Токаты: хæрзаудæн акцийæн хардзгæнæн æрмæджытæ рарвыстой мæскуыйаг ирæттæ
(ранӕуӕггонд 11:55 21.12.2020)
Цæгат Ирыстоны Тæбæхсауты Балойы номыл академион театры актер Токаты Заурбег радио Sputnik эфиры радзырдта хæрзаудæн акциты тыххæйТокаты: хæрзаудæн акцийæн хардзгæнæн æрмæджытæ рарвыстой мæскуйаг ирæттæ
Коронавирусы эпидеми Хуссар Ирыстоны куы стынг ис, уæд се 'ххуысы къух фæдаргъ кодтой Цæгат Ирыстонæй æвзонг адæмы иу къорд. Токаты Зауырбег радзырдта, хæрзаудæн акцитæн сын кæй баххуыс кодтой ирон адæм, кæцытæ цæрынц республикæйы æддейæ.
"Мæскуыйæ бирæ фервыстой æххуыс, чи сты, уый зонгæ дæр нæ кæнын, сæхи нæ æргом кодтой. Хардзгæнæн æрмæджытæ цы уыд, уыдон иууылдæр сты уыдон æлхæд", - загъта уый.
Заурбеджы нæхæстæм гæсгæ, кæд хосты аргъ бæрæг фæфылдæр, уæддæр сын адæм æххуыс кодтой уыдон æлхæнынæн дæр.
"Хъуыд фæкæсын, æмæ фæкастыстæм. Цыппар акци уыдысты - Къуаисамæ, Цхинвалмæ, Ленингормæ æмæ Знауырмæ", - банысан кодта Токаты Зауырбег.
Лæппу ма бафиппайдта, æрæджы сæм кæй бахатыдысты Европæйы цы ирæттæ цæрынц уыдон дæр, фæнды сæ баххуыс кæнын æмæ та æвæццæгæн ног хæрзаудæн акци сараздзысты Ирыстоны хуссар хаймæ.
Темӕтӕ:
Кокойты Тарзан: Дзуццаты Хадзы-Мураты фæзынд ирон поэзийы уыд уникалон
(ранӕуӕггонд 16:14 22.01.2021)
Хуссар Ирыстоны раздæры депутат Кокойты Тарзан радио Sputnik Хуссар Ирыстоны эфиры радзырдта Дзуццаты Хадзы-Мураты сфæлдыстады тыххæйКокойты Тарзан: Дзуццаты Хадзы-Мураты фæзынд ирон поэзийы уыд уникалон
Ацы аз январы зындгонд ирон поэт, æхсæнадон архайæг, публицист Дзуццаты Хадзы-Муратыл сыххæст уыдаид 86 азы. Кокойты Тарзан куыд загъта, уымæ гæсгæ Хаджийы сфæлдыстад ирон поэзийы æмæ культурæйы уыд уникалон фæзынд.
"Скъола каст куы фæци, уæд йæхи тыхтæй æмæ хъæппæрисæй радта фæлварæнтæ Мæскуыйы Горькийы номыл литературон институтмæ æмæ уый дæр каст фæци сырх дипломыл", - загъта Тарзан.
Кокойты Тарзаны ныхæстæм гæсгæ, Хадзы-Мурат йæ сфæлдыстадæй æнустæм фыст æрцыд ирон поэзийы хæзнадоны, фæлæ иууыл диссагдæр уыд йе 'мбæстагон позици.
"Хаджи хаудта 60-æм азы поэттæм, ахуыр кодта Евгений Евтушенкоимæ æмæ йæхимæ райста уыцы дуджы арф нысаниуджытæ", - банысан кодта Кокойты Тарзан.
Тарзан ма куыд загъта, уымæ гæсгæ Дзуццаты Хадзы-Мурат удыхъæдæй уыд æфсæрмдзæстыг æмæ хуымæтæг адæймаг, фæлæ дзы мидæгæй сыгъд арт.
Лæмбынæгдæр хъусут аудиоæрмæджы.
Темӕтӕ:
Тогойты Альберт: Портал сырæзт курдиатджын фæсивæды иумæйаг тыхтæй
(ранӕуӕггонд 12:11 21.01.2021)
Цæгат Ирыстоны Аивадон порталы къухдариуæггæнæг Тогойты Альберт радио Sputnik Хуссар Ирыстоны радзырдта бæстыхайы арæзтады тыххæйТогойты Альберт: Портал сырæзт курдиатджын фæсивæды иумæйаг тыхтæй
Цæгат Ирыстоны цалдæр азы размæ фæзынд аивадон фæз "Портал", цы ран курдиатджын фæсивæд æвдисынц сæ дæсныйад. Кæд æмæ сын цы бæстыхай рахицæн кодтой, уый нæ уыд иууыл хуыздæр уавæры, уæддæр æй иумæйаг тыхтæй æмбæлон уагмæ кæнынц, арæзтадон куыстытæ цæуынц. Тогойты Альберт куыд радзырдта, афтæмæй ныридæгæн сæйраг куыстытæ фесты.
"Алы хатæны дæр ис рудзынг, дуар, хъармдзинад, æмæ дзы ныр дарддæр чи кусдзæн уыцы æрмадзты, уыдон сæ сæхимæ гæсгæ бацаразæт", - загъта Альберт.
Тогойты Альберты ныхæстæм гæсгæ, Потралы арæзтады иууылдæр райстой хайад, кæмæн куыд уыд йæ бон фæкæсын, уымæ гæсгæ.
Æрæджы дзы уагъд æрцыд равдыст "Хиконд", цы ранмæ фæхуыдтой æрмдæсныты. Альберт куыд банысан кодта, афтæмæй уыдонæн уыд фадат, цæмæй сæ дæсныйадимæ базонгæ кæной равдыстмæ æрбацæуджыты.
Тогойты Альбертæн иууыл тынгдæр йæ зæрдæ барухс, "Хиконд"-ы Хуссар Ирыстоны æрмдæснытæ дæр кæй райстой хайад, уый тыххæй.
Темӕтӕ: