Ирон терминты цухдзинад: Плиты Къоста Телеграм ирон æвзагмæ раивыны зындзинæдты тыххæй
(ранӕуӕггонд 12:52 09.02.2021)
Телеграм канал ирон æвзагмæ рацаразæг Плиты Къоста радио Sputnik-ы радзырдта, куыд æм фæзынд уыцы хæрзиуæгон хъуыды, уый тыххæйПлиты Къоста: фадат фæзынд Телеграм канал ирон æвзагмæ раивын
Телеграм каналы пайдагæнджытæн фадат фæзынд, цæмæй йын йæ интерфейс кæсой иронау. Йæ рацаразæг Плиты Къоста куыд загъта, уымæ гæсгæ Телеграмы къухдариуæгад куы радта ахæм фадат, уæд дзы уый уайтагъддæр спайда кодта.
"Вячеслав Иванов у "В Контакте"-йы ирон версийы бындурæвæрæг, афтæ ма ирон Википедийы автор, æмæ мын уый феххуыс мæ куысты", - загъта Къоста.
Лæппуйы ныхæстæм гæсгæ, зындзинæдтæ бавзæрстой техникон фарстыты.
"Ирон дамгъæ "Æ" кирилицæйы арæх не 'мбæлы, стæй кливиатурæйы дæр нæй, æмæ уый мидæг уыд йæ зындзинад. Афтæ ма бирæ терминтæ не сты тæлмацгонд ирон æвзагмæ æмæ уым дæр агуырдтон эквиваленттæ", - банысан кодта Плиты Къоста.
Къоста ма куыд радзырдта, уымæ гæсгæ æрæджы ныффыста чиныг ирон æвзагыл Java æвзагы тыххæй, цы ран раиртæста, цы техникон миниуджытæ æмæ конструкцитæ ис уыцы æвзаджы. Чиныг æрвыст æрцыд литературон преми "Булæмæргъ"-мæ, æмæ ныр автор æнхъæлмæ кæсы хатдзæгтæм.
Темӕтӕ:
Дзиццойты Юрий: ирон æвзагæн йæ уидаг у тынг фидар
(ранӕуӕггонд 10:03 11.06.2021)
ХИПУ ирон æвзаг æмæ æвзагзонынады кафедрæйы хистæр Дзиццойты Юрий радио Sputnik Хуссар Ирыстоны эфиры радзырдта ирон æвзаджы куыд хъæуы пайда кæнын æрбайсгæ дзырдтæй, ууылДзиццойты Юрий: ирон æвзагæн йæ уидаг тынг фидар у
Нырыккон цардыл интернет тынг кæй бандæвта, уый сусæг нæу, фæлæ ма уыимæ иумæ ирон æвзаджы фæзынд ног ныхæстæ дæр. Цас тæссаг сты æвзагæн, æмæ сæ куыд хъæуы пайда кæнын, уый тыххæй радзырдта Дзиццойты Юрий. Ахуыргонды хъуыдымæ гæсгæ, уыцы ног дзырдтæ хъæуы адаптаци кæнын.
"Уыцы проблемæ алы хатт дæр уыд, æмæ алы æвзаджы раз дæр лæууыд. Хуымæтæг цæвиттон уын æрхæссон, нардитæ фæзындысты персæгтæм æмæ уырдыгæй рацæугæйæ сæ нæмттæ дæр семæ рацыдысты", - радзырдта Юрий.
Дзиццойты Юрийы ныхæстæм гæсгæ, уынгæг къабазыл цы æрцæуы арæзт, уымæн нæ хъæуы ивын йæ терминалоги.
"Цыдæртæ дзы гæнæн ис мæ къалькъагонд æрцæуой, кæцыдæр терминтæн дзы ис ирон æвзаджы дæр æрымысæн ныхæстæ. Фæлæ æмткæй сисгæйæ, фæзынд йæхæдæг чи у, цы реали æвдисы, уый æндæр ранæй æрбацыд æд терминалоги, æмæ уымæй тæрсын нæ хъæуы", - бафиппайта ахуыргонд.
Дзиццойты Юрий банысан кодта, æвзагзонынады фæзыны хатæй хатт пуристтæ, кæцытæ архайынц æвзаджы сыгъдæгдзинад бахъахъхъæныныл, фæлæ уыдон ныхмæ йæ рæстæджы дзырдта Калоты Хазби, зындгонд ирон поэт. Хазби дзырдта, ома ирон æвзагмæ дзырдтæ æрбайсынæй нæ хъæуы æфсæрмы кæнын.
Лæмбынæгдæр хъусут нæ аудиоæрмæджы.
Темӕтӕ:
Къуылыхты Анна: алӕвӕрд "Аннӕрдыгӕй бакаст"-ы уазджытӕ фыццаг дӕр цымыдис кӕнынц нӕхи
(ранӕуӕггонд 15:11 07.06.2021)
Алӕвӕрд «Аннӕрдыгӕй баксаты» Къуылыхты Анна радио Sputnik Хуссар Ирыстоны эфиры радзырдта куыд куысты тыххӕйКъуылыхты Анна: нӕ алӕвӕрды уазджытӕ фыццаг дӕр цымыдис кӕнынц нӕхи
Хуссар Иры паддзахадон радиостанц Ир-FM амонӕг Къуылыхты Анна куыд радзырдта, уымӕ гӕсгӕ сӕ алӕвӕрд "Аннæрдыгæй бакаст"-мæ цы уазджытӕ ӕрбацӕуынц, уыдон фыццаджыдӕр фæцымыдис кӕнынц сӕхи куыд гоймӕгтӕ, афтӕ. Алӕвӕрды фӕлгӕтты фӕхонынц студимӕ уазджыты ӕмӕ семӕ фæныхас кӕнынц комкоммӕ эфиры.
"Ирон ӕвзагыл эфир уадзыны хъуыды мӕ зӕрдӕмӕ фӕцыд, фӕлӕ йӕ кӕронмӕ не ‘мбӕрстон, куыд уыдзӕн, уый. Нӕ уазджытӕ фыццаг дӕр цымыдис кӕнынц нӕхи ӕмӕ алыхатт дӕр нӕ ныхас рауайы тынг зӕрдӕмӕдзӕугӕ", - радзырдта Анна.
Амонæг радзырдта, зæгъгæ, тынг цымыдисон уыд, алӕвӕрдӕн ном куы ӕвзӕрстой, уыцы хабар. Уый бафиппайдта, студийы уазджытӕм развӕлгъау фарстытӕ кӕй нӕ арвитынц, кӕд ӕмӕ хаттӕй-хатт уыдон фæдомынц уый, уӕддӕр.
Темӕтӕ: