Биазырты Алла: Къоста мын тынг зынаргъ у куыд гоймаг æмæ куыд поэт

10
(ранӕуӕггонд 14:43 15.10.2020)
Паддзахадон университеты журналистикæйы факультеты декан Биазырты Алла радзырдта радио Sputnik Хуссар Ирыстоны Къостайы сфæлдыстады тыххæй

Хуссар Ирыстоны цыппæрæмы нысан кæнынц Хетæгкаты Къостайы 161-æм райгуырæн бон. Бæрæгбоны цытæн республикæйы ацыдысты цытджын мадзæлттæ.

Паддзахадон университеты журналистикæйы факультеты декан Биазырты Алла радзырдта радио Sputnik Хуссар Ирыстоны Къостайы сфæлдыстады тыххæй.

Йæ ныхæстæм гæсгæ, уымæн иууыл ахсджиагдæр у Къостайы поэзи.

Журналистикæйы факультеты декан куыд бафиппайдта, уымæ гæсгæ Къостайы цардыл цæст ахæсгæйæ, уый нæ разыны эгоист, фæлæ адæймаг, кæцы тох кодта æргом зæрдæйæ йæ адæмы бартыл.

10
Биазырты Алла

Къоста сæууон стъалы, тæмæнкалгæ хур: ахуыргæнæг ирон генийы тыххæй

7
(ранӕуӕггонд 15:54 13.10.2020)
Паддзахадон университеты журналистикæйы факультеты декан Биазырты Алла радио Sputnik Хуссар Ирыстоны эфиры радзырдта Къостайы сфæлдыстыды тыххæй
Къоста – сæууон стъалы, тæмæнкалгæ хур: ахуыргæнæджы хъуыдытæ

Хетæгкаты Къостайы райгуырдыл ацы аз 15 октябры æххæст кæны 161 азы. Цы нысаниуæг ис Къостайæн ирон адæмы царды æмæ литературæйы, уый бæлвырдæй зындгонд у. Биазырты Аллайы ныхæстæм гæсгæ, Къоста уымæн у зынаргъ дыууæ фарсы 'рдыгæй дæр – куыд гоймаг æмæ куыд поэт.

"Публицистикæйы фадыджы дæр бирæ бакуыста Къоста, прозæ æмæ драматургимæ абаргæйæ, фæлæ публицистикæ фылдæр хауы журналистикæмæ. Куыд литератор, афтæ мæнæн иууыл ахсджагдæр у йæ поэзи", - загъта Алла.

Биазырты Аллайы хъуыдымæ гæсгæ, алы адæймаджы гоймаг схонæн нæй, уымæн æмæ гоймаг чысыл уæлдæр лæууы.

"Мах иууылдæр адæймæгтæ стæм, фæлæ уыцы адæймæгтæй чи хицæн кæны йæ идеон позицитæм гæсгæйæ, йæ хъуыды, йе 'нкъарæнтæ, йе 'сфæлдыстад, æппæт йæ тох, йæ цардвæндагæй, уый гоймаджы рангмæ æввахсдæр лæууы", - банысан кодта уый.

Журналистикæйы факультеты декан куыд бафиппайдта, уымæ гæсгæ Къостайы цардыл цæст ахæсгæйæ, уый нæ разыны эгоист, фæлæ адæймаг, кæцы тох кодта æргом зæрдæйæ йæ адæмы бартыл.

Лæмбынæгдæр хъусут аудиоæрмæджы.

7
Темӕтӕ:
Радио иронау

Сывæллæттæн амонæм алыгъуызон тæрхытыл кусын Къалаты Нариман

8
(ранӕуӕггонд 16:50 06.10.2020)
Æвзонг техникты станцæйы къухдариуæггæнæг Къалаты Нариман радио Sputnik Хуссар Ирыстоны эфиры радзырдта куыд уадзынц мастер-къласстæ

Æвзонг техникты станцæйы кусджытæ æвдисынц мастер-къасстæ республикæйы районты. Къалаты Нариманы ныхæстæм гæсгæ, сывæллæттæ тынг цымыдисæй исынц хайад ацы мастер-кълассты.

 "Сывæллæтæ фæлвæрдтой кусын зырнæйзилæн тæрхыл, цæхдарæнтæ арæзтой æмæ тынг фæцыд сæ зæрдæмæ", - загъта уый.

