Альберт Тогоев

Тогойты Альберт: Портал сырæзт курдиатджын фæсивæды иумæйаг тыхтæй

11
(ранӕуӕггонд 12:11 21.01.2021)
Цæгат Ирыстоны Аивадон порталы къухдариуæггæнæг Тогойты Альберт радио Sputnik Хуссар Ирыстоны радзырдта бæстыхайы арæзтады тыххæй
Тогойты Альберт: Портал сырæзт курдиатджын фæсивæды иумæйаг тыхтæй

Цæгат Ирыстоны цалдæр азы размæ фæзынд аивадон фæз "Портал", цы ран курдиатджын фæсивæд æвдисынц сæ дæсныйад. Кæд æмæ сын цы бæстыхай рахицæн кодтой, уый нæ уыд иууыл хуыздæр уавæры, уæддæр æй иумæйаг тыхтæй æмбæлон уагмæ кæнынц, арæзтадон куыстытæ цæуынц. Тогойты Альберт куыд радзырдта, афтæмæй ныридæгæн сæйраг куыстытæ фесты.

"Алы хатæны дæр ис рудзынг, дуар, хъармдзинад, æмæ дзы ныр дарддæр чи кусдзæн уыцы æрмадзты, уыдон сæ сæхимæ гæсгæ бацаразæт", - загъта Альберт.

Тогойты Альберты ныхæстæм гæсгæ, Потралы арæзтады иууылдæр райстой хайад, кæмæн куыд уыд йæ бон фæкæсын, уымæ гæсгæ.

Æрæджы дзы уагъд æрцыд равдыст "Хиконд", цы ранмæ фæхуыдтой æрмдæсныты. Альберт куыд банысан кодта, афтæмæй уыдонæн уыд фадат, цæмæй сæ дæсныйадимæ базонгæ кæной равдыстмæ æрбацæуджыты.

Тогойты Альбертæн иууыл тынгдæр йæ зæрдæ барухс, "Хиконд"-ы Хуссар Ирыстоны æрмдæснытæ дæр кæй райстой хайад, уый тыххæй.

11
Темӕтӕ:
Радио иронау (135)
Мамиты Григорий

Мамиты Григорий: ног проект сразæнгард кæндзæн фæсивæды професси равзарынмæ

17
(ранӕуӕггонд 09:05 02.03.2021)
Актер, режиссер Мамиты Григорий радио Sputnik Хуссар Ирыстоны эфиры радзырдта ног проект "Алло, мах агурæм амонæг"-ы тыххæй
Мамиты Григорий: ног проект сразæнгард кæндзæн сомбоны професи равзарыныл

Паддзахадон телеуынынад кæны ног проект "Алло, мах агурæм амонæг" хистæркъласонты 'хсæн. Проекты автортæй сæ иу Мамиты Григорий куыд радзырдта, уымæ гæсгæ ацы конкурс сбæрæг кæндзæн рæзгæ фæлтæры курдиат дæр, æмæ ма сæ сразæнгард кæндзæн сомбоны професси равзарынмæ дæр.

"Гæнæн ис æмæ сæ искæй бацымыдис кæна сомбоны профессийæн æмæ суой телеуынынады амонджытæ", - банысан кодта Григорий.

Проекты авторы ныхæстæм гæсгæ, конкурс уагъд цæудзæн 9-11 кълæсты ахуыргæнинæгты 'хсæн, уымæн æмæ ацы кары сывæллæттæ райдайынц хъуыды кæнын сæ сомбоны професийыл.

"Ныридæгæн хайадисджыты нымæц схыст 70 онг, æз уый æнхъæл нæ уыдтæн æмæ сæ афтæ бацымыдис кæндзæн ацы проект", - бафиппайдта Мамиты Григорий.

Хайадисджыты нымæц бирæ кæй у, уый тыххæй проекты автортæ фæивдзысты сæ раздæры план.

17
Темӕтӕ:
Радио иронау (135)

Пæррæстаты Дмитрий: театралон дунейы ис бирæ стереотиптæ

14
(ранӕуӕггонд 13:53 25.02.2021)
Хуссар Ирыстоны адæмон артист Пæррæстаты Дмитрий радио Sputnik эфиры радзырдта йæ дæсныйады тыххæй

Пæрæстаты Дмитрий куыд радзырдта, уымæ гæсгæ чысылæй фæстæмæ йæ бæллиц уыд актер суӕвын. Фӕлӕ, йӕ ныхӕстӕм гӕсгӕ, уыцы рæстæджы уыд æндыгъд уавæр æрмæст Хуссар Ирыстоны нæ, фæлæ æмтгæй Советон Цæдисы.

"Уæрæсейæ æрцыд хонӕн фыстæг нæхимæ, цы ран фадат лæвæрдтой Мæскуыйы Щепкины номыл уæлдæр театралон ахуыргӕнӕндонмӕ бацӕуынӕн. Æртымбыл стæм 20 адæймаджы бæрц æмæ ацыдыстым ахуырмæ", - дзуры Дмитрий.

Бӕстондӕрӕй - нӕ видеоӕрмӕджы

14
Темӕтӕ:
Радио иронау (135)
Хуссар Иры сæндидзын кодтой электроифтонгад

Хуссар Иры сæндидзын кодтой электроифтонгад

3
(ранӕуӕггонд 14:30 03.03.2021)
Аварийы аххосагæй, кæцы рцыд электрохаххыл æртыццæджы цæгатирыстойнаг хайы, Хуссар Ирыстон баззад æнæ рухсæй

ЦХИНВАЛ, 2 мар – Sputnik, Козаты Диана. Хуссар Иры сæндидзын кодтой электроифтонгад. Республикæ æнæ рухсæй баззад дыууæ сахаты бæрц цæгатирыстойнаг хайы электрохаххыл аварийы аххосæй.

"Нæ коллегатæ тагъд аиуварс кодтой электрохаххыл авари. Ныридæгæн Хуссар Ирыстонмæ электроэнерги цæуы хуымæтæг режимы", - загътой Паддзахадон унитарон куыстуат "Энергоресурс"-ы.

Хуссар Ирыстонмæ электроэнерги цæуы Уæрæсейæ электрохахх  "Зæрæмæг — Цæгаттаг портал — Дзау"-ыл. Азы кæронмæ Хуссар Иры фæнд кæнынц саразын фæстауæрцон хахх.

3