Хъамболты Тамерлан

Хъамболты Тамерлан: скъолаты дыгурон диалект ахуыр кæныны фæнд бирæты бафтыдта катайы

52
(ранӕуӕггонд 13:58 24.12.2020)
Дыгурон диалектыл ахуыр кæнын цæмæннæ бантыст Джæуджыхъæуы скъолаты, уый тыххæй радио Sputnik эфиры радзырдта профессор Хъамболты Тамерлан
Хъамболты Тамерлан: скъолайы дыгурон диалектыл ахуыр кæныны фæнд бирæты катайы бафтыдта

Дзæуджыхъæуы 2020 азы сентябрæй цыппар скъолайы хъуамæ райдыдтаиккой ахуыр кæнын ирон æвзаг дыгурон литературон формæйы. Ацы эксперименты инициатор уыд Хъамболты Тамерлан. Профессор куыд загъта, уымæ гæсгæ ацы эксперимент бирæты бафтыдта катайы.

"Диссаг мæм фæкаст, цыхуызæн реакци уыд уыцы хъуыдыйæн, уый. Суанг ма йæ схуыдтой сепаратистон хъуыды дæр", - загъта Тамерлан.

Ацы хъуыддагыл чи нæ сразы ис, удонæн Тамерлан сæ зæрдыл æрлæууын кодта, дыгурон диалект, куыд мадæлон, афтæ кæй ахуыр кæнынц Дыгуры æмæ Æрæфы районы. Ахуыргонды хъуыдымæ гæсгæ, Дзæуджыхъæуы цы дыгурон бинонтæ цæрынц, уыдонæн хъуамæ уа фадат сæ мадæлон æвзаг ахуыр кæнынæн.

"Сывæллон хæдзары дыгуронау куы дзура, скъолайы та иронау куы райдайа ахуыр кæнын, уæд иу диалектæй дæр нæ фæхай уыдзæн", - банысан кодта Хъамболты Тамерлан.

Кæд æмæ дыгурон диалектыл ахуыр кæныны фадат уыд скъоладзаутæн, уæддæр Тамерлан куыд загъта, уымæ гæсгæ ныййарджыты æхсæн нæ разынд фæндондзинад, цæмæй сæ сывæллæттæ ахуыр кæной ирон æвзаг дыгурон формæйыл.

Лæмбынæг дæр хъусут нæ аудиоæрмæджы.

52
Темӕтӕ:
Радио иронау (123)
Хуссар Ирыстоны гимны автортæ – Кокайты Торадз æмæ Æлборты Феликс

Кокайты Тотрадз: Хуссар Иры "Кады зарæг"-ы ныхæстæ райгуырдысты æнæнхъæлæджы

7
(ранӕуӕггонд 11:24 26.01.2021)
Хуссар Ирыстоны гимны ныхæсты автор, поэт Кокайты Тотрадз радио Sputnik эфиры радзырдта, куыд ныффыста ацы æмдзæвгæ, уый тыххæй
Кокайты Тотрадз: æнæнхъæлæджы райгуырдысты "Кады зарæг"-ы ныхæстæ

Алы бæстæйæн дæр ис паддзахадон символтæ, сæ иу у гимн. Алкæмæн дæр зындгонд у, Хуссар Ирыстоны гимны автортæй сæ иу кæй у Кокайты Тотрадз. Поэт куыд загъта, уымæ гæсгæ гимны ныхæстæ райгуырдысты æнæнхъæлæджы.

"Уыцы рæстæджы Æлборты Феликсы сфæлдыстадимæ уыдтæн зонгæ, фæлæ йын йæхи нæма зыдтон", - загъта Тотрадз.

Тотрадз куыд радзырдта, афтæмæй Феликс уыд диссаджы курдиаты хицау æмæ гимны музыкæ ныфысста иу æхсæвмæ.

"Цалдæр композиторæй мæм æрбацыдысты, зарджытæ кæй фыстон, уый зыдтой, æмæ мæм æрбахатыдысты, гимны ныхæстæ ныфысс, зæгъгæ. Æз сын загътон, гимн хуымæтæг фыссгæ нæу æмæ сæ арвыстон", - банысан кодта Кокайты Тотрадз.

Кокайты Тотрадз уыцы рæстæг æрымысгæйæ банысан кодта, Æлборты Феликс æй йæхæдæг кæй равзæрста, цæмæй гимны ныхæстæ ныффысса. Кæд æмæ Цæгат Ирыстоны конкурсы "Кады зарæг" нæ рамбылдта, уæддæр æй 1995 азы Хуссар Ирыстоны парламент равзæрста паддзахадон гимнæй.

7
Темӕтӕ:
Радио иронау (123)

Годжыцаты Нелли: поэт кæй дæн, ууыл мæхицæн æрæджы басастæн

17
(ранӕуӕггонд 15:46 25.01.2021)
Цхинвайлаг поэт Годжыцаты Нелли радио Sputnik Хуссар Ирыстоны эфиры радзырдта йе сфæлдыстады тыххæй

Ирыстон курдиатджын поэттæй цух нæ уыд, фæлæ сылгоймаг йæ хъуыдытæ рифмæты куы сбæтты, уый уæлдай ахаст домы. Годжыцаты Нелли куыд радзырдта, уымæ гæсгæ поэт кæй у, ууыл йæхицæн æрæджы басаст.

