Хъуылымбегты Роберт:

Хъуылымбегты Роберт: Сталин куыд адæймаг æмæ куыд политик хицæн кæны

32
(ранӕуӕггонд 14:08 02.01.2021)
Зонад-иртасæн институты кусæг, этнограф Хъуылымбегты Роберт радио Sputnik Хуссар Ирыстоны радзырдта Сталины тыххæй
Хъуылымбегты Роберт: Сталин куыд адæймаг æмæ куыд политик хицæн кæны

Ныхас куы цæуы Сталиныл, уæд иу хъуыды æмæ иу дзырдæй нæй гæнæн саргъ кæнын уыцы адæймагæн, у историк Хъуылымбегты Роберты хъуыды. Йæ ныхæстæм гæсгæ, Сталин куыд адæймаг æмæ политик хицæн кæны.

"Кæд Ленин æмæ Троцкий революци сарæзтой, уæд Советон паддзахад та сарæзта Сталин. Хорз уыд æви æвзæр уыд, уый тæххæй нæ бон бирæ дзурын у, фæлæ уый у факт", - банысан кодта Роберт.

Хъуылымбегты Роберты ныхæстæм гæсгæ, советон паддзахад Сталины рæстæджы ссис хъомысджын æмæ уæвынад кодта 70 азы.

"Сталинмæ фау хæссынц, фыццаджыдæр, 1937 азы репреситы тыххæй. Стæй ма ноджы, Советон паддзахад кæд хуынд, уæддæр дзы советонæй ницы уыд", - бафиппайдта этнограф.

Роберт куыд банысан кодта, афтæмæй Конституцимæ гæсгæ паддзахады сæргъ хъуамæ лæууыдаит Калинин, Сталин та уыд Компартийы сæрдар, æмæ уый дæр хæлдта иууыл сæйрагдæр фæтк.

Лæмбынæг дæр хъусут аудиоæрмæджы.

32
Темӕтӕ:
Радио иронау (147)
Зассеты Мераб

Зассеты Мераб: Хуссар Иры музейы æрмæг бæлвырд кæны ирон адæмы рагон истори

6
(ранӕуӕггонд 12:38 02.04.2021)
Национ музейы сæргълæууæг Зассеты Мераб радио Sputnik Хуссар Ирыстоны эфиры радзырдта йæ дæлбар культурон уагдоны куысты тыххæй
Зассеты Мераб: нæ музейы цы æрмæг ис, уый бæлвырд кæны нæ рагон истори

Дунейы цы фæнды бæстæйы музейæн дæр ис стыр нысаниуæг, уымæн æмæ уым æвдыст æрцæуы бæстæйы истори, банысан кодта Зассеты Мераб. Йæ ныхæстæм гæсгæ, Хуссар ирыстоны Национ музейы цы æрмæг ис, уый та бæлвырд кæны ирон адæмы рагон истори.

"Мах цы историмæ барстам нæхи, уый уыд тынг къуындæг, уымæн æмæ нæ историйæ мах зыдтам, 18 æнусы кæмдæр хæхты кæй разындыстæм. Уæдмæ нын цы истори уыд, уый бæрæг нæ уыд", - загъта Мераб.

Зассеты Мераб куыд банысан кодта, уымæ гæсгæ стыр бузныджы аккаг сты уыцы ахуыргæндтæ, кæцытæ сæ цард снывонд кодтой нæ рагон истори сбæлвырд кæнынæн.

"Уый æрмæст мах истори нæ уыд, фæлæ индоевропæйаг культурæимæ цы адæмтæ сты баст, æппæт уыдоны. Мах уыцы адæмæн уыдыстæм сæ астæуыстæг", - бафиппайдта музейы сæргълæууæг.

