Ереды трагеди

Бибылты Анатолий: Ереды трагеди дӕр уыд 1920 азы геноциды фӕстиуӕг

5
(ранӕуӕггонд 10:08 19.03.2021)
Хуссар Ирыстоны президент Бибылты Анатолий банысан кодта, ирон адӕм алыхатт дӕр кӕй хъуыды кӕндзысты ӕвирхъау фыдракӕнд, кӕцы сӕххӕст кодтой гуырдзиаг фашисттӕ
Бибылты Анатолий: нӕ ферох кӕндзыстӕм Гуырдзыстоны ӕрхаст зындзинад

Хуссар Ирыстоны ссардтой Ереды трагедийы амӕттӕгты рухс нӕмттӕ, сӕ ингӕны раз цыппӕрӕмы ацыд фыдохы митинг. Президент Бибылты Анатолий банысан кодта, ирон адӕм алыхатт дӕр кӕй хъуыды кӕндзысты ӕвирхъау фыдракӕнд, кӕцы сӕххӕст кодтой гуырдзиаг фашисттӕ.

"Мах хъуыды кӕндзыстӕм зындзинад, кӕцы Гуырдзыстон ӕрхаста Хуссар Ирыстон", - загъта Бибылты Анатолий.

Паддзахады сӕргълӕууӕг банысан кодта, ацы трагеди иунӕг фыдракӕнд кӕй нӕ уыд ирӕтты ныхмӕ Гуырдзыстоны 'рдыгӕй, президент ӕрымысыд Зары трагеди ӕмӕ 2008 азы августы хӕст. Бибылты Анатолий бахахх кодта, ацы фыдракӕндтӕ иууылдӕр кӕй сты 1920 азы геноциды фӕстиуджытӕ.

5
Цхуырбаты Алан

Цхуырбаты Алан: рæстæгимæ иумæ ивы радиойы куыст дæр

2
(ранӕуӕггонд 15:41 19.04.2021)
Хуссар Ирыстоны паддзахадон радиостанц "Ир-ФМ"-ы сæргълæууæг Цхуырбаты Алан радио Sputnik радзырдта йæ куысты тыххæй
Цхуырбаты Алан: рæстæгимæ иумæ ивы радиойы куыст дæр

Ацы аз 11 апрелы паддзахадон радиостанц "Ир-ФМ"-ыл сæххæст 89 аз. Йæ сæргълæууæг Цхуырбаты Аланы ныхæстæм гæсгæ, рæстæгимæ иумæ ивы радиойы куыст дæр.

"Ныртæккæ афтæ бирæ ис информаци, æмæ йыл адæймаг не 'ххæссы, уый бандæвта радиойы куыстыл дæр, фæивта йæ формæ дæр æмæ йæ алæвæрдтæ дæр", - загъта Алан.

Радиостанцы сæргълæууæг куыд банысан кодта, уымæ гæсгæ кæд раздæр ног хабæрттæ эфиры цыдысты 10-15 минуты, уæд ныр та ахæм хабæрттæм ничиуал хъусдзæн.

"Не 'мзæххонтæй республикæйы æдде чи цæры, уыдон мын арæх фæдзурынц, зæгъгæ, радио "Ир-ФМ" цæмæннæ ис интернеты. Махмæ гæсгæ уымæн нæй стыр нысаниуæг, уымæн æмæ уыцы адæмæн цымыдисон нæ уыдзысты бынæттон хабæрттæ", - бафиппайдта Цхуырбаты Алан.

Йæ хъуыдымæ гæсгæ, ныртæккæ бирæ актуалондæр у социалон хызæгты парахат кæнын радиойы сæрмагонд алæвæрдтæ.

2
Темӕтӕ:
Радио иронау
Зассеты Мераб

Зассеты Мераб: Хуссар Иры музейы æрмæг бæлвырд кæны ирон адæмы рагон истори

6
(ранӕуӕггонд 12:38 02.04.2021)
Национ музейы сæргълæууæг Зассеты Мераб радио Sputnik Хуссар Ирыстоны эфиры радзырдта йæ дæлбар культурон уагдоны куысты тыххæй
Зассеты Мераб: нæ музейы цы æрмæг ис, уый бæлвырд кæны нæ рагон истори

Дунейы цы фæнды бæстæйы музейæн дæр ис стыр нысаниуæг, уымæн æмæ уым æвдыст æрцæуы бæстæйы истори, банысан кодта Зассеты Мераб. Йæ ныхæстæм гæсгæ, Хуссар ирыстоны Национ музейы цы æрмæг ис, уый та бæлвырд кæны ирон адæмы рагон истори.

"Мах цы историмæ барстам нæхи, уый уыд тынг къуындæг, уымæн æмæ нæ историйæ мах зыдтам, 18 æнусы кæмдæр хæхты кæй разындыстæм. Уæдмæ нын цы истори уыд, уый бæрæг нæ уыд", - загъта Мераб.

Зассеты Мераб куыд банысан кодта, уымæ гæсгæ стыр бузныджы аккаг сты уыцы ахуыргæндтæ, кæцытæ сæ цард снывонд кодтой нæ рагон истори сбæлвырд кæнынæн.

"Уый æрмæст мах истори нæ уыд, фæлæ индоевропæйаг культурæимæ цы адæмтæ сты баст, æппæт уыдоны. Мах уыцы адæмæн уыдыстæм сæ астæуыстæг", - бафиппайдта музейы сæргълæууæг.

6
Темӕтӕ:
Радио иронау