8
Темӕтӕ:
Радио иронау
 Уӕрӕсейаг режиссёр сӕвӕрдзӕн спектакль Цхинвалы театры

Ӕмгуыстады ног авналӕнтӕ: уӕрӕсейаг режиссёр сӕвӕрдзӕн спектакль Цхинвалы театры

10
(ранӕуӕггонд 10:50 20.10.2020)
Нывӕзтгонд проект ӕххӕст цӕуы Уӕрӕсейы театралон архайджыты цӕдисы сӕрмагонд проект "режиссерская лаборатория"- йы фӕлгӕтты

ЦХИНВАЛ, 20 окт — Sputnik, Плиты Фатимӕ. Хуссар Ирыстоны паддзахадон драмон театры (ПДТ) сценӕйыл фидӕн аз уӕрӕсейаг режиссёр сӕвӕрдзӕн спектакль бынӕттон труппӕимӕ, фехъусын кодтой Sputnik уагдоны пресс-службӕйы.

Ивгъуыд къуыри ПДТ труппӕимӕ куыстой ӕртӕ хицӕн режиссеры Уӕрӕсейы театралон архайджыты цӕдисӕй. Уазджытӕ ӕрцыдысты Цӕдис ӕмӕ Хуссар Ирыстоны ПДТ ӕмгуыстады фӕстиуӕгӕн.

Российские режиссеры поставили отрывки спектаклей с югоосетинской труппой
Пресс-служба ГДТ
Уӕрӕсейаг режиссёр сӕвӕрдзӕн спектакль Цхинвалы театры

Театралон архайджыты цӕдис ахӕм мадзӕлтӕ уадзы йӕ сӕрмагонд проект "режиссёрская лаборатория"-йы фӕлгӕтты.

"Ӕртӕ хицӕн режиссеры Уӕрӕсейы театралон архайджыты цӕдисӕй ивгъуыд къуырийы куыстой ам бынаты нӕ труппӕимӕ. Уыдон сӕвӕрдтой ӕртӕ хицӕн эскизы (пьесӕйы скъуыддзаг) бынӕттон актертимӕ. Вазыгджын эпидемиологон уавӕр хынцгӕйӕ сӕ куыстытӕ уӕрӕх аудиторийӕн нӕ бавдыстой - аргъгӕнӕг сын уыдысты сӕхӕдӕг актертӕ ӕмӕ театралон факультеты студенттӕ", - театры загътой пресс-службӕйы.

Уым ма банысан кодтой, нывӕзтмӕ гӕсгӕ ӕртӕ скъуыддзагӕй кӕй хъуамӕ равзарой хуыздӕры, цӕмӕй йӕ ног театралон сезоны ӕххӕстӕй сӕвӕрой Хуссар Ирыстоны паддзахадон театры сценӕйыл.

"Актерон сконд ӕртӕйы дӕр банымадта хорзыл. Фӕстӕдӕр ацы фарст скъуыддзаг цӕудзӕн аивадон советы аивадон къухдариуӕггӕнӕг Дзудцаты Тамерланимӕ иумӕ. Ӕртӕйӕ кӕцы равзарой, уый Уӕрӕсейы театралон архайджыты цӕдисы хӕрдзтӕй ӕрцӕудзӕн ӕвӕрд", - бахахх кодтой уагдоны.

Российские режиссеры поставили отрывки спектаклей с югоосетинской труппой
Пресс-служба ГДТ
Уӕрӕсейаг режиссёр сӕвӕрдзӕн спектакль Цхинвалы театры

Театры директор Уалыты Мӕдинӕйы ныхӕстӕм гӕсгӕ, Уӕрӕсейы театралон архайджыты цӕдисимӕ (ТАЦ)  ӕмгуыстад кӕны ног фӕндӕгтӕ Хуссар Ирыстоны сфӕлдыстадон коллективы раз.

"Режиссерты куыст нын фенын кодта нӕ труппӕйы уӕрӕх фадӕттӕ ногӕй. Уыдон бафӕлвӕрдтой архайд сценӕйӕ рахӕссын кӕсӕджы залмӕ ӕмӕ сын уыд диссаджы ӕнтыст",- хъусын кӕны пресс-службӕй директоры ныхӕстӕ.

Уалыты Мӕдинӕ бафтыдта, Уӕрӕсейы ТАЦ-имӕ ӕмгуыстады фӕлгӕтты ма ноджы кӕй цӕуынц ахуыртӕ, квалификаци фӕбӕрзонддӕр кӕныны куыст. Дарддӕр та сӕ нывӕзты ис бацархайын, цӕмӕй Цхинвалы фӕзына ТАЦ фыццаг филиал фӕсарӕнты.

Российские режиссеры поставили отрывки спектаклей с югоосетинской труппой
Пресс-служба ГДТ
Уӕрӕсейаг режиссёр сӕвӕрдзӕн спектакль Цхинвалы театры
10