Битарты Зоя йӕ ног чиныджы тыххӕй: мыхуыр æрцæудзæн Абайты Уасойыл фыст ӕрмæг иууылдӕр
(ранӕуӕггонд 12:08 17.12.2020)
Филологон зонæдты кандидат, ирон æвзаджы эксперт Битарты Зоя радио Sputnik Хуссар Ирыстоны эфиры радзырдта йæ ног чиныджы тыххæйБитарон: чиныджы мыхуыр æрцæудзæн Уасойыл цы æрмæг ис уый
Абайты Уасойы юбилейы цытӕн мадзæлттæ уагъд æрцыдысты куыд Цæгаты, афтæ Хуссар Иры дæр. Ирон æвзаджы эксперт Битарты Зоя куыд радзырдта, уымæ гæсгæ тагъд мыхуыры рацæудзын чиныг, цы ран уый æрæмбырд кодта Уасойыл цыдæриддæр æрмæг фыс æрцыд, уыдон.
"Фæсарæнты Уасойæн цы аргъ скодтой, уый йеныр базыдтон æмæ мæхицæн загътон, зӕгъын, цыдæриддæр æрмæг фыст æрцыд, уыдон хъуамæ æртымбыл кæнон æмæ сæ адæмы рæзмæ рахæссæм", - банысан кодта Битарты Зоя.
Ахуыргонды ныхæстæм гæсгæ, уыцы чиныджы æрмæджытæ тымбыл кæнынмæ лæмбынæгæй æрæвналдта 2020 азы райдианы.
"Чиныджы ис 2850 фарсы æмæ конд у æртæ томæй. Ис дзы æндæр бæстæты æмæ нæхи ахуыргæндты æрмæджытæ дæр", - загъта Битарон.
Автор куыд бафтыдта, уымæ гæсгæ фыццаг томмæ бацыдысты, Уасойыл чингуытæ чи ныффыста уыцы автортæ. Дыккаг томы лæвæрд цæуынц ахуыргæндты иртасæн куыстытæ Уасойы куыстыты тыххæй, æртыккаг хайы та ис фæсарæйнаг ахуыргæндты куыстытæ æнæ тæлмацæй оригиналон æвзагыл, æмæ цыдæридæр Уасойæн хæрзиуджытæ лæвæрд æрцыд, уыдон.
Темӕтӕ:
Кокайты Тотрадз: Хуссар Иры "Кады зарæг"-ы ныхæстæ райгуырдысты æнæнхъæлæджы
(ранӕуӕггонд 11:24 26.01.2021)
Хуссар Ирыстоны гимны ныхæсты автор, поэт Кокайты Тотрадз радио Sputnik эфиры радзырдта, куыд ныффыста ацы æмдзæвгæ, уый тыххæйКокайты Тотрадз: æнæнхъæлæджы райгуырдысты "Кады зарæг"-ы ныхæстæ
Алы бæстæйæн дæр ис паддзахадон символтæ, сæ иу у гимн. Алкæмæн дæр зындгонд у, Хуссар Ирыстоны гимны автортæй сæ иу кæй у Кокайты Тотрадз. Поэт куыд загъта, уымæ гæсгæ гимны ныхæстæ райгуырдысты æнæнхъæлæджы.
"Уыцы рæстæджы Æлборты Феликсы сфæлдыстадимæ уыдтæн зонгæ, фæлæ йын йæхи нæма зыдтон", - загъта Тотрадз.
Тотрадз куыд радзырдта, афтæмæй Феликс уыд диссаджы курдиаты хицау æмæ гимны музыкæ ныфысста иу æхсæвмæ.
"Цалдæр композиторæй мæм æрбацыдысты, зарджытæ кæй фыстон, уый зыдтой, æмæ мæм æрбахатыдысты, гимны ныхæстæ ныфысс, зæгъгæ. Æз сын загътон, гимн хуымæтæг фыссгæ нæу æмæ сæ арвыстон", - банысан кодта Кокайты Тотрадз.
Кокайты Тотрадз уыцы рæстæг æрымысгæйæ банысан кодта, Æлборты Феликс æй йæхæдæг кæй равзæрста, цæмæй гимны ныхæстæ ныффысса. Кæд æмæ Цæгат Ирыстоны конкурсы "Кады зарæг" нæ рамбылдта, уæддæр æй 1995 азы Хуссар Ирыстоны парламент равзæрста паддзахадон гимнæй.
Темӕтӕ:
Годжыцаты Нелли: поэт кæй дæн, ууыл мæхицæн æрæджы басастæн
(ранӕуӕггонд 15:46 25.01.2021)
Цхинвайлаг поэт Годжыцаты Нелли радио Sputnik Хуссар Ирыстоны эфиры радзырдта йе сфæлдыстады тыххæй Ирыстон курдиатджын поэттæй цух нæ уыд, фæлæ сылгоймаг йæ хъуыдытæ рифмæты куы сбæтты, уый уæлдай ахаст домы. Годжыцаты Нелли куыд радзырдта, уымæ гæсгæ поэт кæй у, ууыл йæхицæн æрæджы басаст.
"Мæхицæн загътон, цæй кæмæй æмбæхсын поэт дæн, иугæр уыййас аз рацыд æмæ дзы мæ зæрдæйæн æнцойдзинад исын, уæд афтæ у бæлвырддæр", - загъта Нелли.
Темӕтӕ:
Прокуратурӕ басгӕрста хъусинаг Цхинвалы кафе "Vincenzo"-йы мыздты нӕ фидыны фӕдыл
(ранӕуӕггонд 16:03 26.01.2021)
Генералон прокуратурӕ ауагъта басгӕрст социалон хызӕг Instagram-ы куы ныммыхуыр кодтой информаци уагдоны кусджытӕн мыздты нӕ бафидыны тыххӕй, уый фӕдылЦХИНВАЛ, 26 янв - Sputnik. Хуссар Ирыстоны Генпрокуратурӕ ауагъта басгӕрст столицӕйы кафе "Vincenzo"-йы мыздтӕ нӕ фидыны фӕдыл.
Ӕмбӕлон барамынд радта республикӕйы генпрокурор Дзӕгъиаты Уырызмӕг социалон хызӕг Instagram-ы куы фӕзынд хъусинаг, ома 2020 азы мартӕй фӕстӕмӕ кафейы кусджытӕн мызд нӕ фидынц, уый фӕстӕ.
Уагдоны пресс-службӕ куыд хъусын кӕны, афтӕмӕй прокуророн басгӕрсты рӕстӕджы ӕркастысты мызды фӕдыл документтӕм фарон мартӕй фӕстӕмӕ ныры рӕстӕджы онг периоды.
"Афтӕ ма ӕрныхас кодтой кафейы кусджытимӕ, кӕцытӕ банысан кодтой, мызд сын кӕй фидынц рӕстӕгыл фӕллойады бадзырдты домӕнтӕм гӕсгӕ", - дзырдӕуы хъусинаджы.
Басгӕрсты фӕстиуджытӕм гӕсгӕ, информаци, кӕцы ныммыхуыр кодтой социалон хызӕджы, не сфидар кодтой.