Кокойты Тарзан

Кокойты Тарзан: Дзуццаты Хадзы-Мураты фæзынд ирон поэзийы уыд уникалон

34
(ранӕуӕггонд 16:14 22.01.2021)
Хуссар Ирыстоны раздæры депутат Кокойты Тарзан радио Sputnik Хуссар Ирыстоны эфиры радзырдта Дзуццаты Хадзы-Мураты сфæлдыстады тыххæй
Кокойты Тарзан: Дзуццаты Хадзы-Мураты фæзынд ирон поэзийы уыд уникалон

Ацы аз январы зындгонд ирон поэт, æхсæнадон архайæг, публицист Дзуццаты Хадзы-Муратыл сыххæст уыдаид 86 азы. Кокойты Тарзан куыд загъта, уымæ гæсгæ Хаджийы сфæлдыстад ирон поэзийы æмæ культурæйы уыд уникалон фæзынд.

"Скъола каст куы фæци, уæд йæхи тыхтæй æмæ хъæппæрисæй радта фæлварæнтæ Мæскуыйы Горькийы номыл литературон институтмæ æмæ уый дæр каст фæци сырх дипломыл", - загъта Тарзан.

Кокойты Тарзаны ныхæстæм гæсгæ, Хадзы-Мурат йæ сфæлдыстадæй æнустæм фыст æрцыд ирон поэзийы хæзнадоны, фæлæ иууыл диссагдæр уыд йе 'мбæстагон позици.

"Хаджи хаудта 60-æм азы поэттæм, ахуыр кодта Евгений Евтушенкоимæ æмæ йæхимæ райста уыцы дуджы арф нысаниуджытæ", - банысан кодта Кокойты Тарзан.

Тарзан ма куыд загъта, уымæ гæсгæ Дзуццаты Хадзы-Мурат удыхъæдæй уыд æфсæрмдзæстыг æмæ хуымæтæг адæймаг, фæлæ дзы мидæгæй сыгъд арт.

Лæмбынæгдæр хъусут аудиоæрмæджы.

34
Темӕтӕ:
Радио иронау (133)
Годжыцаты Нелли

Годжыцаты Нелли: æмдзæвгæтæ фысгæйæ мæ зæрдæ исы æхцондзинад

7
(ранӕуӕггонд 12:43 20.02.2021)
Ирон поэт Годжыцаты Нелли радио Sputnik Хуссар Ирыстоны эфиры лæмбынæг радзырдта йе сфæлдыстадыл æмæ поэзийы тыххæй
Годжыцаты Нелли: æмдзæвгæтæ фыссгæйæ мæ зæрдæйæн æхцондзинад исын

Ирыстон курдиатджын поэттæй цух нæ уыд, фæлæ сылгоймаг йæ хъуыдытæ рифмæты куы сбæтты, уый уæлдай ахаст домы. Годжыцаты Нелли куыд радзырдта, уымæ гæсгæ поэт кæй у, ууыл йæхицæн æрæджы басаст.

"Мæхицæн загътон, цæй, кæмæй йæ æмбæхсын, поэт кæй дæн, иугæр уыййас аз рацыд æмæ дзы мæ зæрдæйæн æнцойдзинад исын, уæд афтæ у бæлвырддæр", - загъта Нелли.

Неллийы ныхæстæм гæсгæ, фыццаг æмдзæвгæ ныфысста скъолайы 6 къласы куы ахуыр кодта, уæд æмæ йын мыхуыры дæр рацыд.

"Уæд ма нæ цытджын поэттæ удæгас уыдысты: Козаты Исидор, Икъаты Владимир, Æлборты Хадзы-Умар, Дзуццаты Хадзы-Мурат, Миндиашвили Серго. Тынг мыл аудыттой, уæлдай хорз ахаст сæм уыд мæнмæ", - бафиппайдта Нелли.

Поэтессæ куыд банысан кодта, уымæ гæсгæ йæ иууыл стырдæр критиктæ сты йæ бинонтæ. Уый фидарæй уырны, критикæйæн кæй ис хорз фæстиуджытæ.

