ зæрдæйы кæй ис бынат йæ ахуыргæнинæгтæн, уымæн æмæ æнæ уарзондзинадæй ахуыргæнæджы професийæн уæвæн нæй.

6
Темӕтӕ:
Радио иронау (105)
Деметы Зауыр

Деметы Зауыр: ирон кадджытæ нæм фæхæццæ сты музыкалон инструментты руаджы

13
(ранӕуӕггонд 12:59 21.10.2020)
Ирон музыкалон инструменттæ аразæг Деметы Зауыр радио Sputnik Хуссар Ирыстоны эфиры радзырдта, куыд сахуыр ис фæндыртæ аразын
Деметы Зауыр: ирон кадджытæ нæм фæхæццæ сты музыкалон инструментты руаджы

Ирон националон инструментарий у фолькористикæйы хъæздыг æмæ вазыгджын хай. Деметы Зауыр куыд загъта, уымæ гæсгæ, фæндыры фæрцы ныры онг фæхæццæ сты рагон кадджытæ.

"Хистæр иу кæстæртæн амыдта кадджытæ, кæстæртæ дæр кадджыты хорз миниуджытæ фæзмыдтой æмæ сæ цард кодтой уымæ гæсгæ", - загъта Зауыр.

Зауыры ныхæстæм гæсгæ, æнæмæнг хъæуы рæзгæ фæлтæрæн амонын цæгъдын ирон музыкалон инструменттыл, стæй ма сæ аразын дæр.

Деметы Зауыр сахуыр ис музыкалон инструменттæ аразын Моурауты Сосланы фæрцы.

"Зондджын лæг уыд æмæ ахæм адæймагимæ кæддæриддæр æхсызгон у ныхас кæнын. Уымæ кастæн, куыд сæ аразы, фæлæ никуы хъуыды кодтон æмæ мæхæдæг араздзынæн музыкалон инструменттæ", - банысан кодта лæппу.

Зауыр куыд загъта уымæ гæсгæ, инструменттæ аразын райдыдта, Моурауты Сослан куы фæзиан, уый фæстæ. Мастерæн баззад æрдæгарæзтæй цалдæр инструменты æмæ уый æрæвнæлдта кæронмæ саразын уыцы фæндыртæ.

13
Темӕтӕ:
Радио иронау (105)

Биазырты Алла: Къоста мын тынг зынаргъ у куыд гоймаг æмæ куыд поэт

11
(ранӕуӕггонд 14:43 15.10.2020)
Паддзахадон университеты журналистикæйы факультеты декан Биазырты Алла радзырдта радио Sputnik Хуссар Ирыстоны Къостайы сфæлдыстады тыххæй

Хуссар Ирыстоны цыппæрæмы нысан кæнынц Хетæгкаты Къостайы 161-æм райгуырæн бон. Бæрæгбоны цытæн республикæйы ацыдысты цытджын мадзæлттæ.

Паддзахадон университеты журналистикæйы факультеты декан Биазырты Алла радзырдта радио Sputnik Хуссар Ирыстоны Къостайы сфæлдыстады тыххæй.

Йæ ныхæстæм гæсгæ, уымæн иууыл ахсджиагдæр у Къостайы поэзи.

Журналистикæйы факультеты декан куыд бафиппайдта, уымæ гæсгæ Къостайы цардыл цæст ахæсгæйæ, уый нæ разыны эгоист, фæлæ адæймаг, кæцы тох кодта æргом зæрдæйæ йæ адæмы бартыл.

11
Коронавирус

Сӕйраг санитарон дохтыр коронавирусы апарахаты тыххӕй Хуссар Иры: ӕнӕстабилон уавӕр

4
(ранӕуӕггонд 16:30 23.10.2020)
Низ арӕхдӕр бахӕцы 18-69 азы кары адӕмыл, ацы кары къордмӕ хауы вирусӕй рынчынты ӕртыккаг хай, банысан кодта Коцты Марина

ЦХИНВАЛ, 23 окт — Sputnik, Козаты Диана. Хуссар Ирыстоны коронавирусӕй рынчынты ӕртын процентӕй фылдӕр хоскӕнынад цӕуынц медицинон уагдӕтты, радзырдта йӕ интервьюйы Sputnik республикӕйы сӕйраг санитарон дохтыр Коцты Марина.

Югосетпотребнадзоры сӕргълӕууӕг схуыдта коронавирусы апрахаты уавӕр Хуссар Ирыстоны "ӕнӕстабилон". Уый радон хатт ӕрсидт цӕрджытӕм, цӕмӕй ӕххӕст кӕной дохтыртӕ ӕмӕ эпидемиологты рекомендацитӕ, дарой маскӕтӕ ӕмӕ сӕхи хизой адӕмы массон ӕмбырдтӕй.

"Фӕрынчынуӕвджыты ӕртын иу проценты сты стационарты. Инфекцион рынчындон ӕмӕ сывӕллӕтты рынчындоны сты 84 пациенты коронавирусимӕ. Се хсӕн ис уӕззау рынчынтӕ дӕр. Дохтыртӕ аразынц алцыдӕр, цы ис сӕ тыхты, фӕлӕ уыцы тыхтӕ фаг не сты", - загъта Коцты Марина.

Йӕ ныхӕстӕм гӕсгӕ, фӕрынчынуӕвджыты 70 проценты сты 18-69 азы кары адӕм. 12 процентмӕ ӕввахс сты сывӕллӕттӕ 17 азы онг, ӕмӕ 18 проценты та сты 65 азӕй хистӕрдӕр адӕм.

Сӕйраг санитарон дохтыр бахахх кодта, уагдонмӕ кӕй ис тест-системӕтӕ 10 000 басгӕрст ауадзынӕн.

"Хардзгӕнӕн ӕрмӕджытимӕ проблемӕ нын уыд, фӕлӕ сӕ тагъд райстам. Уыдон дефициты сты Уӕрӕсейы дӕр. Мах алкӕмӕндӕр аразӕм тесттӕ, фӕлӕ лабораторийы хъомыс ӕмӕ адӕймагон ресурс нӕ фаг кӕнынц" – банысан кодта Коцты Марина.

Уый ма бафтыдта, зӕгъгӕ, Югосетпотребнадзорӕй дарддӕр ӕмбӕстӕгтӕн фадат ис раттын анализтӕ хисӕрмагонд лабораториты "Гемотест" ӕмӕ "КДЛ"-йы.

4