"Мæхицæн загътон, цæй кæмæй æмбæхсын поэт дæн, иугæр уыййас аз рацыд æмæ дзы мæ зæрдæйæн æнцойдзинад исын, уæд афтæ у бæлвырддæр", - загъта Нелли.

17
Темӕтӕ:
Радио иронау (123)
Ивар ӕнӕмбӕлон урӕды тыххӕй: БАМ-мӕ бацӕуӕн нал вӕййы ӕхсӕнадон транспортӕн

Ивар ӕнӕмбӕлон урӕды тыххӕй: БАМ-мӕ бацӕуӕн нал вӕййы ӕхсӕнадон транспортӕн

4
(ранӕуӕггонд 16:50 26.01.2021)
Плиты Ароны уынгыл уӕвӕг Уӕрӕсейы ӕфсӕддон базӕйы кусджытӕ сӕ хӕдтулгӕтӕ кӕй ӕруромынц фӕндаггӕрон, уымӕ гӕсгӕ дзы рӕстмӕ азмӕлӕн нал вӕййы, уый хынцгӕйӕ автоинспекци фӕнд кӕны сӕвӕрын фӕдзӕхсты нысӕнттӕ

ЦХИНВАЛ, 26 янв — Sputnik, Плиты Фатимӕ. Хуссар Ирыстоны столицӕйы БАМ-ы микрорайонмӕ ӕхсӕнадон траспорты фӕндаг сӕхгӕнынц фӕндаггӕрон урӕд хӕдтулгӕтӕ. Автобусы шофрты бахъӕуы фӕндагон змӕлды тӕмӕны фӕстӕмӕ цыдӕй бацӕуын лӕууӕндонмӕ.

Цхинвалы ӕфсӕддон городокмӕ фӕндаг Плиты Ароны уынгыл фарон цалцӕг куы цыд уӕддӕр ссис хъаугъайаг, уӕд цӕрджытӕ домтой цӕмӕй йӕ фӕуӕрӕхдӕр кӕной. Фӕндаг арӕзт ӕрцыд домӕнтӕм гӕсгӕ, уӕддӕр разынд проблемон. Ам уӕвӕг Уӕрӕсейы ӕфсӕддон базӕйы кусджытӕ сӕ хӕдтулгӕтӕ кӕй ӕруромынц, уымӕ гӕсгӕ дзы рӕстмӕ азмӕлӕн нал вӕййы.

"Фӕндаг арӕзт куы фӕцис, уӕд фӕндаггӕрон сӕвӕрдтой бордюртӕ. Раздӕр ӕфсӕддонтӕ кӕд сӕ хӕдулгӕтӕ урӕдтой Афганистаны хӕстонты цырты цур, уӕд дзы ныр бахизӕн нал ис. Уымӕ гӕсгӕ фӕндаггӕрон байдзаг вӕййы хӕдтулгӕтӕй ӕмӕ рейсон автобустӕн нал вӕййы бацӕуӕн",- загъта районы цӕрӕг Эльбрус.

Ӕрӕджы рейсон автобус уынгӕг фӕндагыл раскъуыдта йӕ кӕсӕн, хӕдтулгӕйы бардарӕг домы дӕс мин.

Припаркованные вдоль дорог машины мешают движению общественного транспорта в Цхинвале
© Sputnik / Фатима Плиева
Хуссар Ирыстоны столицӕйы БАМ-ы микрорайонмӕ ӕхсӕнадон траспорты фӕндаг сӕхгӕнынц фӕндаггӕрон урӕд хӕдтулгӕтӕ

Фарст алыг кӕныны нысанӕн паддзахадон автоинспекци сӕвӕрдта пост.

"Уавӕр хынцгӕйӕ мах сӕвӕрдам уӕлӕмхас пост ацы ран. Нӕ инспектортӕ сӕ хъус дарынц уавӕрмӕ райсом 7:30-ӕй 9 сахатмӕ Фӕстӕдӕр ам сывӕрдзыстӕм фӕндагон нысӕнттӕ, кӕцытӕ фӕдзӕхсдзысты, цӕмӕй ам хӕдулгӕтӕ ма уромой. Фӕткхалджытӕ ивар цӕуыдзысты", - загъта Sputnik паддзахадон автоинспекцийы агитаци ӕмӕ пропагандӕйы хистӕр инспектор Уалыты Альма.

Припаркованные вдоль дорог машины мешают движению общественного транспорта в Цхинвале
© Sputnik / Фатима Плиева
Хуссар Ирыстоны столицӕйы БАМ-ы микрорайонмӕ ӕхсӕнадон траспорты фӕндаг сӕхгӕнынц фӕндаггӕрон урӕд хӕдтулгӕтӕ
4