Гасситы Ацæмæз

Гасситы Ацæмæз: Хуыцауæй ратгæ курдиатыл дæр æрвылбон хъæуы кусын

8
(ранӕуӕггонд 12:54 15.03.2021)
Æлборты Феликсы номыл музыкалон ахууыргæнæндоны вокалы педагог Гасситы Ацæмæз радио Sputnik Хуссар Ирыстоны эфиры радзырдта йæ профессийы тыххæй
Гасситы Ацæмæз: Хуыцауæй радтгæ курдиатыл дæр æрвылбон кусын хъæуы

Цхинвалы музыкалон ахуыргæнæндоны иннæ хайæдты æмрæнхъ ис вокалон хайад, уым ахуыргæнджытæй сæ иу у Гасситы Ацæмæз. Уый куыд радзырдта Sputnik, афтæмæй музыкалон хахх равзæрста уымæн æмæ йæ фæндыд йæ фарстытæн дзуаппытæ ссарын.

"Фæндыд мæ ноджы фылдæр базонын, уымæн æмæ мæм бирæ фарстытæ фæзынд ирон культурæйы тыххæй, кæцытæн нæ райстон дзуапп", - загъта Ацæмæз.

Уый фидарæй æууæнды, æрдзæй ратгæ курдиатыл дæр кæй хъæуы кусын.

"Хуыцау дын цы курдиат радта, уый хъуамæ æрвылбон дæр хуыздæр кæнай. Атфæ мачи зæгъæд, ома сахуыр кодтон æмæ ныр алцы дæр зонын", - бафиппайдта Ацæмæз.

Гасситы Ацæмæзы банысан кодта, зæгъгæ ирон культурæйы райрæзтыл хъуамæ кусой ирæттæ сæхæдæг, цæмæй дзы хорзырдæм ивындзинæдтæ æрцæуа.

8
Темӕтӕ:
Радио иронау (185)
Дана Бесаты

Бесаты Дана: "Монзӕл"-ы репертуары ис ирон композиторты уацмыстӕ ӕмӕ адӕмон мелодитӕ

62
(ранӕуӕггонд 11:08 28.07.2021)
Цӕгат Ирыстоны музыкалон къорд "Монзӕл"-ы уӕнг Бесаты Дана радио Sputnik Хуссар Ирыстоны эфиры радзырдта сӕ ансамбль ӕмӕ репертуары тыххӕй
Бесаты Дана: ирон композиторты уацмыстӕй ӕмӕ адӕмон мелодитӕй дардтӕр ма нын фӕзынд нӕхи композицитӕ дӕр

Музыкалон къорд "Монзӕл" Цӕгат Ирыстоны фӕзынд 2016 азы. Къорды уӕнг Бесаты Дана куыд радзырдта, уымӕ гӕсгӕ хицӕн музыкантты иумӕ ӕрӕмбырд кӕныны фӕнд фыццаг фӕзынд зындгонд ирон режиссер Джусойты Муратмӕ.

"Мурат нӕ алкӕй дӕр хицӕнӕй зыдта ӕмӕ нӕ фӕхуыдта иумӕйаг программӕ саразынмӕ. Афтӕ фӕзынд хъуыды – скӕнӕм къорд, зӕгъгӕ", - загъта Дана.

Музыканты ныхӕстӕм гӕсгӕ, райдианы сӕ къорды уыд иу хайадисӕг, кӕцы ӕрцыд уӕрӕсейаг горӕт Рязанӕй - Ольга Стенина. Уый цалдӕр азы цард Ирыстоны ӕмӕ ирон поэтты ӕмдзӕвгӕтыл фыста зарджытӕ ӕмӕ сӕ зарыд ирон ӕвзагыл.

"Зындгонд кафӕг Кокайты Алан нын 2016 азы фехъуыста нӕ концерт ӕмӕ нӕ ӕрбахуыдта хайад райсын ирон ӕвзаджы бӕрӕгбоны цытӕн мадзалы 15 майы. Уыцы бон ӕнӕхъӕн концерт радтам горӕты парчы ӕмӕ нӕ уый фӕстӕ хонын байдыдтой алыгъуызон мадзӕлттӕм", - банысан кодта Бесаты Дана.