Лæмбынæгдæр хъусут нæ аудиоæрмæджы.

7
Темӕтӕ:
Радио иронау (133)
Гæбæраты Юрий

Гæбæраты Юрий: интернеты бон нæу мыхуыры куыст æрдæлæмæ кæнын

8
(ранӕуӕггонд 10:45 24.02.2021)
Газет "Хурзæрин"-ы сæйраг редактор Гæбæраты Юрий радио Sputnik эфиры радзырдта интернет ӕмæ мыхуыры фæрæзты конкуренцийы тыххӕй
Гæбæраты Юрий: интернетæн йæ бон нæу мыхуыры куыст æрдæлæмæ кæна

Интернет алы адæймаджы царды дæр ахсы ахсджиаг роль, уымæ гæсгæ мыхуыры фæрæзтæ фæсфæд аззайынц. Гæбæраты Юрий куыд зæгъы, уымæ гæсгæ интернет æмæ газет конкуренци ма хъуамæ кæной.

"Мыхуыры фæрæзтæ куыд æмбæлы афтæ куы кусой, сæ разы лæуæг хæстæ куы æххсæт кæной, уæд интернетæн йæ бон нæу æмæ мыхуыры куыст æрдæлæмæ кæна, кæнæ йын йæ фæндæгтæ сыхгæна", - загъта Гæбæраты Юрий.

Редакторы ныхæстæм гæсгæ, кæд интернет тагъддæр дæтты информаци, уæд газеты куыс та у бындурондæр.

"Уымæ гæсгæ мæм афтæ кæсы æмæ газетты мæ журналты куысты интернет хъыгдаргæ дӕр нæ кæны", - банысан кодта уый.

Сæйраг редактор йæ катайдзинад равдыста, чиныг æмæ газеткæсджыты нымæц кæй фæкъаддæр ис, уый фæдыл.

Лæмбынæгдæр хъусут аудиоæрмæджы.

8
Темӕтӕ:
Радио иронау (133)
Тӕрхондон

Гæджиты Регинайы марæгæн аскъуыддзаг кодтой 16 азы ахæст

3
(ранӕуӕггонд 16:52 24.02.2021)
Тъехты Вадим бацыд йæ раздæры æмкъайы куыстмæ æмæ йæ ныццавта кардæй 15 хаттæй фылдæр. Чызг райсгæ цæфтæй амард реанимацийы

ЦХИНВАЛ, 24 фев — Sputnik. Тæрхондон аскъуыддзаг кодта Дзæуджыхъæуы цæрæг Тъехты Вадимæн, кæцы амардта йæ раздæры бинойнаджы, 16 азы карз режимы колонийы фæбадын. Уый тыххæй хъусын кæнынц Крылья TV.


2019 азы сентябры Дзӕуджыхъӕуы 31-аздзыд цӕрӕг Тъехты Вадим бирӕ хатт ныццавта кардӕй йӕ раздӕры цардӕмбалы, уый фӕстӕ йӕхи бааууон кодта цауы бынатӕй. Фӕстӕдӕр фыдгӕнӕг йӕхи къахӕй бацыд барадхъахъхъӕнӕг органтӕм.

Дохтыртӕ архайдтой ӕппӕты амӕлттӕй дӕр чызджы аирвӕзын кӕныныл, фӕлӕ иу къуырийы фӕстӕ уый амард Дзӕуджыхъӕуы республикон клиникон рынчындоны.

Куыд рабӕрӕг, афтӕмӕй ма лӕппу раздӕр дӕр уыд тӕрхоны ӕнӕниздзинадӕн карз зиан ӕрхӕссын ӕмӕ наркотикон буарадты ӕнӕзаконон зылды тыххӕй. Афтӕ ма фыдгӕнӕг 2017 азы дӕр ивар ӕрцыд 5 мин сомы чызджы фӕнӕмыны тыххӕй.

Цӕгат Иры прокуратурӕйы ма банысан кодтой, зӕгъгӕ, тӕрхондон ноджы аскъуыддзаг кодта, цӕмӕй марӕг зианджын бинонтӕн бафида компенсаци ӕртӕ милуан сомы бӕрц.

3