6
Темӕтӕ:
Радио иронау (147)
Джусойты Сослан

Джусойты Сослан: Къостайы "Додой" у Иры адæмы сомбон фæхуыздæр кæныны инструкци

6
(ранӕуӕггонд 12:59 02.04.2021)
Ирон литературæйы табугæнæг Джусойты Сослан радио Sputnik Хуссар Ирыстоны эфиры радзырдта Къостайы æмдзæвгæ "Додой"-ы нысаниуæджы тыххæй
Джусойты Сослан: Къостайы æмдзæвгæ "Додой" у баст Ирыстоны сомбоныл

Ирон гениалон поэт Хетæгкаты Къостайæн скъолайы программæмæ бирæ æмдзæвгæтæ ис хаст, уыдон нымæцы "Додой" дæр. Иуæй-иу чиныгкæсджытæ не сты разы, ацы æмдзæвгæ кæй ис скъолайы программæйы, уыйимæ. Джусойты Сосланы хъуыдымæ гæсгæ, æмдзæвгæ "Додой" хъуамæ уа скъолайы программæйы, фæлæ йæ сывæллæттæн хъæуы раст амонын.

"Æмдзæвгæ "Додой" у сидт, Къоста фыссы цы зын уавæры сты ирон адæм, стæй уæд зæгъы, цæмæй исчи арфæйы ныхас ракæна, цæмæй æрбамбырд уæм. Сæйрагдæр та йæ пафос ис "фезмæлæт исчи лæгауы", - загъта уый.

Сосланы хъуыдымæ гæсгæ, советон дуджы ацы æмдзæвгæйы федтой революцион змæлды миниуджытæ æмæ йæ уымæн рахастой рæгъмæ.

"Иу фиппаинаг ма мæм ис. Коцойты Арсен йæ мысинæгты фыста, зæгъгæ, 1898 азы Дзуджыхъæуы хъуамæ уыдаид ахуыргæнджыты æмбырд æмæ айхъуыст, Къоста дæр дзы кæй уыдзæн, уый. Арсен фыста, уыцы æмбырды "Додой" кæй азарыд Æмбалты Цоцко. Уый фæстæ раныхас кодта Къоста æмæ йæ сидт уыд иудзинадмæ, ома æрбаиу уæм æмæ нæ царды уавæртæ фæхуыздæр уой", - банысан кодта литературæйы табугæнæг.

Джусойты Сослан ма куыд бахахх кодта, уымæ гæсгæ, "Додой" у гениалон æмдзæвгæ æмæ дзы ис ирон адæмæн сæ сомбоны цардуавæр фæхуыздæр кæныны инструкци.

6
Темӕтӕ:
Радио иронау (147)
Цхинвалы футболисттӕ фембылд сты Аланийӕн Цӕгат Иры фыццагады

"Цхинвалы" футболисттӕ фембылд сты "Аланийӕн" Цӕгат Иры фыццагады

2
(ранӕуӕггонд 14:22 13.04.2021)
Цӕгат Ирыстоны чемпионаты дыккаг хъазты фыццаг таймы цхинвайлаг футболисттӕ фӕхӕрд сты 0:5 хыгъдӕй

ЦХИНВАЛ, 13 апр — Sputnik. Хуссарирыстойнаг командӕ "Цхинвал"-ы футболисттӕ Цӕгат Ирыстоны чемпионаты дыккаг матчы фӕхӕрд сты бынӕттон "Аланийӕн", хъусын кӕны РХИ фӕсивӕдон политикӕ ӕмӕ спорты комитеты пресс-службӕ.

Футболисты Цхинвала уступили Алании на чемпионате Северной Осетии
"Цхинвалы" футболисттӕ фембылд сты "Аланийӕн" Цӕгат Иры фыццагады

Командӕйы сӕйраг тренер Коцты Сосланы ныхӕстӕм гӕсгӕ, фыццаг таймы цхинвайлаг футболисттӕн уыд хорз фадӕттӕ рамбулынӕн, фӕлӕ ауагътой цалдӕр хорз моменты.

"Фыццаг таймы командӕйы капитан Джиджойты Сослан райста травмӕ, ӕмӕ уый фӕстӕ хъазд бынтондӕр нал ацыд. Уымӕй дарддӕр ма командӕ у ӕвзонг - нӕ сын фаг кӕны фӕлтӕрддзинад", - банысан кодта футболистты тренер.

Хъазт ахицӕн 0:5 хыгъдӕй. Уый адыл командӕ "Цхинвал" ахсы ӕхсӕзӕм бынат Цӕгат Иры чемпионаты.

2