Уый ма куыд бафиппайдта, уымӕ гӕсгӕ кӕд фыццаг сӕ репертуары цагътой ирон композиторты уацмыстӕ ӕмӕ адӕмон мелодитӕ, уӕд сын фӕстӕдӕр фӕзынд сӕхи композицитӕ дӕр.

62
Темӕтӕ:
Радио иронау (185)

Ӕвзонг натуралистты станцы ис уӕлӕмхас ахуыр райсыны фадат - директор

13
(ранӕуӕггонд 12:47 12.07.2021)
Этнограф, зонад-иртасӕн институты кусӕг Мӕргъиты Ирбег радио Sputnik Хуссар Ирыстоны эфиры радзырдта йӕ зонадон къахдзӕфтӕ куыд райдыдта уый тыххӕй

Мӕргъиты Ирбег Зонад-Иртасӕн институты кусы 2006 азӕй фӕстӕмӕ. Этнографийы фадыджы равзӕрста хъахъхъӕнӕн арӕзтӕдтӕ ӕмӕ цыртдзӕвӕнтӕ сбӕрӕг кӕныны куыст.

Уый куыд банысан кодта, афтӕмӕй Цхинвалы скъоладзаутӕн ис уавӕртӕ, цӕмӕй скъолайы программӕйӕ дарддӕр равзарой алыгъуызон кружоктӕ. Ахӕм уӕлӕмхас ахуыр райсыны фадат ис Ӕвзонг натуралистты станцы.

Бӕстондӕрӕй - нӕ радиойы ӕрмӕджы.

13
Темӕтӕ:
Радио иронау (185)
Ӕхцатӕ

Хуссар Иры вице-премьер фехъусын кодта уӕлбар кредиттӕ дӕттыны дыккаг этапы тыххӕй

4
(ранӕуӕггонд 09:45 30.07.2021)
Чысыл ӕмӕ астӕуккаг бизнесӕн республикӕйы уӕлбар кредиттӕ дӕттынц 2018 азӕй фӕстӕмӕ. Ацы аз хицауад ныридӕгӕн рахицӕн кодта 28 милуан сомы бизнес-проекттӕн

ЦХИНВАЛ, 30 июл - Sputnik. Хуссар Ирыстоны ӕввахс рӕстӕджы райдайдзӕн чысыл ӕмӕ астӕуккаг амалиуӕгадӕн уӕлбар кредиттӕ дӕттыны дыккаг этап, кӕцы ӕххӕст цӕудзӕн 2018 азы хӕстӕй фӕрӕзты руаджы, хъусын кӕны хицауады пресс-службӕ.

Уӕлбар кредиткӕнынады фӕдыл закон райстӕуыд 2018 азы марты. Уӕд 49 амалиуӕггӕнӕджы ӕдӕппӕт райстой 21 милуан сомы.

"2021 азмӕ уӕлбар кредиткӕнынадӕн суммӕ дыууӕ хатты фӕфылдӕр ӕмӕ у 49 милуан сомы. Азы райдайӕнӕй 28 милуан сомы райстой 43 амалиуӕггӕнӕджы. Уӕлбар кредиткӕнынады программӕйы цы механизм ис, уый руаджы популярондӕр кӕнынц экономикӕйы приоритетон къабазтӕ: хъӕууон хӕдзарад, рауагъдад, туризм, медицинӕ ӕмӕ ӕхсӕнадон хӕлцад", - радзырдта вице-премьер – экономикон райрӕзты министр Тадтаты Дзамболат.

Йӕ ныхӕстӕм гӕсгӕ, уӕлбар кредиттӕ райсыны дыккаг этапы фӕлгӕтты куырдиаттӕ ист фесты 5 июлы, Экономикон райрӕзты министрадмӕ ӕрбацыд 37 бизнес-проекты. Уыдонмӕ ӕркӕсдзӕн уӕлбар кредиткӕнынады фӕдыл Фонды совет.

Министрты кабинеты бафтыдтой, зӕгъгӕ, 2018-2020 ӕзты уӕлбар кредиттӕ райстой 157 амалиуӕггӕнӕджы 76,5 милуан сомы бӕрц. Уыдонӕй 111 субъекты – хъӕууон хӕдзарады фадыджы; 20 субъекты – рауагъдады фадыджы; 16 субъекты – лӕггӕдты фадыджы; 10 субъекты – базарады фадыджы.

4